بليز بنات ابي حل

[Hard-to-get]

في شغله دايما تصير فيني جدام ايكيا


مرات اكون ماره جدام ايكيا عند النافورات والدوريه الي سافطه واكون امشي عالخفيف واسولف مع الي يمي


وتنط جدامي وحده واشوفها واعطي بريك ماحوشها

اتم الحرمه وتخزني خزه الله وكيلكم اني اتمنى الارض تنشق وتبلعني تخزني خزه الي معصبه على الي بتبطل باب سيارتي وتزرني من هدومي وتكفخ راسي بالسكان

ودايما الحريم يكونون من النوع الملتزم يعني مره صارت مع منقبه ومره مع وحده لابسه العبايه الاسلاميه الصحيحه

واتم تخز وماتتحرك جنها تقولي فيج خير تحجي

واخر مره عصبت صج من نظرتها وحركت بغيت ادعمها عطوني حل لو صارلي هالموقف شسوي والله بنات ماكون قاصده اكون اكلم الي يمي واهيه اتنط جدامي واهيه اساسا شايفتني معديه وغير هدا اكون اوريدي طايفتها بس تعاند تخليني اوقف وتوقف جدامي وتخزني ​

 

[عاشقه رويشد]

هل الاشكال شكثر نشوفهم بشارع عادي طووفي عطيهم علي قد عقلهم لو بتحاجين هذي وهذيج والله ماتخلصين

 

[Hard-to-get]

مشكوره اختي عالرد

لا بس يعني مهما يكون احنا بنات عوايل مو من الي مطولين حيل عالاغاني ويرقصون ومرات يكون معاي اخوي الي عمره 18 قاعد يمي واهيه تخز جذي جني حثاله عيب يعني ماسويت شي من طيبي اني موقفه واتأسف بعد

 

[يوآش يوآش]

حالات غريبه ..

الله يعينج ​

 

[بس احبك]

لووووووووووووووول بهالزمن اللي مايطوف مايعيش ونصيحه اذا بتعيشين كل يوم بيوومه انسي اللي يكدر خاطرج ماتسوى انج تفكرين بهالاشياء ^_*

 

[القلب الطليق]

ابسط شي رفعي لها ايدج بقصد انج تتسامحين منها وكملي دربج واهيا اذا شافتج جذي تتأسفين وانتي مبتسمة فيها خير اهيا تقل ادبها عليج وراح اهيا تقول عادي حصل خير صدقيني

 

[دلع العتبان]

لاالكويت ديرة خز

ونظرات مالها معنى لو تمشين الدول الثانية انسي يطالعون فيج ولاحتى يلتفتون

 

[فروحه*]

الله يعينج الخزه بالكويت عندنا صايرة موووضه يس الله يسترج صاير فيها جرااااااااايم ههههههه لأ قاعده اخرعج بس طنشيهم طوفيها جدامج ولا جنه صار شي وانتي بعد انتبهي على نفسج بالسواقه لاتسولفيين وااايد لوووووووووووووووول

 

[عصيرِ كوِكتيلْ]

سبحان الله كل مارحتي هالمكان تطلع لج !!!
ماعليج حبيبتي بس قولي سكنهم مساكنهم وراح تختفي !!

 

[رووز q8]

عاااادي الخز شي لابد منه عندنا بالديره .~

 

[حجيه هيونه]

يامعوده تعوذي من ابليس وطوفي يعني تبين تهاوشين كل الحريم الى جذي ؟؟ تتعبين

 

[كتكوته ورديه]

حبوبه انتهبي وطولي بالك

 

[( المـلاك )]

حبيبتي كلنا يصير فينا جذي لما نكون بمصافط ايكيا الافنيووو


السبب شغله وحده

الحين حريمنا صايرين حالهم حال الهندي و المصري
لما تمشين بالشارع بسيارتج و يعطيج طاف واهو يعدي بنص الطريج
و في امج خير دعميني !!

هذيل جذي صايرين
يركضون ذابحهم المجمع
بيلحقوووون
مايبون تطير ولا دقيقه من عمرهم
حتى ما يحترمون السياره تمر
لا
يقطون عمرهم
و يقولون اكيد ماراح تدعمنا و تسبب لنفسها مشاكل ومخافر ومصايب
اكيد بتوقف

ف كلهم يسوون جذي


و طبعا اذا مشيتي و ماعطيتيها طريج
اوووووووووووووووووو
تاكلج اكااااااال


يااااااارب الناس يتحضرون يااااااااااارب

 

[Hard-to-get]

مشكورين حبايبي عالرد

الله يهديهم انشالله

 

[هواجيس الفجر]

رد : بليز بنات ابي حل

بغيتي تدعمينها وماتبينها تعصب و تخزج لوووووووووووول

 

[*حبيبة أعمامها*]

طولي بالج حبيبتي وما عليج منهم

وطوفي ولا تضيقين عمرج

 

[غمزه وإبتسامه]

الله يعين اشكال غريبه

 

[دنيتى زوجي M]

طاف حبيبتي بعد شتسوين لهم تتهاوشين مع وحده وحده فيهم .!

 

[ايمان80]

عطيها هرن قوي...خليها تنقز من مكانها

عشان تحرم تخزج مرة ثانية

 

[marlin q8]

رد : بليز بنات ابي حل

انتي ذكرتيني بموقف صارلي ., المصيبه انتي لاهيه وكنتي بتدعمين, انا ياروحي ميوده السكان زين مااعظه خخخخخ.. الموهيم ماخذه الدوآار وسايدي ماحسيت الا وحده ياتني من اخر السايد, وتبي سايدي ...زين هوب هوب مردج بتاخذينه ,
الموهيم خففت وطقيت اشاره يمين , تدرين شسوت , والله قاعده تاخذ بريكات بويهي علشان ادعمهآ واللي يمها تخزني , وتسويلي حركات وووو!!
تدرين شنو سويت واحياات الماما والبابا هع , عطيتها طاااااف وخليتها تستحقر عمرها, وانا متاكده اهي مومستحقره اهي مستانسه, لانها هبله علباله خفت ههههه
..,
اختصااار حبيبتي لا تهتمين حق هالاشكال وطااااف, بس انتبهي مره ثانيه لي سويتيها فيني اتلش من جامتج خخخخخخخخخخخ