بليز تجمع للمصابين بالقولون وامراض واضطرابات المعده والجهاز الهضمي

[بنت الديك]

السلام عليكم جميعا حبيبتى حرم الدكتور بنسبه لى انا القولون يذبحنى وقت الدوره والله عوار ان شاء الله ماجربينه الاسطوريه انا بخير حبيبتى دامج بخير الله كريم هاليومين القولون متعبنى شوى صايره ادوخ الحمدلله على كل حال رورو بشرينى عنج ياعمرى ان شالله تكونين بخير والله انا صاير كل مااتعب اشرب كراويه احس انى اصير احسن ربى يفرج علينا وشافينا يارب

 

[اللهم الجنة]

السلام عليكم انا وينى عنكم انا اعانى صار لى سنين اعانى من القولون نفخه وغازات ولووعة وهالفترة احس عوار بالبطن مو طبيعى حيل تعبانة ولا اشتهى ىكل بس ابعرف منكم شنو دوا نفع معاكم او اعشاب

 

[بنت الديك]

االسلام عليكم هلا حبيبتى الله الجنه القولون بالدرجه علاجه النفسيه هدى اعصابج وريحى بالج وتخف الاعراض اذا بنذبح روحنا بالتفكير يزيد علينا والله المستعان شربى كراويه يريحج شوى وماتشوفين شر حبيبتى اسال الله العظيم رب العرش العظيم ان يشافيك ياكريم

 

[اللهم الجنة]

االسلام عليكم هلا حبيبتى الله الجنه القولون بالدرجه علاجه النفسيه هدى اعصابج وريحى بالج وتخف الاعراض اذا بنذبح روحنا بالتفكير يزيد علينا والله المستعان شربى كراويه يريحج شوى وماتشوفين شر حبيبتى اسال الله العظيم رب العرش العظيم ان يشافيك ياكريم

مشكورة حبيبتى عالرد والدعوة الحلوة بس انا القولون عندى موروث من العايله

 

[faith09]

بنات شلونكم .
الأسطورية مشكورة على السؤال . أنا وشندوخة طلعنا فى نفس اليوم و يمكن بينا ساعات. أيام الله لا يوريها أحد . وأضحك لما أتذكر الصدفة اللى خلتنى مع شندوخة ندخل المستشفى فى نفس الوقت . وأصرارى أنى أطلع قبلها . وكنت دايما أقولها أنا بطلع باجر وهى تقول لا ما راح تطلعين الأ بعد فترة وأنا مو مصدقة ......بس النكتة يوم عرفت أنها بالمستشفى فعبالى أنها يارتى فى المستشفى . بس الله ستر على المستشفى جان أعلنوا حالة الطوارىء منى ومنها . أنا كنت وايد تعبانة ومريضة وأعتقد أنى بجيت بهالفترة بجى ما بجيته فى حياتى لأنى مو من النوع اللى يحب أحد يشوفه وقت اللى يكون مريض . وفجاة كنت تحت المجهر جدام الكل . تجربة المستشفى الطويلة و كانت وايد صعبة وشندوخة أكثر وحدة حاسة بهالشى . عوار وخوف وقلق . . . كورس الفلاجيل الى عطانى أياه الدكتور كان يذبح بالأضافة حق هذا كانوا يعطونى مضادات ثانية بس ما أعرف اسمها " شندوخة هى الخبيرة :eh_s(6): . صرت صديقة الممرضات وكل ما بجيت بجوا معاى . لأنى أنا كنت رافضة وما زلت أرفض مسكنات الألم .فكان يومى عذاب اتألم وما أبى مسكن .رفضى للمسكن كان له سبب لأن فى حالتى المسكن الحبوب يخلينى أنزف . و المسكن االأبر لايمكن الأستمرار عليه .
التجربة علمتنى وايد أشياء أهمها أنى ما أسكت على عمرى أذا حسيت بألم , والثانى وهو الأهم أنى التزم بتعليمات الطبيب وما أتهور بالألتزام بالنظام المفروض على .

