بليز ابي مساعدتكم

[cuteq8]

بنات بغيت استفسر هل الإجهاض يأخر الحمل ؟
لان أنا من شهر 11 سقطت وليلحين مالله رزقني ،،

 

[شيخه و طيبه]

و الله ما اعرف
بس ما حبيت اطلع بدون ما ادعيلج الله يرزقج بالحمل السليم و الذريه الصالحه المعافاه

 

[om-s3oodi]

آنا كنت قارية من قبل أنه الإجهاض مو شرط يأخر الحمل .. إذا كانت الفترة طويلة .. روحي الدكتورة وسوي فحوصات عشان تتطمنين حبوبة ..

و إن شاء الله مافيج إلا العافية ,, وتبشرينا بحمالج جريب ياااااارب ..

 

[cuteq8]

حياتي تسلمون حبيباتي عالمرور
اااامين يارب وويوفقكم معاي انشالله

 

[cuteq8]

أنا سويت تحاليل من فترة قصيره والحمدالله كل شي تمام
بس قلت يمكن لأني سقطت سسبلي تأخر بالحمل لان الحمل الاول كان بسرعه من اول شهر

 

[انوثة من حرير]

اختي مادري بس ترى الاتهابات تسبب تسقيط وتاخر الحمل وشوفي تحليل الغدة الرقية ترى تسبب تاخر حمل وانتي ماتحسين شوفي دكتورة فوزية القطان الفحص والتحاليل عنده مضبوطة انشالله الله يرزقج ويرزقني بالذرية الصالحة

 

[(أم نونو)]

انا بعد سقطت من شهر 8 وان شالله ناويه اراجع على الشهر الجاي

 

[دانة الدنيا144]

لا اختي موشرط انا ارفيجتي سقطت وبعدها بشرين حملت وربي يرزقنج ويرزقنا

 

[_ظل الياسمين _]

وايد يسقطون ويحملون بعد شهر او اثنين...كله بامر رب العالمين.

 

[جديده 1]

مو شرط .. بس اظن ان اللي تسوي تنظيفات احتمال حمالها يتأخر .. لان يسوون كشط للرحم و الرحم ياخذله فتره على مايكون جدار مره ثانيه .. اختي جربي بالدوره الجايه تاخذين عشبه القشعه او المدينه تلقينها بالعطار و يعلمج شلون طريقتها ..

بخصوص الفحوصات .. افحصي الغدد و افحصي هرمون الحليب .. خلي زوجج يفحص .. اخذتي ابره مالت فصيله دم الطفل ولالا ؟ لان لازم تاخذينها ولا راح يصير اجهاض لاسمح الله بالحمل القادم .. فحصي التبويض عندج .. و أخيرا افحصي قنوات فالوب فيها سدد ولالا بفحص اشعه الصبغه .. و ان شاء الله تحملين انتي و كل محرومه ياااااارب

 

[cuteq8]

هلا حبايبي..
أنا ماسويت تنظيفات لان كان الجنين صغير عمره شهرين
وبالنسبه للتحاليل أنا سويت تحاليل حق عنق الرحم تأكدت جان في التهابات والحمدالله كل شي سليم بس ماسويت تحاليل ثانيه
وشنو العشبه اللي بالحواي شنو فايدتها؟؟؟

 

[مواصله]

مو شرط اختي حملت بعد اجهاضين علي طول

الله يرزقك

 

[سعودية بالكويت]

الله يرزقك ويطمن قلبك بحملك

روحي عيدي التحاليل مرة ثانية

ولازم تراجعين دكتورة تتابع حالتك

وربي يكتب لك الخير والذرية ..​

 

[جديده 1]

العشبه تنظف الرحم عدل و يقولون تفتح السدد اذا موجود .

 

[شنوووفه]

لاحبيبتي عادي مو شرط انا كنت اجهض وراه بشهرين كنت احمل
اهم شي انج تردين اتسويين تحاليل علشان بس تتاكدين انه مافيج شي
واكلي فوليك اسيد ترى واايد زين اذا ناويه تحملين

 

[om batool]

اتوقع طبيعي بعد الاسقاط الثاني حملت بعدها بسنه والاسقاط الثالث حملت بعد 4 اشهر تقريبا

الله يرزقج بالحمل الثابت

 

[فرااااولة]

لا ما ياخر

انا اجهضت مرة وبالشهر اللي بعده حملت<< لان يقولون الفرصة بعد الاجهاض الاول تكون وايد كبيرة
وفعلا حملت

وعقب ولدي بسنة ونص حملت وطرحت.. وبعدين شلت من بالي فكرة الحمال لاني تعبت، بعدين رديت حملت وطاح شهر1
والله كريم

لا تسمعين حجي الناس، و اهم شي لا تيئسين

 

[cuteq8]

أنا ليلحين ماياني ولا ولد أجهضت بلبكر وانا صغيره فوايد تأثرت وانصدمت من الإجهاض
والحين صارلي من تزوجت سنه و٤ اشهر تقريبا ،،،الله يرزقني يااااارب لان ودي بيبي حدي متشفقه عالياهل الله يسهل يارب
أنا بغير دكتورتي لأني ماارتحت لها احسها مو شاطره شنو تنصحوني اي دكتوره اروح ابي دكتوره شاطره عشان ابي اسوي عندها تحاليل يديده ،،، ساعدوني بليز انتوا مثل خواتيمها ومشكورين

 

[cuteq8]

أنا ليلحين ماياني ولا ولد أجهضت بلبكر وانا صغيره فوايد تأثرت وانصدمت من الإجهاض
والحين صارلي من تزوجت سنه و4 اشهر تقريبا ،،،الله يرزقني يااااارب لان ودي بيبي حدي متشفقه عالياهل الله يسهل يارب
أنا بغير دكتورتي لأني ماارتحت لها احسها مو شاطره شنو تنصحوني اي دكتوره اروح ابي دكتوره شاطره عشان ابي اسوي عندها تحاليل يديده ،،، ساعدوني بليز انتوا مثل خواتي ومشكورين

 

[bint_looda]

عسى الله يرزقج بالذريه الصالحه ان شالله