بليز ساعدوني

[كويتـيـة]

سلام عليكم حبيباتي


:eh_s(11)::eh_s(16): بنات مشكلتي ليما ادخل بيت خالتي (ام ريلي )

اسلم عليهم بابتسامة و كل شئ بعدين ليما اقعد اسكت و أبويهي ابتسامة

عمي و خالتي مالين مني و همن أعيالهم ( حمواتي ) ان دائماً سأكته و ما تسولف

:eh_s(2): ما عندي مواضيع شنو اسولف فيه

وأي ملئت بنات .. :eh_s(11):

مؤ من نوعي اقرقر

بس بنات ليما يسألوني شئ ارد عليهم

مؤ طرمة أنا ..

 

[كويتـيـة]

:eh_s(16)::eh_s(11)::eh_s(2):

Plz help

 

[رنيم الروح]

حبيبتي مو زين اتظلين ساكته ومو ضروري تقولين اشياء ماتعرفينها او تخصك يعني فيه الف موضوع وموضوع بعيد عن حياتك الخاصه او حياتك اهلك قرقري فيه بس تجينهم ساكته اسمحيلي بيملون منك يعني اتكلمي في المواضيع العاديه دوامات مثلا سوق اشياء تعتبر عاديه

 

[روعه جمالي]

حياااتي اول شي يعني طبعك انتي ببيت اهلك ومع عمامك وخوالك شنو ساكته ولاتتكلمي معهم

واذا بس ببيت اهل زوجك غيرر بس ساكته يعني مو مررتاحه حااولي لاتحطين السالفه برااسك انو انا بس سااكته يااربي شنو اسولف
طيب اي سالفه يسولفو فيها دشي معهم

واذا هو طبعك لااتتضايقي حاولي تغيرريه بشويش وبكره مع الايام تاخذين عليهم

ورربي يسعدك


رووعه جمالي

 

[ام الدرر]

عادي حبوبة
انا عندي زوجة اخوي ماشالله عليها نفسج
من خذاها اخوي وهذا طبعها (عيالهم كبار الحين )
وتعودنا ع طبعها
ماتتكلم الا للضرورة واذا احد سالها تشارك بالمواضيع
شلج بعوار الراس وشقالت وشتقصد
خلج ع طبيعتج احسن
دامج مرتاحة مع زوجج ومو شايفة منهم شي
عسى الله يحفظج ويتمم عليج​

 

[iLLuMinaTion]

الله كريم

 

[رانس]

انا صارلي سنتين متزوجه ونفس اسلوبج بالضبط مااتكلم نهائي بس اذا سألوني جاوبت وماعليج كلن وطبعه

 

[ناتشوو]

اذا مو تصنع وتعمد ثقالة دم عندهم
يعتبر من الطبايع الحلوة
بالعكس حتي لو معتبرينج مملة
صدقيني بيقولون
هادية لا تحش باحد ولا تنقل سوالف احد لنا

 

[مني يغارون]

حاولي تكونين طبيعيه سولفي اعتبري نفسك جالسه مع اهلك بس اختاري مواضيع بعيده عن امورهم الخاصه وفلانه وعلانه عرفتي ومع الايام راح تندمجين اكثر معاهم

بالتوفيق حبيبتي ​

 

[كويتـيـة]

حبيباتي فدديتكم .. شكرا ع كلامكم

وايد ريحتوني .. الله يريحكم دنيا و آخرة

:$

 

[أجمل إنسـآنـه ~]

ماشاءالله تدرين ودي طبعي باجر يكون جذي ببيت حمولتي ,~>

 

[nutella22]

رفع

 

[طالبة انجلش]

انا جي طبعي حياويه حيل
واستحي اول باجر شسوي
ولا بعد بدلياتي وايد لاني ماحتك بالناس

 

[أحلى قصة]

نفس ماقالوا البنات اتكلمي بمواضيع عامه

 

[^^المهره^^]

يا حلو الانسان الهادي
انا جذي ماعرف افتح مواضيع بس اذا في سالفه تهمني شاركت فيها غير جذي عادي اتم ساكته ساعه ماعندي مشكله ههههههههههههه
حبيبتي الناس اطباع وطالما طبعج موقاعده تضايقين فيه احد خلج عليه

 

[جوري 2007]

خلج على طبيعتج

بس اذا مشكلتج انج تستحين ان شاءالله مع الوقت بتاخذين عليهم وبتسولفين

 

[om-3azo-83z]

صدقين احسن انا طبعي جذي حتى فبيتنا
بس عشان لحد يقول طرمه شفتهم يسولفون بموضوع افهم فيه اشارك لو بشي بسيط بس اذا ما افهم ما افشل نفسي اهم شي انتي لا تتوترين و لا تحطين فبالج شقول شسوس ترا احنا الحريم السوالف بدمنا بتطلع بروحها ههههه

 

[امـ خــزامـى]

عادي حبيبتي خليك على طبيعتك ولاتتغيرين عشان احد

الوضع اللي يريحك سويه

وبالنسبه لي كثر الاحتكاك مع الحموله يولد الانفجار

خليك رسميه اسألي عن اخبارهم اذا شفتي شي جديد مسوينه شجعيهم وامدحيهم
جامليهم يعني

لاتجيبين طاري اي شي تحسين انك ممكن تدخلين في متاهات وقيل وقال

انا راعية سوالف بس عند الحموله كل سوالفي رسميه وعن شي يصير بنفس الجلسه
واغلب سوالفي عن بنتي

لانهم بطبعهم حساسين وكل شي يضايقهم وبحكم اني متزوجه اصغر عيالهم استفدت من اللي اكبر مني
يعني زوجة اخوه الاوسط مايحبونها عشانها تمدح طبخها وتتكلم عن السوق اشتريت من المحل الفلاني وفستان بنتي شريته بهالقيمه فصار بيتهم مشاكل وقاطعتهم


انا اشوف ان طبعك حلو ومريح بس اذا كنت تروحين وترجعين وانت ماشاركتي ولافتحتي سالفه
هذا الشي ماأيده


وربي يوفقك

 

[رجفة وهم]

آنا نفسك صارلي سنتين على الحال ماأتكلم واجد

يكون أحسلي من القيل والقال

 

[ربي يسر امري]

ان كنتي جديده عليهم فهذاشي طبيعي لكناذامو جديده عليهم حاولي تقنعين نفسك انها شي طبيعي ولا تهتمين في كلامهم ونضرتهم لك وحاولي تسولفين في اي سالفه وتشاركينهم في كلامهملكن انتبهي تخلين هالشي عقده فيك لان راح تصعب عليك الموضوع اكثر وراح تحسين بصعوبه في مشاركتهم بالكلام


كوني ريلاكس حبيبتي وبدأي شويه شويه وخلك واثقه من نفسك


ان شاء الله اكون افدتك.