بليز قوليلي البيبي شنو يبي :(

[Your Dream]

السلام عليكم ورحمة الله

مسائكم سعاده وراحه :eh_s(22):


بنات بليز انا حامل وحالياً اجهز للبيبي

محتاااااره حيل ودي اعرف

1-شنو اجهز للمستشفى لي وللبيبي وجم قطعه

2- جم تبانه وبجامه وبدله حق النفاس

3- جم تبانه و و و و حق بعد النفاس اول شهرين

بلييييييز ساعدوني الله يهون على كل حامل ويرزق كل محرومه:eh_s(7):

 

[وين حبيبي]

جهزي شنطة فيها قميص نوم مال الاستقبال و3 حق الايام الي بتقعدين فيهم والكفر حقج وحق البيبي اخذي المدس وبربتزوت كذا واحد وبيجامات مع قبعاتهم حق البي بي ومهادات وتمنى الباقي يفيدونج

 

[ابله لوله]

وعليكم السلام ..

1-شنو اجهز للمستشفى لي وللبيبي وجم قطعه


اوفرولات اخذي معاج 6 احتياط ماتدرين الياهل يمكن يوصخ او يرجع ف يبدلونه
اخذي لفات او مهادات 2 او 3
وتبانات6 ..

انا جهزت جنطه البيبي بهالطريقه ..
كل اوفرول وتبان وكبوس ودلاغ ومهاد ودسوس مع بعض لفيتهم بالمهاد عساس اول ما يبدلونه اطلع الست واعطيهم بدال العفسه
وحطيت فوط صغيره حق اذا رجع او برضعه وجذي
وهم حطيت صدريات عشان لا يوصخ ملابسه ..

بالنسبه حقج انتي ..
اخذيلج نفانيف او بجامات اللي يريحج انا خذيت قميص الاستقبال وبجامتين وروبين
وشيلتين
ودلااغات
وملابس داخليه
وستيانات الرضاعه
وفوطه سباحه
واذا بتولدين بالاشتا اخذي بجامات تدفي حق تحت ملابسج

وطبعا ادوات العنايه والنظافه حتن لو المستشفى يوفرون حطي احتياط انا حاطه حقي وحق البيبي
ليفه صغيره
شامبو
صابون
فوطه صغيره حق ايدج وويهج
اذا تبين مكياج بسيط كونسيلر وكحل
فرشه
مشط اهم شي ههههه
وعطر خفيف وكريمه

 

[om 7sony]

اخذي حق المستشفى ٤ او ٥ ستات حق البيبي
الست الواخد يتكون من : اندروير + اوفرول + قماط ( لفة) + صدريه + كبوس
خلي كل ست بروحه ،،، اسهل لج اذا بتطلعينه حق السستر بعدين
انتي اخذي قميصج مال الاستقبال ،، وبيجامتين ،،، وثيرمال طويل حق تحت الملابس
اذا ناويه تقعدين اكثر من ليلتين،، اخذي بيحامات الي تكفيج
اخذي اغراض تكرمين الحمام ( فوطه وشور جل وفرشه ومعجون ) اتوقع المستشفى توفر لج هالاشياء ،،، بس في ناس ما يرتاحون الا لم يستعملون اغراضهم
اخذي لج دلاغات ،، ضروري تدفين نفسج ،،، شيله مع القميص اذا ناويه تلبسين ،،، او باندات وشباصات ( اللي يريج)

وطبعا اذا بتسوين استقبال ،، اغراضج تكونين مجهزتها من قبل ،،، كتبيهم بورقه عشان الي بييبهم لا ينسى شيً

 

[om 7sony]

حبيبتي ومو تنسين جيس البيبي ولفه عشان اذا بتطلعين من المستشفى
والله يسهل عليج يا رب

 

[tbola]

البنات ماقصرو

 

[Your Dream]

كل اللي ردوا مشكووووووورين

الله يجزاكم خير

بس ماجاوبتوا على كل اسئلتي :eh_s(2):

 

[english muffin]

انا نزلت موضوع عن التجهيزات
لحظة ادور الرابط

 

[english muffin]

http://www.q8yat.com/t987732.html

 

[!! دلوعته !!]

اب اب

 

[دلوعه//]

الله يسهلك

 

[@ام يوسف@]

ااااااب

 

[أبكاني ذنبي]

كفيتوووا ووفيتوووا ماشاء الله عليكم


المعلومه الجديده اللي عرفتها ان الوحده ماتشتري كله من 0-3 لازم تشترس من 3-6

 

[H&M love]

هووو ليش مانشتري من ٠-٣
اهم شي ٠-٣ شيطلعلج بالنفاس و الا تعالي طرشي احد يشتريلج
اللي ما تشترينه وايد نيو بيبي او تاينب بيبي بو بدله بدلتين ( على حسب حجم البيبي بالسونار هني تقررين شنو تشترين )
من ٣-٦ اللي لا تشترين متى ما فظيتي روحي اشتري عالراحة

 

[ام الحلوااات]

اللـــــــه يـــهـــــــوووون عـــلـــيــــج ويــقـــومــــج بـــاالـــســــلامــــه انـــتــــي والـــبــيــبــي

 

[Your Dream]

كل اي ردوا مشكوورين

والله يجزاكم خير عالادعيه

ماقصرتوا حبايبي