حرم الدكتور . حبيبتى أخفاء المشاعر مو حل ترى هذا الشعور يزيد اللى أنتى فيه وما يخففه . حاولى تدورين التشخيص الصح عشان ترتاحين .......
روررررررررررررو حبيبتى شخبارج

وسلامتكم ...أنشاء الله محد يشوف اللى شفناه أنا وخوخة فى الأسابيع اللى فاتت

 

[*^^حرم الدكتور^^*]

يسلمو سوسو حبي
حرم الدكتور انتي اش اللي متعبك بالظبط؟؟ يعني متالمه تتحسسين من اكله معينه؟؟ او تحسين انه نفسيتك تعبانه مرهقه مو قادره ع شغل بيتك؟؟ او ايش بالظبط؟؟ واسمعي كلام الاسطوريه ترى كلامها ميه بالميه بمكانه يمكن اللي فيك تعب نفسي اذا بس غثيانه وجسمك طايح يمكن كبدك اهم شي لاتخافين الحمدلله كل شي له علاج وبعدين عيالك اش ذنبهم حرام الصغير يتاثر فيك يكبر نفسيته تعبانه والرجال ترى مايتحمل لايغرك شكله وهو ساكت ترى دمعة البنت تجرح الرجال لو مابين دايم جدتي تقولها لاتصيحين قدام رجال ترى ممكن يتهور تخيلي انا بطلاقي كتمت دمعتي عشان ابوي لانه بس شاف دموعي قام حتى هو يصيح وبوقتها كان راح يتهور عاد ياليته ع شي يستاهل المهم هالسالفه تضيق خلقي بس قلت ابي اقولها لك عشان ماتصيحين قدام زوجك حرام لو يقدر يسوي شي مارح يقصر
لاتصيحين بالحمام مو زين لك ​

هلا حبيبتي روروو

اللي متعبني الله يسلمج اني اول ما فتح عيوني من الصبح احس بعوار خفيف ببطني و لووووووووووووووووووووعة و مع الوقت يزيد عوار بطني من اكل اي شي و اللوعة مستمرة و بعدين بالليل قبل النوم يترصد الالم بالجهة اليسار من معدتي و ينتفخ " طبعا الانتفاخ يصاحب كل وجبة" غير اللوووعة المليقة >> امبيه جم مرة قلت لووعة :dddds:

و للحين للاسف ما اكتشفت نوع الاكل اللي يزيد عندي هالحالة بالضبط :0bee2e8d89:

و عن عيالي قاعدة احاول اخش مشاعري عنهم كثر ما اقدر و اشغل نفسي بس في مرااات ما اقدر .. انا بطبيعتي حساسة و من الله دمعتي سريعة يعني ام دميعة و هاللي صارلي خلاني اكثر و اتأثر بكل شي و اي شي

و ريلي متعود كونه طبيب يعني شاااف اللي اكثر من حالتي سوءا فالبنسبة له و تفاعله معاي كوني مرته و ما يهون عليه يشوفني بهالحالة و لا شي ناافع معااي

بس بحاااول اسوي اللي قلتيلي عليه و ما ابجي جدامه الصراحة صاجة لما اكون قاعدة ابجي خصوصا من الالم احسه ضااايع ما يدري شيسوي لدرجة مرة قالي خلاص عطيني العواار عنج .. الله يخليلي ياه و لا يحرمني منه و ربي يشافيني و يشافي كل البنات اللي بهالتجمع شفاءا لا يغادره سقما يا ارحم الراحمين
و شكلي بسوي نفس الاسطورية بسويلي كورنر اسمه كورنر القولون و البجي :dddds: .. نفس عيالي اذا بعاقبهم احطهم بالنوتي كورنر انا جذيه عشان العوار يتأدب و ما يردلي مرة ثانية :ggdw:
اشرااايج

 

[*^^حرم الدكتور^^*]

حبيبتى حرم الدكتور والله قطعتى قلبى الله يشافيج
انا مثلج ساعات ايينى عوار معده وما اتحمله مثل الطلق يروح ويرد
رحت مستوصف مشرف وعطانى ابره باسكوبان ما سوت لى شى وبالليل رحت حق المستشفى عطونى ابرة زانتك وااايد ريحتنى

