بليز تجمع للمصابين بالقولون وامراض واضطرابات المعده والجهاز الهضمي

[روروو]

الله يشافيكم يارب اجر ان شاء الله
اهم شي النفسيه لاتزعلون ترى الدنيا ماتسوى​

 

[f.7oor]

امن يجيب المظطر اذا دعاه ويكشف السوء
من يجيب المضطر إذا دعاه ويكشف السوء
من يجيب المضطر إذا دعاه ويكشف السوء
يا الله يا الله يا الله يا الله يا الله
اللهم اشف كل مريض اللهم اشف كل مريض اللهم اشف كل مريض ولا سيما المنظورين

اللهم اشفهم بشفائك وداوهم بدوائك يا رحمن يا
اللهم بحق محمد وال محمد الطاهرين اشفي كل مريض

 

[شندوخه]

الحور جزاج الله خيييييييييييييييييييييير

قاعده اكلمكم ابي انسى العوار جنى ربيانه عالسرير هههههه والله شكلي يضحكككككك
مادري متى اقدر ارد البيت المفروض جرعتي خلصت بس الدكتور مامرني امس الله يعينه والله مشغول وكل مريض لازم ياخذ حقه
واحنا حدنا مراضا أدعل
فيث لاحظي قاعده اقول احنا يعني انا وانتي هههههههههه

 

[*^^حرم الدكتور^^*]

السلام عليكم
افا محد سأل عني :eh_s(6):

شلووووووونكم بنات ،، و الله لكم وحشة

رديت بعد انقطااع و عندي وااايد اشياء اقولها :gathering:

اول شي مثل ماهو مبين بتوقيعي الحمدلله الحمدلله نجحت عملية ولدي :yaaaaaarb:

كانت الاثنين اللي طاف و الحمدلله نجحت بفضل من الله

و الحمدلله ريلي امتحن و للحين ما طلعت النتايج الرسمية بس يقول قدم زين .. مسكين عنده اليوم و باجر امتحان بعد ادعوله

كل الامور تحسنت و الحمدلله إلا حالتي و الحمدلله على كل حااال .. كل يووم تسوء الحالة .. و من نتايج المنظار طلع عندي قرحة بالمعدة و قولون .. معدتي صارت واااايد حساسة حتى من المااي .. كله يوعااااااااااانة :dddds: صرت اخاف آكل
و من يومين بدى معاي انه لما يصير معاي العوار ينتفخ بطني جنه بالونة

خذيت موعد مع د. صقر السريع بانترناشيونال كلينيك باجر بروحله .. ابي يعطيني شي يشيل العوار او على الاقل يخففه ..

و بالأخير بشكر كل وحدة دعت لولدي و انشالله بميزان حسناتها يااااااااارب

دعواااتكم

 

[شندوخه]

حرم حمدالله على سلااااااااااامه ولدج والله فرحتيني الحمدالله رب العالمين عسا الله يبلغج فيهم يارب معاريس وتقر عينج فيهم يارب
والحمدالله على سلامتج والقرحه الحين ماتخرع في لها الف حل وحل وان شاءالله يارب يعطيج ادويه زينه طمنينا عنج ولاتقاطعين ترى صرتي وحده من هالتجمع خلااص

 

[بنت الديك]

السلام علبكم جميعا مشكوره رورو على ردج حبيبتى وبجرب يمكن يريحنى ان شاء الله الاسطوريه شنو نسوى نشتهى ناكل هالشغلات وبعدين تنقلب على صحتنا الله كريم حرم الدكتور الحمدلله على سلامة ولدج والله يوفق زوجج يارب

 

[روروو]

الحمدلله ع سلامة ولدك حرم الدكتور الله العالم اني مانسيتك بس انتي قلتيلي انك مسافره قلت بس تجي بنشوفها ونتطمن عليها
عادي حبيبتي لاتخافين بس اهم شي هدي نفسيتك والله يابنات امس اختي قامت 3 الفجر صياحها من هناك اول مادخلت علينا داخت وطاحت عند باب الغرفه بس فاقت قامت تصرخ تقول بطني جرح عاد اختي عادتها وقت الاختبارات لازم تتعب ومو تعب عادي بعدين انسدحت ع السرير وتصيح تقول احس فسه شي يمشي بالغرفه هي مخطوبه من انخطبت وصاحباتها يقولولها انتي انخطبتي وحنا عنسنا المشكله انهم ماتعدو ال20 سنه وبالمدرسه بعد داخت وقامت ترجع اكرمكم الله المدرسات هاوشوها يقولون لاعاد تجين وانتي تعبانه
ادعولها بليز تكمل اختباراتها وهي طيبه​

