منو راحت الهند وعندها معلومات عنها انظف وارقي الااماكن والفندق النظيف ، اسواق راقيه وشي حلو ،،،، شاااااااااااااااااكره لكم
بليز منو تساعدني ابي معلومات عن اسواق الهند
- بادئ الموضوع جنه من الكويت
- تاريخ البدء
Tantoshah
New member
- إنضم
- 26 سبتمبر 2009
- المشاركات
- 576
- مستوى التفاعل
- 0
- النقاط
- 0
أنا رحت جوا .. اتينن هالمنطقة ستايلهم اوروبي حييل لانها كانت محتلة من البرتغال واسواقها اتينن روحي سوق اسمه بومباي بازار كبير وأشياءه راقية حدها انا شريت ساري خخخ وسويتة نفنوف مثل مالوت كيم كارداشيان طلع اينن كل من يسالني عنه .. وهم رحت دلهي فيها أسوقة جبال المساجد .. ورحت أقرا على تاج محل يا الله شنو هالجمال والعمار لا اله الا الله وصورت هناك 15 صورة تقريبا ب 6 دنانير وحركات بالايد جني ماسكة القبة مالت تاج محل وقبال التاج محل اشكثر تحصلين بازارات وأسوقة راقية هالجنطا المزخرفة والسياييد صناعة يدوية جريب ال 3 سنوات يسوون فيها ومو غالين بو 100 و200 دينار وفي اكثر اكييد ومكتبات كتب قديمة اذا تحبين القراءة وأكلهم اينن مجابيس وسوالف مغل محل اللي بحولي اذا رحتي طلبي جلاب جامون مع ايس كريم اغيب عليه وهم في رحلات تركبين فيلة انا احب رحلات الاستكشااف روحي الهند وادعيلي جنة بالارض واذا تبين تشترين شي اخذي زيت جوز الهند اللي من كيرلا قوليلهم هذا اقوى انواع الزيوت الاصلية يهبل للشعر وايد ارتحت عليه بس الحين خلصو وانا حجزت عن طريق الهوليداي سنتر ماشالله رحلة مستحيل انساها اخذي رقمهم 22450321 - 55604033 وانا في بنية اهناك اهي الوحيدة العربية اتعامل معاها اسمها رويدا سوتلي هالرحلة مع قايد وسايق وسكنت ب le meridian ديلهي وب قوا سكنت ب vaginum villy resort ريزورت اينن عالبحر تروحين مشي وسباحة حدا وناسة وتقبلي مروري رحلة سعيدة
حبيبتي مشكووووووووووره وايد ، بس ما قلتيلي شنو افضل الاشياء اللي ممكن اقدر اشتريها لان الناس مخرعيني يقولون كله شغل اي كلام مو هاي كوالتي ومظل ما تبينه قالولوي في اماكن معينه تلقينها مو مثل ما تتوقعين ،، وبلييييييييز ذا تذكرتي شي قوليلي ،،، شاكره لج
تحياتي
تحياتي