سالى ريلج عنها

هلا و الله ارستقراطية الله يسمع منج ياااارب اي و الله العواار مرات جنه طلق .. زيـــــــــــن قلتيلي يالغالية ريلي كله يقولي ابرة باسكوبان بس احس ياربي الحبة ما تسوي شي جني بس شاربة مااي ،فما بالج الابرة احس نفس المفعوول ،، بس لي خذيت الزنتاك تخفف العوار بس ما تشيله بس تخففه .. الحين بقول حق ريلي عن هالابرة
مشكوووورة حبيبتي ما تقصرين

cocoa pr!ncess

إي حبوبه أعراض القولون والله يعينج يارب


ماتشوفون شر بنوتات والله يعينا ياااااااااااااااااااااااااارب


تونا ماتهنينا بشبابنا >>> إشفيني هع


حرم الدكنور حمدلله ع سلامة ولدج نوررررررررررررتينا ,,

التجمع منور بهالوجوه الطيبة يزاااج الله خير حبيبتي و الله يسلمج انشالله من كل شر

 

[*^^حرم الدكتور^^*]

بنات شلونكم .
الأسطورية مشكورة على السؤال . أنا وشندوخة طلعنا فى نفس اليوم و يمكن بينا ساعات. أيام الله لا يوريها أحد . وأضحك لما أتذكر الصدفة اللى خلتنى مع شندوخة ندخل المستشفى فى نفس الوقت . وأصرارى أنى أطلع قبلها . وكنت دايما أقولها أنا بطلع باجر وهى تقول لا ما راح تطلعين الأ بعد فترة وأنا مو مصدقة ......بس النكتة يوم عرفت أنها بالمستشفى فعبالى أنها يارتى فى المستشفى . بس الله ستر على المستشفى جان أعلنوا حالة الطوارىء منى ومنها . أنا كنت وايد تعبانة ومريضة وأعتقد أنى بجيت بهالفترة بجى ما بجيته فى حياتى لأنى مو من النوع اللى يحب أحد يشوفه وقت اللى يكون مريض . وفجاة كنت تحت المجهر جدام الكل . تجربة المستشفى الطويلة و كانت وايد صعبة وشندوخة أكثر وحدة حاسة بهالشى . عوار وخوف وقلق . . . كورس الفلاجيل الى عطانى أياه الدكتور كان يذبح بالأضافة حق هذا كانوا يعطونى مضادات ثانية بس ما أعرف اسمها " شندوخة هى الخبيرة :eh_s(6): . صرت صديقة الممرضات وكل ما بجيت بجوا معاى . لأنى أنا كنت رافضة وما زلت أرفض مسكنات الألم .فكان يومى عذاب اتألم وما أبى مسكن .رفضى للمسكن كان له سبب لأن فى حالتى المسكن الحبوب يخلينى أنزف . و المسكن االأبر لايمكن الأستمرار عليه .
التجربة علمتنى وايد أشياء أهمها أنى ما أسكت على عمرى أذا حسيت بألم , والثانى وهو الأهم أنى التزم بتعليمات الطبيب وما أتهور بالألتزام بالنظام المفروض على .

حرم الدكتور . حبيبتى أخفاء المشاعر مو حل ترى هذا الشعور يزيد اللى أنتى فيه وما يخففه . حاولى تدورين التشخيص الصح عشان ترتاحين .......
روررررررررررررو حبيبتى شخبارج

وسلامتكم ...أنشاء الله محد يشوف اللى شفناه أنا وخوخة فى الأسابيع اللى فاتت

الحمدلله على سلامتج فايث و طهور انشالله ..
انا الحين بادية بكورس فلاجيل .. عموما من كثر الادوية كله دااايخة و ابي انام و احس بإعياء
انشالله باجر عندي موعد مع د. السريع و بشوف نتايج تحاليلي و اشوف شيقول الله يستر :eh_s(6):
ريلي قاللي احتمال يطلب مني منظار قولون قلت له مستحيـــــــــــــــــــــل فاحتمال اذا طلب مني هالمنظار اقوله ابي الكبسولة الذكية

