بليز اللي طلبت بوتات من النت ,, اتفيدني

[noty]

قوه حبايبي شلووونكم

بليز ابي اعرف تجاربكم بطلب البوتات عن طريق النت

يعني لما طلبتي البوت و انتي بكرامه ,, طلع مضبوط القياس ولا فرق ؟؟

ابي اطلب من سايتات امريكيه

واذا طالبين شنو احسن سايتات تعاملتوا معاهم ؟؟

وشكثر اطول على ما توصل الطلبيه ؟؟

 

[zeeta]

انشالله اقدر افيدج


المقاسات تفرق من بلد و اخر
الامريكي غير الاوربي ......

احسن شي تاخذين قياسج من جواتي الماركات وانتي الكرامه

لان الماركات عندهم قياسات مختلفه مثال

5

5 ونص

6

6ونص

00000

هذا بالضبط موجود في كل سايت

اذا اختيه على هذا لقياس يطلع مضبوط 90%

اما اذا تاخذينه على قياس المحلات العاديه (6 7 8 9 ...)

مو كل مره يضبط 30%

شوفي انا دايمن اطلب 6ونص وطلع ريت

طلبت للعيد جوتي ماركه كورس طلع اشوي كبير


...

اما المواقع للجواتي في وايد

و احب اشتري من موقع فيكتوريا سيكرت

 

[zeeta]

اخترتلج بعض بوتات _وانتي الكرامه_ من موقع فيكتوريا سيكرت

 

[noty]

مشكووورة يا عمري

اي انا اللي بطلب منه فيكتوريا سيكريت عاجبني جم وااحد ( ماركة بيبي فات و ماركه جاسيكا )


انا قياسي 40 و ساعات 41 على حسب قصت الجوتي و انتي بكرامه

يعني 40 يعادل جم بالقياس الامريكي ؟؟؟

و لما طلبتي من فيكتوريا بالضبط طلع القياس ولالا فرق ؟؟؟

تسلمييين حبيبتي

 

[زيـنـه]

40 = 10 بالامريكي .

بس عن نفسي ما اجازف اطلب جواتي او بوتات من الانترنت .. لان القالب يفرق و لازم اقيس
و ساعات يكون مقاسي 9 و ساعات 9.5 و ساعات 10 .
و بعض الاحيان في سايتات فيهم القالب الضيج نارو N و ساعات القالب العريض وايد W
فمن جذي ما اجازف

 

[Morena]

بنات فكتوريا سيكرت سمعت انه اطلب منهم دايركت صج؟ شلون اطلب منهم بليز فيدوني

 

[^^ROSE^^]

حبيبتي طلبي من موقع zappos.com
حتى يكتبونلج اذا القالب ضيج N
ولا واسع W ولا عادي M<<<<يعني moderate
ويوصل لصندوق الارامكس خلال 3 الى 5 ايام

 

[عروس الدنيا]

تطلبين من فكتوريا عادي و تحطين عنوان الكويت .... بس ترى راح ياخذون منج فلوس شحن دولي و هم بالكويت شركة الشحن تاخذ مره ثانيه

 

[noty]

40 = 10 بالامريكي .

بس عن نفسي ما اجازف اطلب جواتي او بوتات من الانترنت .. لان القالب يفرق و لازم اقيس
و ساعات يكون مقاسي 9 و ساعات 9.5 و ساعات 10 .
و بعض الاحيان في سايتات فيهم القالب الضيج نارو N و ساعات القالب العريض وايد W
فمن جذي ما اجازف

مشكوورة حبيبتي

اي عدل كلامج بس ابين شكله اذا ضيج .. اعرف حق الشكل

في جم واحد عجبني بس مابي اطلبهم لاني ادري ضيجيين

و ادري مجاازفه بس ماككو بالديره شي حلوو ,, شكلهم مو ذرب و نو كوالتي

فجذي مضطره

 

[noty]

حبيبتي طلبي من موقع zappos.com
حتى يكتبونلج اذا القالب ضيج N
ولا واسع W ولا عادي M<<<<يعني moderate
ويوصل لصندوق الارامكس خلال 3 الى 5 ايام

