بليز تجمع للمصابين بالقولون وامراض واضطرابات المعده والجهاز الهضمي

[تنآهيد ..~]

امممم
شخباركم زميلااتي بنفس المرض


بنات تعالو


انا الحين مع الغالون فيني فقر دم وكل ما ابي اكل مقويات يتعبون معدتي لان فيهم حديد ما ادري شسوي
تعرفون مقوي زين للدم وما يتعب المعده بليز قولوي لي

بدايه اصلح نفسي لوووووووووووولي


وبعد حبوب زهره الربيع مبين حلوين اشوف الكل يسولف عنهم وهير فيت
عجبوني حيل بس هم فيهم نسبه حديد

شرايكم احد اكلهم من الي فيه غالون وتعبه فيدوني ؟

والله نفســـي

قطعت حبوب فقـر الدم والسبـه عـوار المعـده والمشكله الحين فقـر الدم معاي مو راضي يرتفـع ~

 

[الاسطورية]

بنات صراحه ماينفع حميه بنختفي انا وزني مأساه 39 شي لا يعقل صراحه من 48 ل39
بديت ادخل الرهش والحلويات والمعجنات لاكلي صراحه مااتحمل اتعايش مع هالعظام الانتفاخ ذابحني بس شاسوي
كل ماشفت صوري القديمه اتحسر وكله كوووم واذا قابلت وحده من زمان مو شايفتني وقعدت تقولي نحفتي تغيرتي وين اول احس ودي انفجر

واي انتي مثلي ماحب لما اصادف احد ويقولي وااي ضعفتي اف اف اكره عمري قمت اقولهم اشكرا بس لاتكلموني عن جسمي
وقاعده احاول امتن انتي شنو تاكلين وايد شوي 39 انا اكثر ضايق خلقي
وجم طولج

 

[الاسطورية]

هلا حبيبتي...يعني انتي مجربه هالدوا..؟؟؟يروح الانتفاخ...؟؟؟؟

شوفي حبيبتي انا ماعاني من انتفاخ لان انا عكس الناس موامساك اسهال عزج الله بس انا اخذه لان اهو القولون والالامه لكن مخصص للغازات
وكل البنات الي فيهم امساك وانتفاخ يمدحونه ويقولون يفش البطن وانا عموما الاكلتنه ارتاح انتي جربيه اهو اعشاب لاتخافين منه

 

[الاسطورية]

قوة بنات اشلونكم بصراحه صار فيني بجيه وانا اقره
انا توني صار فيني القولون العصبي من شهر ونص وانا احس بنفس الاعراض اللي تحسون فسها بالضبط
من 3 ايام بس قالي الدكتور هذا قولون عصبي دكتور عماد الحمر بدار الشفا
ومن كلامكم اتاكدت انه قولون عصبي لانه نفس الاعراض بالضبط انتفاح ولوعه وعوار يموت بالمعده وكله فيني اسهال
بس توني يديده عالمرض للحين مااعرف الاكلات اللي تهيجه عندي بس اعتقد السكريات
بس في شيين وانا اقره موضوعكم ضاق خلقي اول شي الدكتور عطاني الحبه الخضره تعرفونها
شفت وحده قالت تاثر عالمخ !! اشلون يعني مو ناقصه شي يديد
والشي الثاني اللي ضيق خلقي قلتوا انكم ضعفتوا وبصراحه انصدمت من اوزانكم بالثلاثينات والاربعينات مادري جم اعماركم ومناسب وزنكم حق عمرك ولا لأ
انا وزني 58 راح اضعف يعني مع الوكت مابي اضعف جسمي زين
وثاني شي سمعتكم تقولون تاخذون اعشاب بدال الدوا شنو اعشاب وشنو نوعهم ومن وين احصلهم اللي فيها نفسي اسهال اتفيدني
توني يديده ومو عارفه شي بصراحه
وانا صار فيني عقب ماولدت بشهرين وحاسه انه عين لاني يبت ولدي وفوقه بنتي على طول وحمدالله مرتاحه من كل النواحي
بس مومترقعه من العين حتن ولدي صار فيه سكري واهوه عمره سنه ونص لانه ماشالله عليه وايد اجتماعي وقرقه مع اي احديسولف والكل يقولي ولدج وايد حلو ياربي تشافينه وتحفضنه من العين
وراح تشوفوني وايد عشان استفيد من خبرتكم انشالله

