بليز تجمع للمصابين بالقولون وامراض واضطرابات المعده والجهاز الهضمي

[G A L A W I]

مررررررحبا بنوتات
منو عندها التهاب بالمعده نفسي!!!!

ملاحظه الأغلبية عندهم قولون

 

[*^^حرم الدكتور^^*]

اللهم الجنة ... و الله المرأة مسكينة عن نفسي كسرت خاطر نفسي يعني شنو تاخذ عشان ترتاح .. صج الله يعينج صج انا سمعت عشان جذيه حطيت الحبوب اخر حل حتى عقب الحمل نفسه

غلاوي ... توني رادة من دكتوري و شاف نتايج تحاليلي و قاللي ان وااحد من اسباب الالم عندي انه عندي التهاب بكتيري بالمعدة مادي شسمه غريب و حيااج الله و بالسلامة انشالله

 

[غصن الغلا]

للرفع

 

[اللهم الجنة]

حرم الدكتور سلامات ما تشوفين شر واذا تبين نصيحتى لاتاكلين مانع

 

[لولي**]

هلا بنات انا معكم

علتني بطني الله صبرني حرمت الخروج والطعات بسببها

شسوي معها

 

[اللهم الجنة]

""""""""""""""""""""""""

 

[لولي**]

بنات انا لما تجيني البروده باطرافي وبكل جسمي
اشب فحمه واحطها بالمبخر واحط رجولي فوقها لين تدفى والله يخخخخخخخخخخخخخخخخخف ويروح بسرعه الالم

قلت اقولكم تجربتي بجد تفيديني
اي سوال انا حاضره لو مارديت ارسلوا على الخاص احيانا انسى مشاركاتي وين احطها

 

[روروو]

لولي سلامات يالغاليه انتي قولونك عصبي ؟؟​

 

[لولي**]

روروو والله مااعرف بصراحه
بس انا لو خفت او توتتر بسرعه بطني تعورني وارجف وانفض

ولو مانمت وسهرت تجيني الحاله

انا لمارحت المستشفى قالوا لي المصارين تعبانه مافهمت شي منه الدكتور بس كنت طيب وحاضر

والحين والله لو تشوفيني دلاغات ولابسه لبسين مثل العجايز بس عشان الجو برد شوي

 

[روروو]

بس ياحبي عصبي اهم شي هدي نفسك حاولي ماتتوترين كثير ولاتخافين ترى مايخوف بعدين تدفي الستر زين هههههه وحنا داخلين ع الشتا ​

 

[لولي**]

متدفيه لاتحاتييييييين هههههههههه كني عجوز انا والكرسي الهزاز مالي شابكه واهز ههههههه

والله تعبني الحين احاول اخفف تفكير وتوتر وصدقتي لما اخفف اهدا والله وارتاح

مشكوره ياقلبي

 

[روروو]

افا عليك خبره فيه ماتشوفين شر وطمنينا عليك ياعسل
لاتقولين عجوز انتي احلى بنوته بالدنيا​

 

[لولي**]

مشكوووووره
الله يجبر بخاطططرك يارب مثل ماجبرتي بخاطري


عاد شجعوني على وجهه زواج ومن كثر التفكير بس مريضضه احاتي امرض بيوم العرس

الله يسهل ويمر يومي على خير

 

[روروو]

الله يوفقك ويسعدك هونيها وتهون لاتفكرين بتمر سهاله راح يمر اليوم بدون ماتحسين فيه اهم شي اهتمي بنفسك بغذائك ولاتنسين الدعاء وقراية سورة البقره يوم زواجك وانتي رايحه الصاله حصني نفسك بآية الكرسي والمعوذات والاخلاص ​

 

[لولي**]

تسلمين يالغاليه باذن الله

والحين نعساااااااانه بروح انام وبكره اقولكم معاناتي

 

[dalalee]

متى حاشج؟
تقريبا نص3 اول 4
شلون بدا؟
شلون بدا مادري ماذكر
شنو اعراضه؟
اول مره عوار بمعدتي عادي بس بعدين لا صار مثل الحزام معدتي وظهري عوار مو طبيعي احس روحي بتطلع


منو شفتي من دكاتره؟
دكاتره عاديه مو متخصصين كبار اروح الطبيب ويكتبلي علاج

شنو جربتي علاج؟
كل شي جربت حبوب لهوم كل شي . بس ريحتني حبوب حمر يعطيني اياها الطبيب مادري شنو اسمهم اول ماعرف اسمهم راح اكتبهم يمكن ترتاحين عليهم

توصلتي لعلاج؟
تقريبا


واذا ماتوصلتي شتسوين لاياج وشلون نفسيتج؟
انا عن نفسي نفستي تتعب واتأزم ومابي احد يكلمني ولا يقرب صوبي .. بس النفسيه والاكل والنوم يلعب دور مثل ماقلتي

 

[روروو]

حياك دلولي ماتشوفين شر

لولي نوم العوافي ​

 

[بنت الديك]

السلام عليكم جميعا الاسطوريه حبيبتى شلونج ان شالله تكونين بخير حرم الدكتور ماتشوفين شر ياحلوه رورو بشرينى عنج سويت مثل ماقلتى لى شربت كروايه احس وايد تريح مشكوره على النصيحه فيث شلونج الحين ان شالله احسن شندوخه حبيت اسال عنج شلون صحتج ان شالله بخير لولى ماتشوفين شر حبيبتى

 

[روروو]

بنت الديك عليك بالف عافيه يارب دوم طيبه ومرتاحه ياحبي بس ادعيلي ولاتنسين الوالده لانها هي اللي علمتنياه
بترتاحين من شي اسمه حبوب خلي الحبوب بس بالازمات برى البيت​

 

[*^^حرم الدكتور^^*]

اللهم الجنة.. الشر ما ييج حبيبتي مشكوورة ،، المشكلة الكبرى اني اخاف احمل عيالي صغااااار ما اقدر
بنت الديك.. الشر ما ييج يا قلبي ،، طمنيني عنج شلوونج
لولي .. سلامتج و ما تشوفين شر ..شوقتيني عالكرسي الهزاز و الف مبرووك الزواج و مثل ما قالت روورو عليج بتحصين نفسج و لا تحاتين و تخافين ،، قولي هذي ليلة وحدة بالعمر و انتي اميرة هالليلة و انشالله الله يتمم عليج بكل خير
دلولي.. ما تشوفين شر انشالله .. و حياج الله
روروو ازيك يا حبيبتي ؟