 

[*^^حرم الدكتور^^*]

شندووخة حبيبتي ،، انتي شلووونج و شخبارج ؟؟ مشكوووووووورة و الله يسمع منج انشالله .. و الله يسلمج
و لا انشالله مارح اقطع يزاج الله خير

روروو حبيبة قلبي ،، ريلي كان عنده امتحان بالخارج قبل موعد عملية ولدي ب3 ايام .. رحنا يوم وااحد بس حتى اقل من 24 ساعة و لما ردينا اتصل الدكتور بريلي " و احنا بالطيارة تونا طابين " قاله دخول باجر الساعة 6 بالليل جدمو موعد العملية .. لوووويه شوي بس الحمدلله اهم شي انه اليوم مر و نجحت العملية .. و اللي فيني اتحمل بس اهم شي ما شوف احد احبه متعور او متألم أنا مو مشكلة بس عيالي و ريلي و اهلي لأ ما اتحمل..
تصدقين للحين شاكين بحالتي محد برد قلبي .. د. المخيزيم قال انه شاف قرحة و الحمدلله داومت عالدوا مثل ما قال بس للحين العوار اللي ببطني و اللوعة و الانتفاخ حتى انهم مو متأكدين انه قولون عصبي .. بس نفس اعراض القولون

انا من يوم العيد مو مترقعة عقب ما اشهقت بويهي وحدة الله يسامحها " المشكلة اني ما اذكر شكلها" للعلم انا صارلي فترة منقطعة عن اهل ريلي و لما شافوني بالعيد كنت ضعفاانة و كان شكلي حده حلوو يعني نيو لووك و ضعفااانة و الكل كان ملاحظ هالشي تصدقين ما كملت كلامها إلا طحت جدامها و انعكفت ريلي
و انا مو من النوع اللي اخلي العين هاجس بحياتي اللي اخاف و جذيه .. بس العين حق و ورد ذكرها بالقرآن و السنة
اللي بوصله بكلامي .. ان العين حق .. و ماشالله تبارك الرحمن اختج الحين مخطوبة و من كلامج رفيجاتها مو مخلينها لا حول و لا قوة إلا بالله .. الناس ما ترحم و لا تخلي احد يستانس و يفرح
خليها قبل لا تنام كل يوم تقرا على نفسها و تمسح كل جسمها و تحاول تختم البقرة كل يوم .. غير هذا تحصن نفسها بالأدعية
و من هالأدعية : اعوذ بكلمات الله التامات من كل شيطان و هامة و من كل عين لامة
و ألف مبروك لإختج و انشالله تتهنى يااارب

 

[*^^حرم الدكتور^^*]

بنت الديك حبيبتي مشكوووووووووورة كلج ذوووق و الله يسلمج ياااارب ،، و الله يا بنات من فرحتي بولدي ماشالله ودي لو اقدر اكت نون بالمنتدى اللي صج رفع معنوياتي بعز ازمتي و ربي يشافيج و يعاافيج .. ايه و الله صاجة صرنا محروومين من كل شي نحبه تصدقين انا من الصبح بس عالماي و السبب اني صرت اخاف من الاكل لنه صار يعورني .. الله كريم

 

[الاسطورية]

هلا وغلا بكل الحلوين

فيث سلامتج حبيبتي ماتشوفين شر الله يشفيج

شندوخه ان شاءالله يوقف الاسهال راقبي اكلج

حور مشكوره وايد عالدعوه الحلوه

حرم الدكتور الحمدالله عالسلامه وبالعكس احنا موناسينج بس انتي عطيتينا خبر انج بتغيبين وكنا ناطرينج والحمدالله نورتي بردتج وطمنينا عنج

بنت الديك شلونج الحين



فاقدين سارونه وسحاب وبنت الاحلام

 

[الاسطورية]

انا توني راده من بيت امي فجاه حسيت عدم اتزان جنه احد كاب علي ماي بارد فجاه واسهال ورجعت عزكم الله يمكن لان الدوره موعدها الحين

 

[faith09]

الحور جزاج الله خيييييييييييييييييييييير

قاعده اكلمكم ابي انسى العوار جنى ربيانه عالسرير هههههه والله شكلي يضحكككككك
مادري متى اقدر ارد البيت المفروض جرعتي خلصت بس الدكتور مامرني امس الله يعينه والله مشغول وكل مريض لازم ياخذ حقه
واحنا حدنا مراضا أدعل
فيث لاحظي قاعده اقول احنا يعني انا وانتي هههههههههه

شندوخة أنا وأنتى قمة الدعاااااااااااالة . بس العوار وما أدراك ما لعوااااااااااااااار يتسلط منتصف الليل فتخيلى فى المستشفى . والله ما أصدق يصير الصبح عشان يخلص اليوم . يا ويييييييييييلج أذا طلعتى قبلى . مو قبول دخلنا مع بعض ونطلع مع بعض .

