بليز تجمع للمصابين بالقولون وامراض واضطرابات المعده والجهاز الهضمي

[غلاي 2009]

انا فينى قولون ويذبحنى وينتفخ بطنى ويعورنى وغازات موطبيعيه جنه ياهل يرفس رحت خق دكتور محمد عايش الشمالى وعطانى حبوب بس ما كو فايده وفينى امساك شديد قلت ليش ما اسوى غسيل قولون ينظف بطنى والله هدانى وخذيت موعد عند الدكتوره وفاء الحشاش وسويته والله الحمد حسيت بتحسن كبيررررررررررررررررررررررر والحمدالله على كل حالللل روحى لها ممتازه وتريحجججج وما تشوفين شر

انا وزوجى فيا بس ما نفع فينا الا العلاج النفسى

 

[مشاعل]

مساء الخير

ودى اسولف لكم عن معاناتى مع المعده والقالون

بدت المعاناه وانا صغيره تقريبا اكثر من 20 سنه

طبعا اول مره حولونى للاميرى عطونى علاج وبس استمريت على المسكنات والبوسكبات سويت اول منظار من 5 سنوات فى الاميرى كنت اراجع عند دكتوره رشا قالت لى مافيج شى هذا قالون عصبى

زاد الالم رحت ارتقى عند شيخ دينى قالى فيج عين مزمنه وطبعا قمت اروح له فى الاسبوع مرتين خف الالم وايد

بعدين رجع نفس الالم ورحت للدكتور عماد الحمر فى دار الشفا قالى لازم منظار ما اقدر اسوى لج شى طبعا خذت موعد وصليت صلاة الاستخاره وسبحان الله ما قدرت اروح بنفس الموعد لى شهر رمضان الى راح طبعا سائت حالتى وبديت الزم الفراش حتى غدا العيد ما قدرت اكله بعد العيد مباشره رحت للدكتور سامى امان قالى سوى اشعة تلفزيون للمراره رحت كل شى سليم قالى خلاص لابد من المنظار سويت منظار قالى ارتخاء فى المرىء وجرثومه فى المعده عطانى علاج النوكسيوم و الموتيليم وحبوب النعناع للغازات واالام القالون الحمدالله ارتحت وراح الالم 6 شهور ما احس بشى ورديت اكل بشراه وزاد وزنى 7 كيلو خلال 3 شهور من اسبوعين يانى نفس الالم طبعا ضاق خلقى وخذت نفس الادويه ولكن استمر معاى الالم مده اسبوعين وللله الحمد

ان الله حب عبدا ابتلاه

والله يشافى الجميع وكله اجر وعافيه ان شاء الله

 

[غلاي 2009]

واللة انا حتى لندن رحنا لها بس ترى علاة الوحيد وللاسف العلاج النفسى صدقينى انا خبيرة صارلة فينى عشرين سنة

 

[دلع شاعر]

غلاااااااااوي.. سلامتج ان شاء الله بس شلوووون علاااااج نفسي ؟؟؟!!!

 

[دلع شاعر]

مشاعل سلامتج يالغلااا ..

انا اول مابدا المعده والقالوون معااي ..

ماخليت دكتور مارحت له وقريت عن مطاوعه وقالولوا عين قويه .. وقتهاا انهبلت مادري شنووو فيني صار معاي وسواس ..

بس الحمدلله على كل حال يارب

 

[تنآهيد ..~]

يسعد صبـاحكم

رورو حيــاتي التفكيــر فينــي فينــي ماأقــدر حاولت أكيد اهوا اللي متعـّب معدتي

والله يابنات شي مو طبيعي الحين عوارها يـوميا ً ومرات يـوم وتــرك حاولت أعرف شنو اللي يأثـر فيهـا ماقدرت

إن شاء الله بـروح قريب بعـالج مره ثانيه بشـوف شالحل معاها ~

 

[الاسطورية]

والله بنات لاقشر رمان ولا بطيخ المليسه عجيبه تهدي وتسكن الالم
وحده اعرفها ذاك اليوم طلعنا معاها جان تقولنا عن جاي ينباع بستاربكس خلاصه النعناع اسمه رفرش تي
تقول ماشاءالله انه وايد نفعها وصارت ماتروح المستشفى عشان تغز ابره مسكن الالم
انا رحت جربته والله حلوووو جنه علج بوسهم ويريح والاهم يخليج ريلاكس

