بليز تجمع للمصابين بالقولون وامراض واضطرابات المعده والجهاز الهضمي

[شندوخه]

بنات شلونكم
السيبرلاكس انا اخذه بالعكس دوا ممتاز اهو للقولون العصبي اكثر شي ينصرف

 

[CoCoa Pr!nceSS]

انا ماراجعت عند دكتور بس شاكة ان فيني قولون

بطني مرات ينتفخ احسه بينفجر وغازات مو طبيعية ومرات يحوشني اسهال

خاصة اذا كليت اكل من برا ( مطعم ) لازم اسهال ومرات يمسك علي حيل مع اني

دايم اشرب ماي وسوائل وصوت الغازات جننتني تحرجني حيل


هذا هو القولون ؟؟

 

[بنت الديك]

السلام عليكم حبيباتى الاسطوريه والله حالتى قاعده الزيد نفسيتى زفت مع الدوره بعد مانى قادره عوار ودوخه مو طبيعيه الحمد لله على كل حال حرم الدكتور لاشكر على واجب لازم نسال عن بعض والله يمكن اكثر البنات مايعرفونى بس والله انا متابعه لكم وافقد اى وحده اذا طولت على المنتدى والحال من بعضه الواحد معنويته تترتفع لم يفقده احد ويسال عنه كافى القولون يخلى الواحد نفسيته كلش صفر والله كل مااحس بتعب اذكركم وادعى لكم جميعا ان الله يشافيكم ويرفع عنكم يارب

 

[*^^حرم الدكتور^^*]

بنت الديك صااجة حبيبتي .. انا كل ما تنزل معنوياتي بحكم الألم و اللوعة على طووول ادخل الموضوع و اقرى ردودكم اللي تشرح الصدر

سلامتج حبيبتي ما تشوفين شر انشالله .. بغيت استفسر منج الحين القولون يزيد مع الدورة ؟؟؟؟؟؟؟ للحين ما جربت

 

[شندوخه]

شلونكم يا قولونيات ؟؟؟ بشروا عن احوالكم
حرم الدكتور
انا عن نفسي الاسهال يزيد وقت الدوره والغازات بس اول يومين وبعدين عادي بس مو اللي اطيحج من حيلج لا
شربي اعشاب وكمون وهالسوالف راح ترتاحين منها بس اول يوم دوره افضل اني اقعد بالبيت ارتاح فيه
وخنشوف باجي البنات شقولون

 

[روروو]

سلامات انا بعد جاتني الدوره امس وفعلا من وقتها اسهال اكرمكم الله بس احس اني طايحه مالي قدره اقوم اسويلي حليب او اقوم آكل​

 

[faith09]

بنات شلونكم . أنا بالنسبة لى الدورة مع القولون عذااااااااااااب . أسهااااال ولوعة . ماأقدر أقوم من الفراش ويستمر العواااار جم يوم . بس ما أخلى أحاول أشرب ينسون عشان أهدى شوية

 

[الاسطورية]

حرم الدكتور اهو احسن شي للقولون ان معنوياتج وفسيتج تكون بالعلالي وتنسين وتلهين عنه وتتناسينه زين تسوين


كتكوته شلون نفسيه ريلج؟


شندوخه وفيث شخباركم طلعتو من المستشفى؟؟؟؟؟؟


رورو سلامات الدوره متعبه ماعليه عالاقل تعب بسبب ارحم من تعب بدون سبب مؤقت ويزول

 

[الاسطورية]

بنت الديك حبيبتي بشريني عنج ان شاءالله احسن



انا بالنسبه لي مع الدوره اول يومين لوعه والم ومغص بعدين عادي

 

[الاسطورية]

كوكو صح اعراض قولون

 

[شندوخه]

ااسطوريه
بتظحكين علينا
دشينا مع بعض وطلعنا مع بعض والدكتور اليوم مريض مصخن مو رايح العياده مسكييييييين الله يشافيه مرضناه انا وفيث
واي بنات طلعت وللحين العوار والاسهال وظهري اخيييييييييييييه بموت من عوار ظهري وامي مصادره كل مسكنات الالم مالتي حدي انبطت جبدي

 

[*^^حرم الدكتور^^*]