اي قلبي خووش سايت بس حسبت ما يوصلوون الكويت

مشكوووورة يا عمري على المعلومات انه يكتبون اذا عريض او ميديام .. اول مره ادري

لا خلا و لا عدم

 

[zeeta]

و لما طلبتي من فيكتوريا بالضبط طلع القياس ولالا فرق ؟؟؟

تسلمييين حبيبتي [/b][/QUOTE]


مقاسهم زين

عندي لج طريقه اذا طلع اشوي كبير

حطي الجيلت للتصغير

عرفتيها؟

مثل لسفنجه مال الجواتي وانتي الكرامه .. بس هذي شفافه اذا حطيتيها ماتبين

الا اذا خلعتي الجوتي اذا ماشيه بمجمع من يدري انج حاطتها؟؟؟

و اذا اشوي ضيج

مع الاستخدام يصير وسيع


و اذا وايد صغير او وايد كبير

عرضيه بقسم الكويتيات مول

 

[noty]

حياتي تسلمييين ما قصرتي

ما انحرم منكم

 

[^^ROSE^^]

اي قلبي خووش سايت بس حسبت ما يوصلوون الكويت

مشكوووورة يا عمري على المعلومات انه يكتبون اذا عريض او ميديام .. اول مره ادري

لا خلا و لا عدم

هلا حبيبتي
اي يوصلون بس حق صندوق الارامكس داخل امريكا مايشحنون دولي
بالشيبينغ ادرس تحطين عنوان الارامكس عادي
والبيلينغ ادرس حطي عنوانج الكويتي ومكان الولاية اختاري AA
ومكان ال zip code حطي اصفار
وتالي دزيلهم بالفاكس صورة من اجازتج او جوازج او اي اثبات شخصي فيه اسمج بالانجليزي وكتبي رقم الاوردر
هم بيجيكون ويدزون طلبج
هالحركة تسوينها مرة وحدة اول مرة تطلبين تالي خلاص بياناتج مخزنة عندهم متى ماحبيتي تطلبين طلبي عادي بدون ماتدزين شي

اذا تبين تفاصيل اكثر دزيلهم ايميل على الكوستمر سيرفس قوليلهم شلون ادفع بفيزتي الكويتية اذا ابي الشحن داخل امريكا؟ وهم بيفهمونج عدل

 

[ام مضاوي]

الله ساااااااااااااااااالفه ياروز

عاد انا ناويه هاليومين افتحلي صندوق بالارامكس بس السالفه فاكس واسم وجواز
وهالحركه كل ماابي اطلب من موقع

عالعموم مشكوووووووووووورين وانا بعد استفدت

 

[^^ROSE^^]

ام مضاوي لاتخافين
هالسالفه بس حق موقع zappos هم نظامهم جذي
بس باقي المواقع عادي
انا اطلب من ساكس فيفث افينيو ونوردستروم ونيمان ماركوس وعادي ماكو مشاكل بس احط عنواني ورقم فيزتي وبس يوصل الطلب حق صندوقي خلال يومين او 3 ايام

 

[zeeta]

^^rose^^


اوله وايد


لا لا مو جذي

هذي طواله


السالفه سهله


روحي اراميكس فتحي صندوق ب 10.500د.ك

يعطونج ورقه فيها

رقم صندوق البريد

عنوان المنطقه اللي فيها صمدوق البريد .. بامريكا و بالتحديد نيويورك

+++

بعد ما تختارين سلعتج

و تحطينها في الباق\الباسكت

ادخلين العناوين الي في ورقه اراميكس

و تحددين جم يوم و توصل سلعتج

بعدين تحطين رقم الفيزا و الباسورد

+++
اذا دونتي معلوماتج سوي رجستر عشان ما تستخدمينه كل هالخطوارت مره ثانيه
+++

اذا بتطلبين مره ثانيه من نفس الموقع بس تحطين الباسورد

حتى رقم الفيزا محفوظ بالموقع

 

[ام مضاوي]

فعلا استفدت منكم يابنات
مشكورين وماتقصرون

روز ممكن تعطيني لنكات مواقع ثقه اطلب منها
بصراحه تعجبني شغلات وودي اطلبها من مواقع اطيح عليها بالصدفه

ابي للاطفال غير جيمبوري
وشنط وعزكم الله جواتي وغيره

 

[noty]

تسلموون حبااايبي