واي بجربها هالمليسه كل مابي انسى

 

[الاسطورية]

كيكه ككاو ناطرنمج لاتحاتين

احب الي يحبني سلامات قوليلنا انا مره قريت بعد وكانت عشبه غريبه نفسها؟

 

[الاسطورية]

عالمه احسنلج لانه مللللللللليق مع النوم


غلاي عطينا التفاصيل وين هالعلاج

 

[الاسطورية]

مشاعل ان شاءالله مايكون مثل اول ويخف يارب

تناهيد اي راجعي مره ثانيه قوليلنا شيصير معاج

 

[الاسطورية]

مشاعل ان شاءالله مايكون مثل اول ويخف يارب

تناهيد اي راجعي مره ثانيه قوليلنا شيصير معاج

 

[الاسطورية]

مشاعل ان شاءالله مايكون مثل اول ويخف يارب

تناهيد اي راجعي مره ثانيه قوليلنا شيصير معاج

 

[الاسطورية]

مشاعل ان شاءالله مايكون مثل اول ويخف يارب

تناهيد اي راجعي مره ثانيه قوليلنا شيصير معاج

 

[الاسطورية]

واااي جم مره نفس الرد من السرفر

 

[الاسطورية]

بنات انا ابي اخطي هالخطوه الكل قالي ومن كثر ماسمعت انها مريحه وتعلمنا نتحكم بالامنا ونفسيتنا وحياتنا


علم الطاااااقه



هذي تجربتي اليايه والحين بدور مكان زين وادش بسال


شرايكم

 

[روروو]

معليش الاسطوريه ايش يعني علم الطاقه؟؟؟؟؟

انا الله لايبتليكم تروح عني الوساوس والالام فتره وترجع مره ثانيه المشكله كل مره تجي كانها اول مره يجيني خوف الخبط بصلاتي يعني اوقات مااثبت كم ركعه وضيقة صدر مو طبيعيه واوقات تقولون كذب هالبنت مافيها شي بس عاد تدرون مافي اسهل من الاستغفار :eh_s(17):​

 

[Bella^^swan]

متى حاشج؟
2006

شلون بدا؟
مغص مو طبيعي وانتفاخ بالمعده ..

شنو اعراضه؟
احس بلوعه وفوق هذا امساك ومرات اسهال .. هذا غير الغازات والاصوات اللي تطلع من بطني .


منو شفتي من دكاتره؟
اياد الرويح - مساعد العصفور - ودكتور نسيت اسمه بمستشفى السلام .



شنو جربتي علاج؟
ديسبوتالين - كبسولات النعناع .

توصلتي لعلاج؟
للاسف لأ ..


واذا ماتوصلتي شتسوين لاياج وشلون نفسيتج؟
انسدح بالفراش واسمع slow music واحاول اصير ريلاكس على اساس ما يستمر معاي الألم ... بس هم ماكو فايده العوار زي ما هووه .. والنفسيه ضاربه العداد لحد يقرب مني .. :23_asmilies-com:

القولون جد جد مرض متعب ويأزم النفسيه حيييييل .. الله يصبرنا ويعينا جميع ان شاء الله ..

مشكووووره الاسطوريه لطرحج لهموضوع المهم ..

 

[رفاعية19]

هااااي بنااات!!!
بالنسبة لي انا حاشني قبل سنتين
صارتلي مشكلة وكنت افكر ومنقهرة وااايد فياني عوار البطن والمعدة بعد
واعراضه:كان بطني يعورني واتييلييي اللوعة ومعدتي اتشب علي بعد وتكرمون امساك
وما بقى مستشفى ما رحتله رحت اخر شي حق دكتور مساعد العصفور اللي بعيادة الشعب التخصصي وقالي انتي فيج قولون عصبي ونفسي..
عطاني حبوب وبلاوي بس ماادري حق شنو بالضبط بس انا ليلحين اعاني وااااااااااااااايد ومو قاعدة اخذ حبوب ولا شي....
الصراحة ليليحن ما عندي علاج اخذه واذا ياتلي الحالة اموووت من الالم وكله انام على بطني واتعب نفسيا
والمشكلة الاكبر ان حتى اذا ما فيني عوار الانتفاخ موجووووووووووووود انا مو متزوجة وااايد بنات بالكلية معاي عبالهم اني متزوجة وحامل بعد..تعبت ساااعدونييييييييييييييييي​

