بليس ساعدوني أبي خطة حق امريكا أول مرة أروح ومتوهقة

[rehamq8]

السلام عيكم يا خواتي
هذي أول مرة أشارك وأسال فيها بالمنتدى وما ادري إذا طريقة مشاركتي صح أو غلط
بس بليز ياإخت rawona والمشرفة أوركيد إتفيدوني وأي احد ثاني عنده فكرة عن الموضوع
أبي اسافر امريكا ولاول مرة وبصراحة ما اعرف عنها أي شي ولا عن مناطقها والسياحة فيها
بي اعرف إن أي احد إروح امريكا مرة مايروح حق غيرها ويرجع لها كل مرة
عشان ما أطول عليكم
بروح آنا وزوجي وأثنين من إعيالي (8 و6 ) سنوات
مدة الرحلة تقريبا ثلالث أسابيع
الميزانية 6000 دينار كويتي( إذا إشوية قولولي جم إكفيني وبدون ما أقصر على نفشي)؟
زوجي ما ودة نتنقل بالسيارة وايد لأنة إخاف لا نضيع أو نتعب يعني أفضل طيران او وسائل ثانية
أدري إن المدة غير كافية على كل امريكا بس ودي تعطوني اقتراحات حق احسن الولايات الي اقدر اروح لها
بصراحة ودي ازور المناطق التالية( نيويورك\ فلوريدا \ كاليفورنيا ظ لوس انجلوس )
آنا قريت موضوع الاخت rawona وايد حلو بس شامل وعام
ادري طماعة أبي شي مفصل ومخيط حقي
ساعدوني بليز لا تنسوني

 

[ميسوره]

انا العام كنت مثلج متوهقه ومو عارفه واول مره فنصحوني البنات اروح فلوريدا افضل من كالفورنيا
انا كانت رحلتي 4 ايام واشنطن 12 يوم اورلانو مريت و ميامي 3 ايام وتامبا يوم

اورلاندو الحلو فيها ان كلش قريب من بعض شامل الحدايق والاسواق يعني من ثاني يوم راح ادلين ومتضيعين
كاليفورنيا يبيلج اكثر من ثلاث اسابيع واغلى فالمده كافيه لفلوريدا وهم التكلفه تكفي لها
بس جوها حار بالصيف تقريبا مثل الكويت

 

[rehamq8]

مشكورةاختي مسيورة
بس بسإلج اشلون تنقلتي بين فلوريدا وكاليفورنياعلى اي طيران وجم المدة والسعر
و12 يوم في اورلاندو مو وايد
لاني سمعت ان نيويورك روعة والواحد لازم امر عليها
وبعد واشنطن مافيها شي صح؟
وعلى أي طيران سافرتي من الكويت ؟
ومشكورة مرة ثانية وايد وايد

 

[ديناا كوليكشن]

اب اب عشانج

 

[ديناا كوليكشن]

اب اب عشانج

 

[فورلا]

السلام عليكم
انا سفرتي 3 اسابيع كاليفورنيا كفت صراحة
المدة بدون سانفرانسيسكو لانها باردة حيل وطريجها احتمال ثلوج بين الجبال فكنسلناها ورحنا بدالها فيغاس الرحلة كانت (لوس أنجلوس 10 ايام - فيغاس 3- ايام و6 سان دييغو) الأيام تقريبا
التنقل بالسيارة الحمدلله سهالة مع جهاز gps
لكن شوارعها تبي الانتباه الشديد وانتي بعد تركزين مع اللي يسوق
التكلفة باذن الله كافية وحطي في بالج ان الاماكن السياحية شوي غالية فخلي التسوق آخر شي

 

[درر ستايل]

شوفي حبيبتي

انا ان شاء الله بعد بسافر امريكا بشهر 7 الياي

ومخططي

4 ايام بنيويورك
3 ايام ميامي
اسبوعين اورلاندو
اسبوع لوس انجلوس
اسبوع سان فرانسيسكو

من الكويت الى نيويورك عالكويتيه
من نيويورك الى ميامي _ طيران داخلي 3 ساعات
من ميامي الى اورلاندو _ بالسياره 4 ساعات ويقولون مع gps ما تضيعين
من اورلاندو الى لوس انجلوس _طيران داخلي 5 ساعات _ لانها بعيده ما يصير بالسياره
من لوس انجلوس الى سان فرانسيسكو _ بالسياره 4 ساعات
بعدين من سان فرانسيسكو نرجع نيويورك طيران داخلي علشان نرجع الكويت ان شاء الله

