بليز بنات ابي حل بليز :(قلبي يحترق والله

[apfel girl]

السلام عليكم اول شي
ثاني شي بليز ساعدوني
انا حبيت واحد وصارلنا 3 سنين وشوي والصراحه محترم معاي ويحبني ومن شهر تقريبا تقدملي سوالي اياها مفاجاه يوم عيد ميلادي عاد عقب مادقو على اهلي وجذي ياني ابوي قالي تعرفينه وانا فيني طبع ماعرف اجذب يبين على ويهي فسكت وابوي عرف قالي دام انه دخل من الباب مافيها شي وامي قالت قبل العيد نعطيكم خبر ان شاء الله وللحين ماعطو الناس خبر وكل ماكلم ابوي يقول نسال واهوا اصلا لاسال ولاشي وامي مطنشه الموضوع وحبيبي كل يوم يكلمني متضايق من اهلي ويقول انا مابي اهلي يتكلمون عن اهلج بس هذي مو اصول والواحد اهم شي كرامته صح اني احبج بس ابوي قايلي اذا مادقو عقب العيد باسبوع بخلي امك تدق وتكنسل الخطبه بليز بنات ساعدوني شسوي وابوي مايتفاهم معاي وانا على فكره موحيل مع اهلي انا عشت عمري كله عند يدتي الله يشفيها وصارلي سنه يايه عايشه عند اهلي وامي وابوي ماكنت اشوفهم الا يوم بالاسبوع يعني ماكو اهتمام حتى عمري والله العظيم ابوي مايدري جم عمري انا عمري 24 يقولي 20 شسوي بنات احبه ومابي اخسره ساعدوني ​

 

[BiiShOoO]

الله يعطيج عى قد نيتج يارب

كلمي امج و سايها شنو صار معاج بس بطريقة غير مباشرة

 

[صباح الليل]

والله مافيها شي مسكي امج وقوليلها متى بتردون على الناس
وفهميها انج انتي تبينه ومن هالحجي
هذا مستقبلج ومافيها شي

الله يوفقج عسوووله

 

[فوفو22]

رد : بليز بنات ابي حل بليز قلبي يحترق والله

البنت تمون على امها اكثر

مافيها شي لو سألتي الوالده وقلت لها

ماما متى تتصلين على الخواطيب؟


والام تعرف بالاساس ان بنتها لها علاقة بالخطيب

فالامور ان شاء الله ماشية بس بعض العوايل تاخذها من باب الثقل

مبروك عزيزتي

فوفو

 

[السفيره جوجو]

رد : بليز بنات ابي حل بليز قلبي يحترق والله

الله يوفقكم و يخليكم لبعض و يجمعكم قريب يارب

اسالي امج قولي ليش اخرتو الخطبه و مارديتو عالناس للحين طولتو عليهم

و بعد قوليلها ترا انا عمري الحين 24 يعني بعد سنه راح تقل فرصي للزواج

و الحين كثرو العنواس ( اسم الله عليج )

بس عشان تحس قولي من هالكلام

و انه مايصير و ترا جذيه راح يقولون لناس اذا مارديتو عليهم و كنسلو لا سمح الله بيقولون مثلا لناس بيخطبون من عندكم راح يقولون والله ابوهم ما يبي يزوج بناته و كل ماجاهم خاطب طولو عليه بالرد و كنسل قولي يرضيج يطلع علي كلام و محد يدق بابي و اكون عانس

خلاص جاني النصيب وافقو >> حطي بهارات

صدقني بيوافقون و قولي انا ماقلت

يارب يكون من نصيبج

و ادعيلي ان الله يحقق الي في بالي فديتج

ربي يوفقج و يسعدج و يخليلج الي تحبين و يجمعكم قريب يارب

 

[يغار الحلا]

السلام عليكم


تعرفين مره من المرات من ترتاحين له اكثر ابوج او امج

قولي لهم فجاه شو صار على المعرس بتوافقون ولا لا

بهالوقت بيقولون لج شو رايج انتي

قولي انا بصراحه احس نفسي مرتاحه نفسيا

ومااوصيج بالاستخاره

وربي يوفقج ..