 

[طموحه مغتربه]

مرحبا بنات

بنات انا في غربه والنظام هنا مايسمح اني اروح لاخصائي الا بعد مامر المستوصف واخذ تحويل من دكتورتي يعني اذا شافت ان حالتي تستاهل حولتني

الحين بقول لكم سالفتي وساعدوني تكفون انا جتني اعراض غريبه و ودي اتاكد اهي قولون والا لا

جتني الاعراض قبل كم شهر وحسيت بكتمه قويه ماعمرها جتني لدرجة اني ماني قادره اتثاوب او اخذ نفس عميق ومن الخوف حسبته الموت وطلعت من البيت اخذ هوا ورحت بعدها طوارىء وسوو لي تخطيط قلب وقالو مافيك شي وعطوني منوم

بعدها باسبوع جتني نفس الحاله ضيق تنفس شديد واحس كني شبعانه مع اني ماكلت شي مع حراره داخليه بالجسم وقشعريره وبروده في الاطراف ونفس الشي رحت الطوارىء وسويت تحاليل وقالو مافيك شي

بعدها بشهرين تقريباُ جتني فجاءه نفس الاعراض بس كنت ماكله قبلها اكل حار ونفس الشي رحت الطوارىء وسويت تحاليل وقالو مافيك شي

بعدها بشهر جتني بس هالمره مارحت وتحملت بالبيت لاني اخاف اروح ويتكرر علي نفس الكلام وبعدها باسبوع كنت مواصله وتعبانه مره وبس اتثاوب وبعدها حسيت بضيق نفس من كثر ماتثاوب وشوي شوي جاتني بس مادري هو من الخوف والا من الكتمه وهالمره رحت وقالو نفس الكلام

عاد رحت للدكتوره اليوم الثاني وطلبت تحويل لاخصائي باطنيه بس ماعطتني قالت هذا نفسي

الآن يابنات اختي تقول فيك قولون عصبي بحكم انه عندها لكن بقول لكم اعراضي وانتو عطوني رايكم من خبرتكم بهالمرض الله يشافيكم منه ويشافي جميع المسلمين

لي فتره يجيني امساك شديد وانتو بكرامه
لما تجيني الحاله احس بكتمه فضيعه واحيانا احس بحرقان
حراره داخل جسمي ورعشه وبروده في الاطراف
لو اكل اي شي بسيط على طول اشبع ودايماً احس اني شبعانه ولا اشتهي الاكل مره
الغازات وانتو بكرامه لها فتره مستمره عندي وبزياددده طفشتني
اذا جتني الحاله تجلس من 2 الى 5 ساعات وتروح بس اجلس كم يوم نفسيتي تعبانه مره ونظرتي للحياة متغيره وكارهه كل شي حولي
لما تجيني ماطيق احد يكلمني ولايقابلني
ماعندي الم في البطن بس اليوم بديت احس بنغزات خفيفه في بطني
اذا رحت لاحد ماحب يتكلم عن الامراض او الموت تجيني كتمه وضيقة خلق
ماصرت احب اشوف مناظر فيها دم وماحب اشوف احد مريض ويعاني اتعب معاه

مع العلم اني قبل 4 شهور ماكنت كذا ولاعمري حسيت بهالامور في حياتي كلها

عطوني رايكم, اختي تقول فيك قولون لكن الم البطن مايجي الا بعد فتره وش ررررايكم؟؟

 

[روروو]

هلا اختي طموحه
ياحبيبتي لاتخافين هذا قولون عصبي مو اي دكتور يعرفه العصبي هو اللي يتعب النفسيه اكثر من انه يالم والله ياحبيبتي انا مثلك صرت اخاف من سيرة الموت وتجيني اوهام اوقات اصحي امي من نومها اطرافي تبرد ومغص وحاله
نصيحتي لك ابعدي عن الزعل والتفكير انا دايم اقول هالكلام بس ياليتني اطبقه على نفسي
وماتشوفين يالغاليه اهم شي ابعدي عن اكل الحوار والمقلي