تكلفة الطيران كله من الكويت مع الداخلي في امريكا تقريبا الفين دينار
وحاطين تقريبا 4 الاف دينار للمصروف
ومدة رحلتنا 5 اسابيع

والله يسهل ان شاء الله ​

 

[rehamq8]

مشكورين حبايبي وماقصرتوا
وإختي( درر ستايل) بسإلج إنتي اول مرة إتروحين؟وإشلون إتأجرين السيارات هناك؟ يعني عندج موقع ناس إمجربينة؟ وجم عددكم؟ وأعمار اليهال معاج؟وليش ما سافرتي عالبريطانية او أي طيران يكون( كويت- نيويورك) والعودة تكون( لوس انجلوس -كويت) مو أحسن والداخلي على كيفج ؟ وسؤال ثاني حبيبتي وين بتسكنون هناك وشنوا الاماكن الأكثر أمان وأسعارها معقولة؟
وتسلمين ياعمري واللة إسهل رحلتكم ويوفقكم يا رب

 

[ميسوره]

مشكورةاختي مسيورة
بس بسإلج اشلون تنقلتي بين فلوريدا وكاليفورنياعلى اي طيران وجم المدة والسعر
و12 يوم في اورلاندو مو وايد
لاني سمعت ان نيويورك روعة والواحد لازم امر عليها
وبعد واشنطن مافيها شي صح؟
وعلى أي طيران سافرتي من الكويت ؟
ومشكورة مرة ثانية وايد وايد

المنتدى لايطاق كتبت رد اشطوله وما ادري وين راح

 

[ميسوره]

انا ماحت كاليفورنيا كلش

اورلاندو فيها 4 حدايق دزني
غير دزني داون تاون هذا بروحه فيه مطاعم ومحلات وسينما وحت السيرك الي فيها كان حلو

وحديقتين يونيفيرسال
وتابعه لها الستي ووك كله مطاعم وسينما ومهم محلات حلو ويشطبون الساعه 2 بليل حلو التمشي فيها

وفي حدايق مائيه وعروض دلافيه وحديقه لتماسيح بس ما رحت لها جبانه

وفي شارع معروف حيل اسمه انترناشونال درايف كله تلاقين فيه كل شي
البيت المقلوب
وبليف اور نت بليف
متحف التايتنك
ومحلات حلو ومطاعم ومنتزهات


غير اسوقتهم
2 اوت لت
وفلوريدا مول وميلنيا مول
وجمعياتهم الي تشرح الصدر

هذا الي ذاكرته


نيويورك 5 يام حلوين يستملغونها الاطفال وغاليه
انا رحت عاليونايتد دايركت واشنطن والحلو ان الرحله الساعه 12 بليل يعني اول ماتركبون الطياره على طول تقفلون وتنامون
وانا كنت حابه اشوف واشنطن اكثر من ننيويورك لانها اهدئ

ومن واشنطن الى اورلاندو طيران داخلي عالجت بلو حلو وسعره ناسبني

 

[ميسوره]

ترى بدلياتي اشكثر طوفي

 

[درر ستايل]

مشكورين حبايبي وماقصرتوا
وإختي( درر ستايل) بسإلج إنتي اول مرة إتروحين؟وإشلون إتأجرين السيارات هناك؟ يعني عندج موقع ناس إمجربينة؟ وجم عددكم؟ وأعمار اليهال معاج؟وليش ما سافرتي عالبريطانية او أي طيران يكون( كويت- نيويورك) والعودة تكون( لوس انجلوس -كويت) مو أحسن والداخلي على كيفج ؟ وسؤال ثاني حبيبتي وين بتسكنون هناك وشنوا الاماكن الأكثر أمان وأسعارها معقولة؟
وتسلمين ياعمري واللة إسهل رحلتكم ويوفقكم يا رب

هلا عزيزتي

اي انا اول مرة اروح
ومن الحين قاعده اسوي بروجرام حقنا وكل شي تره تبينه تلقينه بالنت
طلعت الاماكن السياحيه في كل ولايه

وبالنسبه لتاجير السياره في وايد شركات للتاجير لقيتها بالنت ويعطونج الاسعار بعد للمده اللي تبينها
عندج http://www.dollar.com

بس رفيجتي قالتلي من هناك بالمطار وايد مكاتب تاجير وارخص تطلع

احنا عددنا 5 ( انا وزوجي وعيالي 10 سنوات و5 سنوات وسنتين )
ونبي نروح عالكويتيه لانها ارخص وحده طلعتلي __ البريطانيه اغلى
واحنا ان شاء الله راح نسكن في منتجعات ماريوت