 

[Mrs_Orchidia]

كل تأخيره فيها خيرة .. البنات يزاهم الله خير ما قصروا

و انتي كلمي أمج بينج و بينها و قوليلها انج موافقة و تبينه

 

[آم آحمدو]

قولي حق امج ومافيها شي

وخل تدري عن علاقتج الولد دخل من الباب


وياااااااااااااااارب مايمر هاليوم الا وامج داقه عليهم

 

[يعني أني]

رد : بليز بنات ابي حل بليز قلبي يحترق والله

الله يكتب لج اللي فيه الخير

وكلام جوجو صح

انا معاها دشي عليها من باب التخويف انج كبرتي وانج بتعنسين اسم الله عليج من العنووسه

وقولي لها يمكن الناس تتكلم عني اني ماتزوجت وجذي وبيقولون اكيد من امها وجذي عرفتي

وان شاالله تجين تقولين لنا انكم ملجتوا


امين

 

[أباجورة محترقه]

رد : بليز بنات ابي حل بليز قلبي يحترق والله

الله يكتب لج اللي فيه النصيب
حبوووبنه تبين راي
اصلا عندنا عيب ام العروووس تتصل على ام المعرس تقوووول ترا وافقنا علييكم:080402ask_prv:

اللي اعرفه مفروووض ام المعرس تتصل تسال عسى البنت وافقت ومن هالكلام :hjy5jewf:


انتي حاولي خلي حبيبج يقول لامه تتصل تسال عن راي البنت وساعتها امج تقول موافقين والا لا:RoadRunner:

 

[تعويذه الحب]

حبيبتي كلمي امج وقوليلها انج موافقه وجيسي نبضهاااااا وبعدين انا اتوقع ان امج مستحيه ادق على اهل لصبي وتقولهم انج موافقه

يعني يمكن تحس انها قاطتج عليهم ويمكن تبيهم اهم يدقون فخلي اخت خطيبج ولا امه ادق وتسأل امج وتقولها انكم بطيتوا عليهم بالرد

والله يكتبلج اللي فيه الخير

 

[Sweetq8]

الله يوفقج ومايمر هالاسبوع الا وانتي خلاااص مخطووبه له والله يسخر أهلج لج ويسخر حبيبج ويوسع باله وبال أهله عليكم

 

[apfel girl]

رد : بليز بنات ابي حل بليز قلبي يحترق والله

بيشو وصباح الليل و فوفو 22 السفيرة جوجو ويغار الحلا ومسز
فديتكم ومشكورين وان شاء الله يارب يوفقكم ويحقق كل الي في بالكم وامين يارب الله يكتبلنا الي فيه الخير وبصلي استخاره من عيوني تسلمون

 

[apfel girl]

رد : بليز بنات ابي حل بليز قلبي يحترق والله

تسلمون فديتكم انا قلت له امك تدق قالي امج قايله اهيا بتدق بس الله يكتب الي فيه الخير لي ولكم والله كفايه كلامكم الي يريح الصدر

 

[السفيره جوجو]

رد : بليز بنات ابي حل بليز قلبي يحترق والله

بشرينا اول باول حبوبه

و ان شاءالله نسمع خبر الملجه قريب

 

[أحب بابا جابر]

واي انا فرحت انتي شلون هههههه


انا تشجعت عيل انتي شلون <<<< انا شكووو ههه
انشالله الاخبار الحلوة بانتظارج واول ما يصير خبرحلو بشرينا
انشالله ماكو الا العافية اذا نصيبج بتاخذينه

بليز بليز ادعيلي الله يرزقني بالزوج الصالح يا رب ويعوضني خير
اللهم اجرني في مصيبتي واخلف لي خيرا منها

 

[honey lust]

حبيبتي مالج الا امج لان فشله تقعد تحنين على ابوج
قعدي عند امج و خرعيها قوليلها يما انا كبرت و فرص الزواج راح تقل بالنسبه لي بس جذي حجي
عشان تستعيل ابوج
و انشالله الله يقدم اللي فيه الخير

 

[apfel girl]

رد : بليز بنات ابي حل بليز قلبي يحترق والله

ان شاء الله جوجو وامين يارب
احب بابا جابر فديتج لووول وببشرج ان شاء الله والله يرزقج يارب بلي يحبج ويصونج
هوني ان شاء الله ومشكوره فديتج

 

[♥ąϻᴑŁ♥]

كل تأخيرة فيهـا خيرة ..

والبنات ماقصروا .. وان شاء الله تبلغينه بالاخبار الحلوة عن قريب ..

 

[㋡..PRINCESS..㋡]

عسى الله يكتب لكم اللي فيه الخير يااااااااااا رب :*