السلام عليكم

شلوونكم بنات انشالله كلكم بخير


واااااااااااااي الله يعيني عيل من الدورة

الاسطورية هاليومين النفسية low بعيد عنج صارلي جم يوم ما انام من الألم و اللوعة مأذيتني حيل تعبت .. و قبل لا انام ابجي بجي مو طبيعي حتى ريلي مسكين اللي اهو طبيب و متعود انكسر خاطره علي و دمعت عيونه و كله يقولي قوليلي شنو اعطيج دوا و اعطيج قلت له انا الطبيب و لا انت ما بي شي يخفف العوااااااااار ابي شي يشيل العوار مسكين احسه معاني معاي و لا بإيده شي
الحين قمت كل ما اتعور و يزيد الألم ادخل الحمام و اقعد ابجي عشان ريلي و عيالي ما يشوفوني .. ولدي بو السنتين قالي "ماما وينا دودو انا طقي قطي زيبالة" وااي حبيبي حتى اهو حاس فيني
الحين اكتب و ميتة من العوار من صباح الله خير و انا بين مختبر تحاليل و مستشفى تعبــــــــــــــــــــــــــت
شندووخة الحمدلله على سلامتج انتي و فيث و طهور انشالله .. و ترا يمكن من مصلحتج اللي امج سوته عشان اذا الجسم تعود على المهدئات خلاص مارح يكون لها مفعول نفس اللي صار معاي .. بغيت اسإلج بالمستشفى شنو كانو يعطوونج ادوية و هل كان في شي يفيد و يخفف؟؟؟؟

روروو حبيبتي شلوونج بشري عنج؟؟

بنات بسألكم الحين اذا رحت الطوارئ شنو ممكن يعطوني للألم.. ريلي قاللي بس ابرة باسكوبان !!

 

[شندوخه]

الله يسلمج حياتي
شوفي صح كلامج انا جسمي الحين تعود عالمسكنات الثقيله
مورفين والمشتقات هذي الباسكوبان مايسويلي اي شيييييييييييي
وصرت اروح دكتور مختص بالالم وباجر بروح ان شاءالله لان جد تعبت
مو شرط يعطونج باسكوبان يعطونج ابره ترامال بالعضل او ابره اسمها بيتادين رهيبه تسكن الالم

بالمستشفى عطوني كورس فلاجيل والكرتيزون نفسه ماتغير وللحين اسهال ومسكن الالم فانتونيل اثقل من المورفين طبعا هذا مايطلع بسهوله ولازم يطلعونه من العنايه المركزه وتحت اشراف طبيب تخدير لانه ممكن جرعه زايده منه توقف التنفس بس الحلو انه ماله سايد افكت عالكبد والكلى ولا يسبب ادمان مثل المورفين والبيتادين والترامال
انتي روحي قوليلهم عطوني مسكن بالوريد اسمه ترافلقان فيه نسبه بارسيتامول عاليه تسكن الالم يشبه البندول

 

[*^^حرم الدكتور^^*]

انشالله الله يسمع منج .. شكلي ارول ما يرد ريلي من الخفارة اخليه يوديني عسى يخف الألم و اقدر انام اليوم من غير بجي و ارتاح

مشكوووووووووورة خوخة = شندوخة >> شرااايج باسم الدلع

 

[الاسطورية]

شندوخه سلامات ودي اسمع عنج اخبار طيبه

حرم الدكتور ماعليه لانها البدايه انتي مومتاقلمه ونفسيتج بتزيد الي فيج انتي كل ماحسيتي بعوار والم قاوميه وضحكي وانسي انا ادري ان العوار ما ينسي ولا تقدرين عليه بس اذا صار قوي انسدحي على ظهرج وحطي مخده مرتفعه تحتج وطالعي التلفزيون ليما تنسين النومه عالظهر تخفف الم البطن وهالايام خلي اكلج كله صحي لاتاكلين مقليات ومطاعم ودسم ودهن اكلي اكل صحي بدون دهن ونامي مبجر شوي شوي بتعرفين حق نفسج لاتفكرين بالطبيب والمسكنات اخر شي افكر فيه اروح الطبيب ولاتبينين ولاتخشين نفسج بالحمام بالعكس تحديه ومهما يعورج لاتبجين ولاتزعلين لانه يزيده قاوميه وقوليله يا انا يا انت

 

[*^^حرم الدكتور^^*]

وااااااااااااااااااي بعد قلبي يا اسطورية و الله كلامج عسل إلا انتي العسل كله و كلامج يبرد القلب و الله

انشالله حبيبتي بسوي اللي قلتيلي عليه و اجرب الليلة .. بس شغلة النوم مبجر هذي مو بإيدي عيالي اسم الله عليهم ينامون متأخر و يقعدون بالليل اكثر من مرة للحين ما تعدلت نومتهم حتى د. السريع قاللي من اهم اسباب تفاقم القولون النوم الغير منتظم حتى اول سؤال سألني ياه جم ولد عندج و جم اعمارهم و سألني عن نومتهم

