%%% بليز اللى تعرف لاتبخل على بالرد %%%

[pinky cat]

مرحبا ابلات شلونكم
انا حامل بالشهر السادس وبصراحه حيل تعبانه ما اقدر اداوم ,,, حبيت اسألكم عن المجلس الطبى ,,, شلون اسويه
ووين اروح بالضبط ,,, وبالنسبه للمجلس الطبى يخصم من الراتب وشكثر ,,,,
ناطره ردووتكم

 

[ألمـاااس]

رد : %%% بليز اللى تعرف لاتبخل على بالرد %%%

هلا اختي

شوفي انا العام اخذت الكورس الثاني كله مجلس طبي وقعدت في البيت

والمجلس الطبي اذا اخذتيه ما يخصمون من راتبج ولا شي

بس لازم يقرر لج الطبيب انج بالفعل حالتج الصحيه تستدعي انج تقعدين في البيت بايجازة

يعني مو اي وحده يوافقون عليها بس اذا تعرفين احد او طبيب عادي يمشونها لج

بس اذا ما تعرفين يبيلج تقارير طبيبه والاغلب يجوبونها من مستشفيات خاصه بفلوس

الحين بشرح لج الطريقه..

اول شي تروحين لناظرتج او يروح زوجك او ابوج .. اخوج ... الخ ........>>>حلوه الخ ههههههههه

يروح للست البومه اقصد الناظره يقولها يا ست الحسن والدلال زوجتي او بنتي او اختي الي يكون تعبانه وما تقدر تداوم نبي لها مجلس طبي

اذا ناظرتج طيوبه راح تسوي لج ورقه تحويل للمجلس الطبي واذا نسره بتتعذر عشان تبي تحدج على اللويه المهم اذا اخذتي منها التحويل تطيرين فيه للمجلس الطبي الي مكانهم صوب مستشفى الصباح صاير ورى شوي من تروحين هناك تسالين يدلونج

تدخلين عندهم تفتحين ملف وهم راح يعلمونج لحد ما تكملين اوراقج ولما يخلص الملف يعطونج موعد للمستشفى الي انتي تابعه له طبعا مستشفى حكومه تروحين للموعد وطبعا تكونون مزهبه لهم كود اوراق وتقارير عن حالتج واهم يحددون مده الاجازة حسب الحاله

اذا عطاج اسبوعين بس عادي بعد الاسبوعين تقدرين تتجديين الطلب بس المره الثانيه ما يحتاج تمرين المدرسه لان خلاص صار عندج ملف

وجذيه لحد ما تولدين بالسلامه...

الحاله الثانيه.. اذا الست الناظره ماكانت مطعمه عن النذاله ورفضت تحولج

اهنيه تصكينهم طبيات وحده ورى الثانيه اذا من حكومه ثلاث ايام ورى ثلاث ايام

واذا من خاص يمكن يعطونج اربع ايام او اسبوع

وجذيه راح يحولج قسم الاجازات الي بالمنطقه التعليميه الي انتي تابعه لها للمجلس الطبي وطبعا يتصلون عليج ويطلبون منج تراجعينهم عشان تسلمين الورقه حقت التحويل او على طوي تروحين للمجلس الطبي تحصلين اسمج عندهم عرفتي؟؟

واي استفسار انا حاضره

 

[العجوزوعيالها]

الله يشافى جميع مرضى المسلمين