بليز اللي تعرف عياده اسنان زينه تدخل

[الفردان]

مرحبااا بنات


بصراحه ابي بنات يفيدوني


انا اراجع الهادي حق الاسنان

وقالي تحتاجين تقويم ولازم نشوف انا ودكتور التقويم شنو يصير ونقولج

وقال احتمال التقويم يكلف 1500 و تظلين سنه ونص

طبعا عياده التقويم بس 1500

غير ان العياده الثانيه حق تبيض و تلبيس

يعني راح يطلع 2000 و شي

سويت عصب عندهم اول مره خذا 92
ثاني مره خذا 100

احس راح يطولونها

وانا بخلص بسرعه

وحده تصيرلي قالتلي ان اكيد اكو عيادات ارخص ويخلصونج بسرعه

بس ماتعرف

قلت انشالله انتوا تفيدوني​

 

[white pearl]

حبيبتي انا مسوية تقويم أسنان

عند عيادة اللؤلؤة بالجابرية

بصراحة شغلهم روعة لأني مجربة الحكومة وشفت شغلهم أي شي وما تعدلت اسناني

رحت الخاص والحمدالله قال لي بيقعد سنة لكن بين معاي الفرق بسرعة واحتمال أشيله قبل السنة

الدكتور اسمه وليد و مدير المركز د. عماد المغربي وعمل لي خصم روعة وانا اقاصدهم كل زيارة يعني كل شهر

 

[white pearl]

نسيت اقولج عنوانهم الجابرية

وهذا رقمهم 25351162_25351163

 

[الليدي ديانا]

عيادة نيو ابها عجيبه

 

[دلوعة vvip]

نيو ابها حلوة

 

[الفردان]

انا ما ابي التقويم لان يطول

سألت كذا وحده قالتلي يصير تلبيس

لان التقويم معاناه وانا طبيعه دوامي لازم اتحجى لان نظام مراجعين

 

[الفردان]

نيو ابها اشلون اسعارهم

و الدكاتره شنو اصلهم ؟

 

[الليدي ديانا]

اسعارهم زينه

الدكاتره في كوتيين و في غيرهم

 

[الليدي ديانا]

و هذا رقمهم اذا تبين 3721653

 

[الفردان]

ما ابي دكتور كويتي الصراحه استحي


يعني شطااار ؟

ولا اقط فلوسي على الفاضي

لان انا ميمعه عشان اسوي شي عدل

اخاف اقط الفلوس على الفاضي وما اكون مسويه شي

يعني لي الحين قاطه 300 دينار على ولا شي

 

[الفردان]

شنو عنوانهم حبوبه

وتسلموووون كلكم على الرد

 

[دلوعة vvip]

http://q8soog.com/modules.php?name=News&file=article&sid=460

ترى في وايد مادحين د. عبد الهادي وحتى في منتدى كويتيات

 

[الليدي ديانا]

العنوان موجود بالنك الي حاطته دلوعه vvip

اي حتى انا اقول دكتور عبد الهادي ماشالله واايد زين

 

[الفردان]

بس مشكلتي استحي من الكويتي

احس ما اخذ راحتي وويهي يقط الوان

 

[الفردان]

دكتور عبدالهادي صغير ولا كبير؟

يعني عنده خبره ولا توه

لان ولا مره سامعه عنه

 

[الليدي ديانا]

لا عنده خبره

 

[الفردان]

اووكي

مشكوره حبي

 

[السيندريلا]

حبوبه عيادة الدانة عجييييييييييبه والله حييل انا بديت وياهم كل اسناني سويتها وبعدها ركبت عندهم تقويم صج صج شغل يهبل

 

[الفردان]

لا انا ما ابي تقويم

ابي البس اسرع واحسن لان عندي مناسبه قريبه على شهر 6 قلت اخلص بسرعه

 

[الفردان]

انزين انا رحت خذيت موعد عند دكتور مصري

ما عرفت اسمه


اهو زين ولا اشلونه؟