واي سؤال تبينه انا حاضره

اذا تحبين اعطيج البرنامج مالنا مال الرحله
وحياج الله

 

[طوق الياسمين]

دامها اول مره انصحج بفلوريدا وال3 اسابيع يدوبك تكفي اصلا هناك وخصوصا ان معاج اطفال احنا رحنا 5 ايام ديزني ويويمن اليونفيرسال ويومن ال سوورلد ورحنا يوم منطقه مادري اذا كانت تمبا او مكان ثاني لاني نسيت الاسامي بس كانت على البحر وايد حلوه وتغدينا في فندق وتمشينا على البحر وعقب رجعنا كان ودنا نرح ميامي بس لان قعدنا اسبوعين مافا الوقت..وترى الاوت لت هناك عجيييييييييييييب ويتم لين 11 بالليل يسكرون والدوان تاون لديزني ولليونيفراسل بعد حلو احنا رحنا سينما باليونيفرسال داون تاون..عيالج بيستانسون هناك وامريكا حلوه وشرحه والناس طيبيييين وايد وهناك الاكل لاتحاتونه مو مثل اوروبا ماصخ ماله طعم لان كله مكسيكيين في مطاعم مكسيكيه واكل مكسيكي لذيذ

 

[rehamq8]

مشكورين خواتي كلكم على المشاركات الحلوة وآسفة طولت بالرد عليكم لأني كنت مسافرة وبس رجعت فتحت على ردودكم بس المنتدى إطول على ما يفتح الصفحات ليش فية مشكلة وإلا عادي
عموما شكلي بعد بضيف ولدي الصغير( 3 سنوات م9ع إخوانة لأن حرام أخلية بروحة وايد متعلق فيهم
والحين آنا خلاص ركزت الرحلة إن شاء اللة على التالي وابي رايكم ومشورتكم لأن ترا إنتوا مصدري الاول والمعتمد:
1- كويت –نيويورك ( على الخطوط الكويتية) وراح نقعد 5 ايام فيها وراح إنزور الاماكن السياحية كلها هنك ونمر مرور الكرام على المولات ): لان قالولي مولاتها غالية وايد والسوق بفلوريدا حلو وبعدين بصراحة زوجي كلش مايحب السوق واللة يعيني آنا غرامي السوق
2- نيويورك – ميامي (على الدلتا اير لاين) وراح نقعد فيه 3 أيام لأن الكل يمدح بجوها ووناستها وفي مياميراح نأجر سيارة ونتنقل فيه.
3- ميامي – أورلاندو ( بالسيارة لأن الطريق 4 ساعات تقريبا واللة إسهل ويكون حلو) وراح نقعد بمنتج هناك الكل يمدحة ودخلت عالنت شفتة حلو واللة وعائلي وقريب من كل شئ وراح نتنقل هناك بين حدايق دزني وعروضها بس الى الحين ما سويت خطة مفصلة لها.
4- بصراحة في وحدة امدحت لي الرحلات البحرية( كورز) وقلت يمكن ناخذ 3 أيام وغاية مورخيصة بس ما أعتقد إذا كان معاي ولدي الصغير.
5- راح نقعد بأورلاندو حوالي 10 أيام عشان ما نشتط ونستانس
6- أورلاندو – نيويورك ( عالدلتا) ونقعد ليلة بس عشان الطيران ونرتاح
7- نيويورك – الكويت
هذي الخطة واللة اسهل وياريت واللة أشوف خطتج درر ستايل ونفيد بعض بالترتيبات

 

[elzyn]

اذا تقدرين تاخذين معاج اكثر اخذي لاتقصرين علي نفسج

 

[ام _خلودي]

زين مااخترت بما انه اول مره ومعاج يهال

فلوريد ونيسه والاماكن الترفيهه فيها وايد راح يستانسون اليهال هناك وايد

انا حجزت على الكويتيه كويت نيويورك ان شاء الله على شهر7

وراح اروح فلوريد بنسالفيا ونيويورك وبمر شلالات نياجرا بس

للحين مقسمة الايام ان شاء الله اخر هالشهر احجز طيران داخلى وسياره وفنادق

 

[chobits]

جم طلع عليج تكلفة السكن درر ؟؟ ممكن تساعديني تدزين لي برنامج الرحلة كامل ؟؟ وايد حبيت الجدول مال الولايات اللي اخترتيها بس هل يصلح معاي بنتين الله يحفظهم وحدة سنتين ووحدة ثمان سنين شكرا