هلا حبيبتي مابي اضيق خلقج بس صج من اليوم اعتبري حياتج تغيري بكلمج كلام واقعي عشان ماتنصدمين تقبلي الالام والحياه اليديده واعتبريه اجر وان شاءالله تطيبين دايما حطي في بالج ان كل شي له علاج وان شاءالله يتعالج
بس انتي احسن سويتي مناظير تاكدتي؟ من جرثومه المعده لان الاعراض تتشابه

انا مثلج فيني اسهال الي يهيجه عندي
قله النوم- الفلفل-المقليات والدهون ليلا بالغدا عادي - يعني تعشي خفيفه - البقوليات- المشروبات الغازيه- المنبهات جاي وقهوه
قبل التزمت واكلي صار خفيف بس ضعفت حيل
انا وصل وزني 55 وموحلووو علي لان طولي 170 قبل كان جسمي يهبل وخدود والحين ويهي مافي صحه وتحسينه مرهق عل طول جني كبرت 5 سنين
فالحين قمت اطنش واكل على كيفي والسكريات ماتضرني بالعكس كله ككاو اكل احاول اكل معكرونيا ومعجنات عشان امتن والمحاولات مستمر لكن اتعب واكل وازيد كيلوين
عادي مره وحده يتهيج القولون اضعف بيومين الي زدته باسابيع


بس ترى في نوع قولون يمتن موكلنا نضعف في بنات متان لان امساك


النعناع خليه مشروب يومي بحياتج لانه وايد يريح القولون

 

[الاسطورية]

القولون تييله حالات يها وما ياذيج وحالات ياذيج
الاتوتو احسن شي تبين تسوينه ماتحسين بالقولون
نامي مبجر قومي مبجي لاتسهرين - نظمي وجباتج تريفقي تغدي عادي بس العشا خفييييييف وانتي ترتاحين

بنات صدقوني ها احسن مسكن دوره
انا ابر ماتفيدني باسكوبان مايفيدني هذا يختفي الالم بالمره اسمه سورجام بس جنه بينقطع علبتي بتخلص ببجي اذا قطعوه بدوره برا بس صدقوني عجيب سحري

بنت الاحلام شنو تبيني اجرب معاج

 

[الاسطورية]

انا بعد سمعت عن الغسيل بس مبين انه مؤقت مرده بيرد يعني مجرد تنظيفات

 

[بنت الاحلام]

انا سمعت ان الغسيل مو علاج

ولا له اي فايده

اما بالنسبه حق المقويات

حبيبتي انا الحين قاعد اسوي شي
اشوف الاكلات المفيده الخضروات الي ترفع الدم وما تصر معدتي واكلها سلطات

خضروات وكل شوي اكل
عصاير
احاول ارفع نسبه دمتي بالاكل
وبالنسبه حق الضعف اكره احد يشوفني ويقول لي ضعفافه شفيج
احس مليت من هالكلمه الحين وزني 60
اول كان حوالي 70 ووجهي حلو والحين كل مره ينزل ينزل

واكره هالكلمه مع اني ما احب المتن بس ماحب يحسسوني اني ضعيفه واني واني انقهر والله
بس الله كريم قاعد احاول اكل واحسن اكلي
كل يوم العصر اسوي سلطه السلطه حيل حيل مفيده للدم والبشره ولكل الجسم
واكله عصاير

ما اجوع
لان الجوع مب زين حق الغالون وماشيه ع الدوا واحس ارتحت شويه عليه بنات

بس اخلص الكورس مالي واشوف نتيجه بعطيكم اسم الدوا وروحو شوفوه والله العظيم يريح خل ترتاحون

 

[بنت الاحلام]

سورجام حق شنو الغالون ولا الدوره ؟

:tek:

 

[الاسطورية]

سورجام للدوره ومن كثر ما ارتاح عليه شكلي بجربه لازاد القولون علي لان يقضي عالمغص صراحه

بنت االحلام شوفي في عصير برتقال احمر يعني اشتري برتقال احمر واااااايد زين للدم وشربيه يوميا قلاص
ولاتنسون التمر وايد مفيد لنا

 

[alatoto]

بسالكم سؤال بما اني يديده
انا اقل لفحت هوا يصير فيني اسهال واحس هوا ابطني يحوس انتوا بعد جذي ولا انا ابسرعه استبرد
بس قبل ماكنت جذي

 

[روروو]