و انشالله فترة و عدت و ياااااااااارب تقومين بالسلامة و تسترجعين صحتك و لا يعودها من ايام

 

[*^^حرم الدكتور^^*]

بنت الديك .... اعذريني توني اشوف ردج

عاد للحين ما جربت الدورة مع القولون .. مو راضية تيي هالدورة ملعوزتني

بس انشالله تمر على خير

 

[بنت الديك]

السلام عليكم جميعا حبيبتى فبث الحمدلله على سلامتج وماتشوفين شر شندوخه لاباس طهور ان شاء الله والله يعينج يارب الاسطوريه ان شالله تكونين بخير حبيبتى حرم الدكتور اذا الدوره مو منتظمه عندج شربى عشبة المرقدوش يقولون تنظم الدوره وان شاء الله مايتعبج القولون مع الدوره اللهم الجنه لاحبيبتى لاشكر على واجب عسىالله يشافيج يارب

 

[*^^حرم الدكتور^^*]

هلا و الله بنت الديك

لا الحمدلله الدورة كانت منتظمة باليوم و الساعة بس لأني كنت مركبة لولب هرموني لمدة سنة و اربع شهور و اهو اللي عفس حالي بهالطريقة .. تخيلي اخر مرة كانت شهر 6 و كانت بس 3 ايام و كانت حيل خفيفة
الدكتورة قالتلي طبيعي لأن هاللولب ينشف الدورة
بس شكلي بجرب اللي قلتيلي عنه .. اهو شلون صاير مثل بهارات ؟؟ ووين اقدر احصل منه؟؟
و شلون طريقة تناوله ؟؟
انا اعتقد اذا يتلي الدورة كل الاعراض اللي فيني بتختفي انشالله >> عندي امل

اعذريني اذيتج

 

[بنت الديك]

لاحبيبتى لااذيتينى ولاشى احنا خوات العشبه عند الحواى وهو يعلمج طريقة استعمالها سمعت ناس وايد يستخدمونها لتنظيم الدوره وعلى فكره الى تركب لولب تصير حالتها جذى ماتنتظم عندها والدوره تصير خفيفه ماعندج حل ثانى غير اللولب اذا ماتقدرين الله يعينج والله يشرفنى ان بينا تواصل حبيبتى وعسى ربى يشافيج ياكريم

 

[روروو]

فيث الحمدلله ع سلامتك انا طيبه بشوفتك
حرم الدكتور اقولك شي وماتزعلين حسب تحليلي انه نفسيتك تعبانه من اللي مريتي فيه لانك تقولين من اول ماتقومين تحسين بعوار القولون اذا مو زعلانه اذا مو متوتره اذا مو آكله شي مقلي اوقهوه بجميع انواعها مايتعب شوفي ماظن في احد حساس كثري تخيلي لو وحده من صاحباتي تشتكيلي من شي متعبها افكر فيها واتعب امي تقولي صاحبة الشي يمديها ناسيه وانتي تفكرين وللأسف مااحد درى عني اذا طلعت قالو هي اشفيها شكلها مريضه نفسيا شكلها تفكر ياحبيبتي انسي حتى لو عوار خفيف عادي تناسيه فكري بس ان هالشي بياثر ع عيالك وابوهم وانتي تصيرين زينه ترى انتي الاساس بالبيت المفروض تكونين اقوى وحده واذا زوجك طبيب المرضى شي وانتي شي ثاني انتي زوجته ام عياله احساسه فيك غير
بعدين لاتخافين ترى الم الدوره عادي بزيادة الغثيان والمغص شوي عادي انتي تحملتي الولاده ماتقدرين تتحملين يومين دوره​

 

[faith09]

حرم الدكتور : والله عجبيتنى فكرة الnoughty corner . بس للأسف أنا قولونى دعلة ومثل الياهل العسر كلما عاقبيتيه زاد . أناا بالعكس أذا تعبيت منه أخاول أساحله كأنه بيبيى دلوع وأمسح عليه وأقرى عليه لعل وعسى يستحى على دمه ويحترم نفسه . وقت دراستى بلندن أخذت دورة أسمها ادارة الألم " pain mangement " و تعلمت أنى لازم أحط مقياس حق الألم من 1 الى 10 , والمطلوب فى كل مقياس عدم التوتر وأنج تتنفسين بأنتظام وعدم كتم المشاعر .