انشالله بجرب طريقة النومة عجبتني و شكلها مريحة انشالله

مشكووورة يا قلبي و يعطيج العااافية

 

[روروو]

يسلمو سوسو حبي
حرم الدكتور انتي اش اللي متعبك بالظبط؟؟ يعني متالمه تتحسسين من اكله معينه؟؟ او تحسين انه نفسيتك تعبانه مرهقه مو قادره ع شغل بيتك؟؟ او ايش بالظبط؟؟ واسمعي كلام الاسطوريه ترى كلامها ميه بالميه بمكانه يمكن اللي فيك تعب نفسي اذا بس غثيانه وجسمك طايح يمكن كبدك اهم شي لاتخافين الحمدلله كل شي له علاج وبعدين عيالك اش ذنبهم حرام الصغير يتاثر فيك يكبر نفسيته تعبانه والرجال ترى مايتحمل لايغرك شكله وهو ساكت ترى دمعة البنت تجرح الرجال لو مابين دايم جدتي تقولها لاتصيحين قدام رجال ترى ممكن يتهور تخيلي انا بطلاقي كتمت دمعتي عشان ابوي لانه بس شاف دموعي قام حتى هو يصيح وبوقتها كان راح يتهور عاد ياليته ع شي يستاهل المهم هالسالفه تضيق خلقي بس قلت ابي اقولها لك عشان ماتصيحين قدام زوجك حرام لو يقدر يسوي شي مارح يقصر
لاتصيحين بالحمام مو زين لك ​

 

[الاسطورية]

مشكوره حبيبتي
تلقين بالصفحات الي طافت فوار الليمون عجيب خليه عندج دايما توني طايحه عليه ومستانسه عليه كل ماحسيت عوار معده شربتهه فوار يريح لو معدتج ثقيله ولايعه جبدج تروح اللوعه وانتفاخ البطن زين حقه اهو والباسكوبان لايفارقون جنطتج الفوار اي وقت بس الباسكوبان بس اذا حسيتي الم قوب لاتعودين جسمج عليه
انتي الظاهر نفسي مع النم تتلخبطين انا اذا مانمت او نومتي غلط اقوم منها وانا ماشبعت انتهي اتعب حيل لوعه اسهال احس عدم اتزان بجسمي وبروده


انتي مهما يصير فيج حطي بالج شي واحد انا لمرض موخطير وهذي نعمه وماله اثار مستقبليه وكله اجر ان شاءالله حياتج بتتغير فيها اشياء وبتصير منتظمه وعلى الريل اول شي يتضايق بعدين بيتعود وتصير عل ضحك بعد
ريلي اول مادرينا تعب معاي وايد مسكين وشعور موحلو لما تشوفين نفسج تضعفين وتعبانه جدامه بس بعدين قلت لا ماراح ابين كثر ماقدر وكشخي وقعدي ولاتهملين روحج لاتعبتي صكي على نفسج الدار وريحي بروحج تدرين انا ودي اسوي كونر اسمه كونر التعب والقولون خخخخخخخخخخخخ عشان لاتعبت اعتزلهم واقعد فيه اريح واجابل الحمام خخخخخخخخخخخخخخخخخخخخخخخ
بس وتتاقلمين حتى بالمطاعم طلباتج تصير معينه انا كله سلطات ومشويات بس بالويكند عندي عيدددددددددددد اكل اكل لين اقول بس واستسلمل لفراش ههههههههه لان ماكو دوام

الله يعينا

 

[ارستقراطيه]

حبيبتى حرم الدكتور والله قطعتى قلبى الله يشافيج
انا مثلج ساعات ايينى عوار معده وما اتحمله مثل الطلق يروح ويرد
رحت مستوصف مشرف وعطانى ابره باسكوبان ما سوت لى شى وبالليل رحت حق المستشفى عطونى ابرة زانتك وااايد ريحتنى

سالى ريلج عنها

 

[shmoo5 2ntha]

CoCoa Pr!nceSS

إي حبوبه أعراض القولون والله يعينج يارب


ماتشوفون شر بنوتات والله يعينا ياااااااااااااااااااااااااارب


تونا ماتهنينا بشبابنا >>> إشفيني هع


حرم الدكنور حمدلله ع سلامة ولدج نوررررررررررررتينا ,,