حرم الدكتور : حبيبتى أنا صار لى فترة بالمستشفى ولا تشوفين نظامى الغذائى ينكسر خاطرج على ومع ذلك مانى قادرة أكل . بس دير بالج لا يصير فيج جفاف ولا تخافين من الأكل . شوفى اللى يضايقج من الأكل وأبتعدى عنه " صار عندى خبرة فى الطب مع أنه مو تخصصى ولا شرايج شندوخة"

رورو شخبارج

يا بنات المنتدى دعواتكم لشندوخة ولى يالشفاء العاجل

 

[f.7oor]

رورو... خليها قبل لا تنام كل يوم تقرا على نفسها و تمسح كل جسمها و تحاول تختم البقرة كل يوم .. غير هذا تحصن نفسها بالأدعية
و من هالأدعية : اعوذ بكلمات الله التامات من كل شيطان و هامة و من كل عين لامة
و ألف مبروك لإختج و انشالله تتهنى يااارب
نفس كلام حرم الدكتوور و الله يبعد العين عن كل انسان يارب

 

[f.7oor]

الله يشافينااااااااا يارب اجمعين بحق محمد وال محمد

 

[*^^حرم الدكتور^^*]

الاسطورية .. الله يسلمج ياااااارب و الموضوع منور بصاحبته و كل اللي يشارك فيه
و سلامات حبيبتي ما تشوفين شر انشالله .. بسإلج القولون يزيد مع الدورة ؟؟ لأن للحين ما جربت .. بيني و بينج من شهر 7 مو يايتني فأصلا نسيت شلون يكون عوار الدورة بكبره >> كله من هاللولب استغفر الله

فايث .. حبيبتي مشكوووورة بس للحين "كل شي" آكله يعور بطني ،، للحين ماعرفت شنو يضايقني توني يديدة على الساحة >> ياني احساس اني مغنية

اليوم بروح عند د. صقر السريع و اشوف شيقولي !!
فايث اللي فهمته من كلامج انج انتي و شندووخة نايمين بالمستشفى .. ربي يشافيكم و يعافيكم و يطلعكم بالسلااامة ياااارب

حور .. ايه و الله صاجة الله يبعد عن الجميع العين

 

[كتكوته22]

السلام عليكم بنات
شلونكم وشخباركم صارلي فتره مادشيت المنتدى كنت لاهيه مع ريلي وقولونه
اليوم كان موعده عند الدكتور وطلعت نتيجة المسحات اللي كان ماخذها منه وقاله ان فيك تقرحات
لين اللحين يعني دكتور احمد الفضلي 3سنوات يراجع عنه بلوشي الله لا يسامحه
وقاله ان فيك قولون عصبي يعني شنوووو؟؟
وطلع فيه نقص حديد قوي وعطاه فيتامينات
وعطاه حبوب مهدئه اسمهاCipralexواهو من قرا الرشته وقال لو شنو ماأكلها بنات اللي تعرف عنهم شي تفيدني ؟؟
وقاله اقطع الاميرون نهائيا وعطاه موعد بعد شهرين
وهذا كل اللي صار00

 

[روروو]

مشكورين ياحبايبي بس عاد انتو تعرفون المراهقات يفكرون الزواج فستان ابيض وزفه
والله انا دايم اقولها حصني نفسك الناس ماتعطي خير بس المكتوب حرم الدكتور انتي الحين عشانك تعبانه تحسين كل الاكل مو مناسبك بس هالفتره ابعدي عن اي شي فيه زيت وفلفل وقهوه وشاهي وبتشوفين العافيه

سوسو ترى انا هنا سلامتك ياعسل
كتكوته انا فيني عصبي عادي يعنمد ع نفسيته ويمتنع عن الاكل اللي من شوي كتبته وراح تدعيلي​

 

[*^^حرم الدكتور^^*]