 

[*^^حرم الدكتور^^*]

بنت الديك .. و الله انا اللي لي الشرف بمعرفتكم و ياااريت كنا التقينا بظروف احسن بعيد عن الألم ،، مشكووورة حبيبتي و عن اللولب انا طلقته بالثلاث و شلته ،، و الدكتورة اللي شالت لي ياه طقت على راسها لما قلت لها هرموني و عمري 24 سنة قالت انها تحطه بس للفوق ال35 سنة و اللي تكون دورته شديدة حيــــــــــل .. صج زفتني عللي سويته بنفسي بس احسن استاهل هذي آخرة التسرع و اللي فيني تره كله من اللولب اكثر من دكتور قاللي لأن سوى معاي مضاعفات غير البكتيريا و الفطريات و التهابات المعدة و القولون .. اذا الوحدة تأخرت عليها يوميبن تشب احمر من العصبية فما بالج انا 5 شهور .. صرت على اي شي اتوتر و اعصب و من هالشي ياني القولون و الله اعلم


رورووو .. يااااااااااا بعد قلبي بالعكس انا احب الانسان الصريح و ازعل من الانسان اللي يجاملني ،، كلامج على راسي ،، بس مثل ما قلت لأختي بنت الديك اقري فوق و اعتقد اللي انا فيني الحين من الكلام اللي فووووق .. ويه طلع في بالدنيا احد حسااااس اكثر مني و عن ريلي و عيااالي صاجة و قاعدة ادرب نفسي على هالشي حبة حبة
و الدورة خل تيي بقط نون و بسوي حفلة بس خل تشرف و انا اقوى منها انشالله .. ضحكت عالمقااارنة خلص اول ما تييني بتذكر هالمقارنة و انشالله اتغلب عالموضوع كله


فايث .. شفتي شلووون بس المشكلة ان شقتي كلها صارت noughty corner حق عياالي إلا داري امي تقولي حروومة بيتج صار كله كورنر .. فقررت اني اخلي داري الالnoughty corner حقي

و شكلي بجرب طريقة التحكم بالألم .. مشكووورة وااايد عالفكرة الحلوة

 

[اللهم الجنة]

بنا ت معقولة القهوة تهيج القولون عاد انا اموت عالقهوة

 

[روروو]

حرم الدكتور يعني انتي اللي جايبه التعب حق نفسك ليش الولب اشفيها حبوب منع الحمل زينه وماتضر وانتي توك صغيره ياحبي امي تاخذ حبوب ورافضه الولب من كثر مشاكله مو انتي توك صغيره بالنسبه للالتهابات المهبل اعتني بنفسك شويه واي سؤال بهالامور اسئليني >مجربه

الجنه حبي خففي الهيل هو اللي يتعب القولون ​

 

[اللهم الجنة]

مشكورة حبيبتى روروو فعلا الهيل يسبب انتفاخ

 

[*^^حرم الدكتور^^*]

روروو ما كنت ادري ان اللولب الهرموني له كل الآثار الجانبية و بعدين انا لما ركبته كنت سائلة دكتورتي اهي اللي انصحتني فيه ،، و بعدين صار اللي صار و رحت استشرت طبيبة ثانية زفتني و قفلت علي باب العيادة قالت و الله ما تطلعين الا لما اشيله لج

ما لي غناة عنج يا روروو يا قلبي انتي

اليوم عندي موعد مع د. السريع اشووف شيصير معاي ..

و اوافيكم بآخر التطورات >> قلبتها نشرة اخبار


بنات تذكرت قريتو جريدة الوطن عدد اليوم ص 42 و ص 43 .. مسوين تحقيق عن البكاء و اثره في تخفيف الآلام .. يا عيني عليج يا فيث كلامج حكم

 

[اللهم الجنة]

روروو تقولين شفيها حبوب المانع فيها بلاوى انا عن نفسى لخبطت هرموناتى