بليز ساعدوني لان استحيت من الدكتورة

[english muffin]

هلا بنات
عندي شي منرفزني حده حده ويفششششششل
استحيت اسأل الدكتورة عنه جدام ريلي
بنات لاتعيبون علي ههههه استحي
لين اروح الحمام الله يعزكم ريحة البول تكون قوووية وفييها ريحة
انا قبل ماشم شي الحين من اسبوعين كل ما اروح الحمام اشم ريحة البول
شاسوي ؟
يمكن التهاب لازم اكلم الدكتورة ؟

 

[Om Ghalia]

طبعا لازم تكلمينها اذا لون البول تكرمين مو أصفر فاتح أو له ريحة...............حتى تعطيج علاج ........

 

[ام كوثر2007]

التهااااااااااب يا قلبي معروف هالشي .. بعدين لمن تدخلين علي الدكتوره لا تدخلين ريلج معاج عشان تاخذين راحتج .. خليه ينطرج برااا ..


ردي لها بسرعه عشان تعطيج مضاد حيوي يوخر عنج الالتهاب قبل لا يكثر عليج ,, ما تشوفين شر وطمنينا عليج .

 

[manoolita]

ماتشوفين شر حبوبه و احسن شي سئلي دكتورتج اهي اخبر و افهم و الوحيده اللي بتقدر تحدد ليش هالتغير الملحوظ​

 

[nadoo]

ممكن التهاب مسالك بوليه ما تشوفين شر

 

[لوفيه]

تحسين الريحة زفره

معناه التهاااب الله يشافيج

تعالجي منه قبل لا يتعبج

موفقه

 

[حرم_الغلا]

‏ ألتهاااب‏<‏‏< الله يقطع الالتهابات‏<‏‏< بس بسألج معاج حرقه بالبول عزكم الله

 

[[[ عيون جابر ]]]

انا مثلج بس بدون حرقه اللهم بس لون البول غامج
وقالتلي نزلي المختبر سوي تحليل بول ودموادق عليج بس تطلع النتيجه

 

[يا عيون سمي]

حبيبتي روحي لدكتوره

 

[دآنة آلرشآيده]

التهاب بالبول لازم تقولين لـ الدكتور
الله يتمم عليج​

 

[english muffin]

لاا كلش مافي حرقة
بروح بسوي تحليل احسن

 

[كويتيه مذهله 87]

سوي تحليل اي مختبر احتياط

 

[توكلت على الله 22]

سوي تحليل احسن

 

[*ماي الورد*]

شربي ماي وايد شوفي يتغير لون وريحة البول

 

[om-3azo-83z]

^^
مع اللي فوقي و اذا ما نفع سوي تحليل و علمي الدكتوره احسن

 

[" ام حمود "]

فيج التهااب .. الله يشافيج ياارب

 

[sosowaty]

شلون التهاب مو البنات يقولون اذا كانت ريحته قويه يعني حامل و هذا اكبر دليل انج حامل

 

[أبكاني ذنبي]

التهاب بالبول انا صارت معاي جذي

تعالجي وكثري من شرب الماي والله يشافيج

 

[أأأميرة الورد]

علشااان الحمل

 

[-فلانة-]

حبيبتي يمكن من قلة الماي،، جربي يوم واحد شربي ماي كمية كبيرة و شوفي إذا ما تغير معاج اللون معناته إلتهاب،،
ما تشوفين شر إنشالله..​