كتكوتة .. الحين اسألج ريلي "طبيب" و اردلج خبر

روروو .. ايه والله صاجة الناس ما تخلي احد تعيش بخير و سلام و تفرح .. اذا املجت احسدوها .. و اذا تزوجت احسدوها .. و اذا احملت احسدوها .. و اذا احملت مرة ثانية ورا بعض هم احسدوها .. ناس فااااااااضية >> قصة حيااتي بعد هذا اللي الله كاتبه بيحتجون على قسمة ربنا لا حول و لا قوة الا بالله

و عن الاكل اشبقى حبيبتي عاد انا ما واطن الفلفل احس اللي يبي يعذبني يحطلي فلفل بس طبعا كل ممنوع مرغوب ودي اروح مطاعم هندية اشاز و لا مغل محل الشاي انا مو واايد معاه اقدر اعيش من غيره اهو و الزيت بس القهوة و خاصة العربية صارت غرامي ما اقدر اعيش من غيرها بس رح احاول اخفف انشالله

 

[*^^حرم الدكتور^^*]

بنات بقوولكم اشصار معاي امس ..

امس كان موعدي مع الدكتور صقر السريع

ماشالله وااااايد زين و ارتحت له وااااااايد .. اسلووبه واايد يرفع المعنويات ..

انا وااايد رحت اطباء و اغلبهم اذا مو كلهم شخصوني بالقولون حتى طبيبة النسا حتى قبل لا يسون تحاليل بس سألوني عن الأعراض
بس د. السريع قاللي:
انتي الحين فيج اعراض القولون بس ما رح اتسرع و احكم ان فيج قولون إلا لما تسوين تحاليل و بعدها اقدر احكم .. يمكن اللي فيج عارض طارئ يمر عليج فترة و يروح بحكم مرحلة توتر مرت عليج بهالفترة :eh_s(6):


و سألته عن منظار القولون و الكبسولة قاللي بحكم عمري صغير ليش يخليني اعاني مع المنظار او حتى مع الكبسولة الذكية .. قاللي مع اني انا اللي رح اربح بس اخلاقي المهنية ما تسمحلي اني اعرضج لهالشي و انتي مو محتاجة و في بدائل

طلعت من الدكتور معنوياااتي مرتفعة وااااااااااااااايد و الحمدلله .. و طلب مني يشوفني الاسبوع الياي عشان يحكم بعد ما تطلع نتايج التحاليل اللي طلبها

و بس رحت بعدين الافنيوز و لعبنا اليهال .. ولدي الصغير مسكين صارله دهر ما طلع يلعب و انطلق بالأفنيوز :dddds: و تعشينا و ردينا ..
و توته توته خلصت الحتوته :dddds:

 

[*^^حرم الدكتور^^*]

السلام عليكم بنات
شلونكم وشخباركم صارلي فتره مادشيت المنتدى كنت لاهيه مع ريلي وقولونه
اليوم كان موعده عند الدكتور وطلعت نتيجة المسحات اللي كان ماخذها منه وقاله ان فيك تقرحات
لين اللحين يعني دكتور احمد الفضلي 3سنوات يراجع عنه بلوشي الله لا يسامحه
وقاله ان فيك قولون عصبي يعني شنوووو؟؟
وطلع فيه نقص حديد قوي وعطاه فيتامينات
وعطاه حبوب مهدئه اسمهاCipralexواهو من قرا الرشته وقال لو شنو ماأكلها بنات اللي تعرف عنهم شي تفيدني ؟؟
وقاله اقطع الاميرون نهائيا وعطاه موعد بعد شهرين
وهذا كل اللي صار00

كتكوته حبيبتي سألت ريلي عن Cipralex قاللي هذا دوا ينصرف للي عندهم قولون .. فدخلت نفسي بالموضوع :dddds:و سألته اذا رح يصرفلي ياه قاللي اذا ثبتت الرؤية و طلع عندي قولون عصبي و صار عندي عوار غير محتمل بهالحالة اي رح يصرفه لي .. لأن الحين قاعد يتدرج معاي بالأدوية من خفيف لعادي لقوي و اقوى .. بغيت اسأله هالدوا يعتبر قوي و لا لأ بس دخل عليه مريض بالعيادة و انهى المكالمة ..

عالعموم اي سؤال تبين اسأله ياه انا حاضرة .. أو حتى اسأل د. السريع لما اشوفه

و انشالله يقوم ريلج بالسلامة و ما يشوف شر