بليز ابى مساعدة

[ملح اهلها]

بنات تكفون ابى حل لمشكلة الصراصير الصغيرة فى المطبخ واللة مرتين نجيب شركة ترش المطبخ ونفس الشى بس حق الخنقة من الريحة واللة كرهت الدخلة للمطبخ والسبة هالصراصير فالى عندها الحل واللة لادعيلها تكفون:krkrkr: :krkrkr::krkrkr: :krkrkr:

 

[~Luxury]

نفس المشكله في بيتنااا


ياليت البنات يفيدووونا

 

[رمانه]

نفس المشكله كنا نعانيها بس الحمدالله لقينا الحل

العجينه العجيبه حطيناها بالمطبخ مالها ريحه ولا شى وتموت الصرارير ورروحه بلا ر ده تطلبينها من الشركه وهما يوزعونها بالمطبخ والحين مانشوف ولا واحد

 

[ملح اهلها]

كل من ردت على يعطيكم الف عافية وبالنسبة للعجينة اذا قصدج على عجينة رد روك شريتها من مركز سلطان وحطيتها وما احس لها فايدة على العموم جزاكم اللة خير ومشكورات حبايبى

 

[أغلى حبيبه]

انا مثلج بس اللي قطعهم العجينه

صج عجيييبه

يكون قوطيها اصفر

 

[ياعشيري جعلك السلال]

ايه صح احنا بعد حاطينها بالمطبخ

 

[طيرشلوا]

شوفو الصراصير الصغيرة (جتنى الحكة)تجى مرات ترا من صناديق الخضرة
اول طلعو مواعين المطبخ برا كلها ورشى مبيد اسمة دياز ينون 60 من المشاتل بالرى
وخلية اقل شئ 3ساعات وبعدين اغسلى مطبخ بجف البخاخ الاصفر والابيض لاتستخدمين الجف العادى احسة دمار يغث
وبام وخليهم مع بعض ربع ساعة وامسحى بفوطة نظيفة وخلية يتهوى لحد ماينشف
وعجينة رووعة قالتها لى وحدة وسويتها لخالتى وفعلا ثلاث شهور ماشافت صرصور وعقب قريت هالطريقة كاتبها دموع الكويت

 

[طيرشلوا]

ياحظى نسيت لا اكمل العجينة كوريها وسويها قطع صغار
وقطيها بالكبت وماراح تشوفينهم ان شاءاللة

 

[FoOoShYaa]

في بودر عن الصيدليه ب750 فلس تحطين معه حليب وسكر تسير جنها كيكه بس لا تاكلينهي , طلعي كل الاغراض
من المطبخ غسلي المطبخ عدل مدل والمواعين وانطي خل ينشف من المائ لا لا تحطين جرايد داخل المطيخ او في الارفف الجرايد الاكل المفضل للصراصير .
امسحي كل الارفف و الادراج والزوايا بالعجينه .
بعد 3 ايام ان شفتي شئ لج اللي تيبنه .
لا تنسين اختج من الدعاء

 

[kh_alhajre]

قالوا شلي صبرك على المر قال إلي أمر منه
إذا كلش كلش ما لقيتي حل .. جربي هاذي
طرشي أحد يروح سوق الحمام ويجيب لج (بطه)
البط يموتون على شي إسمه صرصور
لا وبعد.. من حبهم للصراصير ما ينامون الليل
صج مو غشمره ..خبرج الصرصور أكثر طلعاته بالليل
والبط معروف عنه ما ينام الليل .. جربيه وقولي ما قالت
وحده بوحده
​

::

 

[ملح اهلها]

واللة ضحكتينى الظاهر ما فية غير هالحل اجيب بطتين ثلاثة واخليهم على كيفهم بالمطبخ مشكورين ويعطيكم العافية

 

[" غـادهـ "]

حبيبتي شوفي أنا بقولج عن طريقة أمي وأبوي بدايت كل صيف من عمر يسونها وربي تنظف البيت وكل مكان بس عيبها

ريحتها حيل قويه بس شتسوين تحملي كلها يوم وعقبها ترتاحين سنه ...<< جني طولتها !!؟

المــــــــرااااااد ..

شوفي أبوي يشتري من مكان الأعلاف على ما أظن مكانهم بالصليبيه

دوا أسمه " دوا الجرب " أهو مال الحيوانات ..

وأمي تخففه بشوي ماي لأن ريحته حيل قويه وتغسل الأماكن إلي فيها الحشرات

يعني المطبخ والحمامات " وأتنوا بكرامه " والممرات والمخزن وهالسوالف ..

وتخليه من الصبح ليما بالليل وعقب تغسلهم عدل مدل ..

وربي بيتنا الحمدالله نظيف من الصيف ليما الصيف

بس شوفي طلعي برى البيت وإذا عندج جهال باتي برى البيت

لأن الريحه حدها قويه ..

سويهاااا وإن شاء الله بتدعيلي​