بليز ردو امي في لندن شنو اطلب منها

[مزيانه]

بنات شلونكم

امي حاليا في لندن شنو اطلب منها تجيبيلي اشياء ما تتطوف ومو موجوده بالكويت



بليز ردو:eh_s(7):

 

[حبوبة الأطفال]

تمام ان امج موجودة بعد مناسبة الكريسماس
عندهم تنزيلات رهيبة توصل لسبعين بالمية

همممم

شوفي انا للحين مادققت بأسواقهم

لكن عندج العطورات الي موجوده بهرودز و سيلفاريج <<< ان شاءالله كتبتها صح
عندهم عطورات كثيرة ماراح تحصلينها بالكويت ولا اي مكان الا عندهم

وبعد عندج الشنط الماركة وووو

والله هذا الي في بالي

 

[Dubai breeze]

أنا ما سرت لندن من قبل بس كلام (حبوبه صح :eh_s(8) وقت التنزيلات وبعد فيه عطور حصريه في الهارودز وسيلفريجيز

بس فيه نقطه مهمه بالنسبة للعطور, اذا الوالده عارفه ذوقج او يعني ذوقكم واحد بيكون زين عشان ما تاخذ شي ما ايعيبج :eh_s(10):

 

[bobo lover]

في جناط بولز بوتيك
شبابية بس مو كل موديلاتها حلوة، عندج عطور ترش ماكفوي وعطور ثانية حصرية، في لوشن رازاك يمدحونه. بجايم بريمارك حلوة ورخيصة. مكياج ايربن ديكاي وبالذات باليت نيكيد حلو ورخيص. هذا اللي حاضرني بس.

 

[فنيسيااا]

جناط ميو ميو هابين فيهم واكسسوارات شانيل
بجايم للبيت من بريمارك وملابس داخليه لاباس فيهم
مارك جاكوب حلوه جناطه
تكرمين فلات مميز
كفر ايفون من هارودز

 

[غلاي غير]

ياااااااااااااازين لندن وياحلو طاااااااااريهاااااااااااااااااااااااااااااااا

كل شي فيها حلوووووووووووووو

احلا شي العطور تهبل والجاكيتات والبوتات والجناط
وبريمارك رخيص نوعا ما تلقط الشاطره شغلات فيه حلوه

صيدلية علامة النجمه تلاقين فيها شغلات ومكياج يهبل مرات تحصلينه ومرات لا
في بهارودز وسلفريجز عطورات ومكياج حصري مايصدرونه للدول الثانيه

في شالات وشغلات بشبر بوش هذا شغل مادري شلون تنقدين على نفسج شلون رحتيله بس تطلعين منه بشغلات تونس وعجيبه واغلب بضايع الحريم منه

 

[ryoonah]

حبيبتي كل واحد وذوقه يعني انا ماطوف العطورات الي ماتنباع بالكويت

 

[مزيانه]

ياحياتي ماقصرتوا

فديتكم كلكم

اليوم كان عندهم بوكسينق دي امي تقول زحمه موت ومخامط على كل شي خذتلي شنطة فندي وبولس بوتيك وخذت لبنتي بدله ديور وبدله بربري وتقول كلهم بااسعار حلوه لاان اليوم بدت عندهم الخصومات