ياحبيبتي لاتخافين بيصير بردك زايد
اناكذا دايم اقول لخواتي الجو بارد يقولون انتي بردك غير ​

 

[الاسطورية]

بسالكم سؤال بما اني يديده
انا اقل لفحت هوا يصير فيني اسهال واحس هوا ابطني يحوس انتوا بعد جذي ولا انا ابسرعه استبرد
بس قبل ماكنت جذي

اي حبيبتي انا بعز الحر تلقين جسمي مقشعر ومستبرده وبالصيف اعاني من السنترال في البيت تلاقيني كله لابسه دلاق وروب فوق بجامتي الصيفيه

 

[الاسطورية]

شلونكم بنات
هالايام معدله نومي مثل الاطفال انام 9 بليل واقوم 6 الصبح القولون مرتاح بس اعدل نومي صحتي وايد تتحسن
بس مستحيل استمر لووووول

 

[بنت الاحلام]

طيب اليوم بروح الصيدليه بسال عن سورجام اذا زين لي باخذ حق الدوره والله بدعي لج وربي

 

[روروو]

وينكم يابنات اتمنى انكم تكونون طيبين كلكم

بنات بسالكم انا اساسا خوافه زياده عن اللزوم المهم قبل كم يوم توفت بنت جيراننا عمرها يمكن 14 سنه الله يرحمها اختي الله يهديها قالتلي الخبر اول ماقمت من النوم حتى قبل اغسل وجهي
وامس بنت جيراننا الثانيه دخلت العنايه المركزه دقات قلبها سريعه وطلعنا الحديقه لان الجو كان جنان كثرت بالقهوه والشاهي والحلويات لما جيت انام دقات قلبي زادت وخفت كل مااغمض ارجع افتح من جديد احس اني بموت وعلى هالحال يمكن مانمت غير ساعتين ونص وبعدين فتحت عيوني كاني نايمه 10 ساعات والكوابيس تخوف
بنات في وحده منكم صارلها مثلي قولولي ​

 

[Flower20]

متى حاشج؟
قبل اسبووعين بالضبط اكتشفه الدكتور

شلون بدا؟
كنت امر بظروف صعبة ونفسيتي تعباانة وكله افكر واحاتي



شنو اعراضه؟
نغزات يمين البطن ويسار البطن وعووار متنقل بكل مكان ببطني ومرات بظهري وانتفاااخ وطلعلي كرش صغير و اول مرة حسيت بعواره صج لما كليت بفك حاار بالفلفل وما عرفت انام ليلتها من العوار <<< ثاني يوم من هالسالفة عرفت انه فيني قولون


منو شفتي من دكاتره؟
والله نسيت اسمه بس بالمستشفى يعني مراجعة عادية


شنو جربتي علاج؟
ليبراكس . حبووب بالنعناع ما اعرف شسمها

توصلتي لعلاج؟
لاا للاسف بس النفسية تأثر


واذا ماتوصلتي شتسوين لاياج وشلون نفسيتج؟
عاادي تعودت

 

[تنآهيد ..~]

يسعد صباحكم


شلونكم بنات ~

 

[روروو]

وصباحك ياعسل
الحمدلله ..انتي كيف حالك ؟؟
وحشتينا ​

 

[شندوخه]

وينكم يابنات اتمنى انكم تكونون طيبين كلكم

بنات بسالكم انا اساسا خوافه زياده عن اللزوم المهم قبل كم يوم توفت بنت جيراننا عمرها يمكن 14 سنه الله يرحمها اختي الله يهديها قالتلي الخبر اول ماقمت من النوم حتى قبل اغسل وجهي
وامس بنت جيراننا الثانيه دخلت العنايه المركزه دقات قلبها سريعه وطلعنا الحديقه لان الجو كان جنان كثرت بالقهوه والشاهي والحلويات لما جيت انام دقات قلبي زادت وخفت كل مااغمض ارجع افتح من جديد احس اني بموت وعلى هالحال يمكن مانمت غير ساعتين ونص وبعدين فتحت عيوني كاني نايمه 10 ساعات والكوابيس تخوف
بنات في وحده منكم صارلها مثلي قولولي ​

لاتحاتين هذا عادي يسمونها رجفه الكافيين

 

[الاسطورية]

طيب اليوم بروح الصيدليه بسال عن سورجام اذا زين لي باخذ حق الدوره والله بدعي لج وربي

ان شاءالله تلقيه لانه عجيب