بليـــــز مدرسآتي العزيـــزآت .

[» ADMNT 7Ḇк ْ●~]

السلام عليكم و رحمه الله و بركـــآته ..

انا تخرجت الحمدلله و ودي بكليه التربيه
بس شكثر نـآس خوفوني و آغلبهم مدرســآت
يقولون انحــآشي كل شئ الا التدريس كرف و تعب
قلت لامي هالحجي " امي مدرسه سـألتها هل كـآره التدريس او لا و ان تعب ؟!
قالت كل مكــآن لازم تعب مآكؤ وظيفه مآ فيهـآ تعب و هده حييل ..بالعكس المدرسه احسن على الاقل تعطل مع النـآس مو بعض الوظــآيف اللي يدآمون حتى بالعطله ..
و اللي خوفني اكثر رفيجه امي بنتها متخرجه بعد تقؤل مسحيل اقط بنتي بالتربيه و احنـآ مجربينها
و المشكله اني احب التآريخ و ودي اصير مدرسه تآريخ و اقول او الوآحد اذا حب شئ يبدع فيه مآ همه التعب اللي من ورآه .. و ان حتى لو بعد سنين تعبت اقدر اكمل درآسآت عليآ بشئ انا احبه

بعدين يعني وين اروح الحقوق انا ويني و وين الملاسن كلمتين على بعض ما اعرف اقول هالدور محامآه..
علوم الاجتمآعيه بحطهـآ رغبه ثـآنيه و الادآب رغبه ثــآلثه ..
علوم ادآريه مـآ تعجبني >> اتشرط بعد لووول انا الحمدلله نسبتي ادخلي اي مكـآن

بس محتآآآره و ابي رآيكم بالتدريس :eh_s(17):

>> ادري طولت بس عشــآن تفهمون الموضوع من كل النؤآحي ـآ :eh_s(22):

 

[جيتك تعال]

كل وظيفة لها تعب ... " بس تعب المعلمة اضريبه 10 مرات "

بس لو تحبين التدريس توكلي على الله

واذا ما تحبينه وفري على حالك وادخلي الجامعة وبعدها على طول حضري دراسات عليا ووكلها كم سنة

وتدرسين في الجامعة طبعا فرق بالرااتب والتعب " مافيه تعب اصلا "

احسن لك من ضغط المدارس وولية الحريم المعقدة

 

[fri2010]

والله انا بعد مثلج وايد اشوف المدرسات متذمرين وهذا الشي قاعد يخوفوني ويقلل من ثقتي

مع اني احب تخصصي واحس اني راح ابدع فيه

بس ما ادري المدرسات شنو وجهة نظرهم

في منهم يقولون بسبب الوظائف الاشرافيه والاداره من جذي يصير التذمر

انا عن نفسي تخرجت من الاداب تخصص تاريخ وتوهم اقبلوني مدرسه بالثانويه

انتي شوفي شنو تحبين وشنو راح تصيرين في المستقبل لا تخلين احد يأثر عليج عشان ما تتحسفين بعدين

انا عن نفسي بجرب سنه ما عجبني الوضع على طول بكمل دراسات عليا

 

[كااامل الزين]

انحاشي اختي لا تروحين تربية تدبسين

 

[ابلة غزالة]

التربية كل مالها تصير اصعب و طلباتهم وايد ما تخلص كل سنه يطلعون لنا بشي مره جودة التعليم و مره استراتيجيه و مره منهجيه النظام و يله تعالي طبقي
انا صراحه ما احبطج بس انا اتضايق لما اشوف حالي و اشوف حال خوات مو مدرسات اكسر خاطر نفسي صج المعاش يفرق عنهم بس تظل الراحه حلوه

 

[أحلى^حياه]

لايحوووووشج
انتي ببداية الطريج لا تخربين مستقبلج
اذا كلش دشي اداب تاريخ تقدرين تصيرين مدرسة اذا ماعجبج الوضع تروحين مكان ثاني
بس انسي التربية

 

[PuPa^^SWeeT]

حبيبتي انا حابة مهنتي بس تعب


لأنه مجتمع حريييم

بس هذا السبب
لوو انه مديرج ريال جان اختلف الوضع

 

[» ADMNT 7Ḇк ْ●~]

يآ ربي و الله خــآيفه ..

يعني استخيــر و أهون ادخل حقوق ؟!

ان شــآء الله بحط رغبه اولى حقوق و ثــآنيه تربيه

و اللي الله كـــآتبه بيصير ..

 

[زهراء 24]

انا دشيت آداب تاريخ ومن البدايه كاره التدريس
وماكنت اتخيل نفسي مدرسه بس اخر شي طلع
اسمي حق التربيه مدرسه شسوي الحمدالله على كل حال
لو بيدي ماابي تربيه احس التدريس مهنه صعبه​

 

[منال القلب]

شوفي حبيبتي
أمج كلامها صحيح
كل مكان فيه تعب، يعني مو عبالج بتاخذين وظيفة وتحطين ريل على ريل وبالاخير بتاخذين معاشج باردة مبردة. اذا تبين جذي فأنتي مو محللة معاشج وفلوسج راح تكون حرام عدل ولا لأ؟

انزين، الحين نيي حق رفيجة أمج، لاحظي كلام امج وكلام رفيجتها بتلاحظين اختلاف. كل وحدة بترد عليج بهالموضوع راح تلقين رايها غير عن الثانية. أنا قبل سنة وجم شهر كنت مثلج محتارة اصير مدرسة ولا ما أصير. لأني من داخل ميتة ميتة واصير مدرسة بس وايد كنت اتابع القسم وسوالف المعلمات وخذيت معلومات وايد بدون لا اسجل بالمنتدى وبعدين عرفت الي لي والي علي وتخيلت نفسي معلمة وتخيلت كلام المعلمات الي بهالقسم وشفت نفسي أٌقدر..


دام انتي حابة التدريس من داخلج توكلي على الله، وسمعي أي كلام سلبي من الأذن اليمين وطلعيه من اليسار، لان خلاص ان حبيتي شي ماراح يأثر فيج أي كلام سلبي.


من مميزات التربية:

- المعاش حلو
- اجازات بالهبل
- شخصيتج الضعيفة تصير أقوى لما تمسكين صف
- يكفي الصبح لما تدخلين المدرسة الطالبات يسلمون عليج: شلونج ابلة، شخبارج أبلة؟ ....... إلخ


عيوب التربية:

- مهما تشتغلين وتكرفين ادارة المدرسة ما يبين في عيونها وانا اقصد الوكيلة والناظرة
-كثرة أعباء الشغل مثل ( مراقبة - مناوبة - اشراف - اذاعة )
- مجتمع الحريم داخل المدرسة فيه حش وقرض.


وهالعيوب تقدرين تتغلبين عليها وتمحينها من الوجود بذكائج وشخصيتج..


نصيحة: أنا أفضل تسجلين كلية آداب رغبة أولى ودخلي آداب أي تخصص وتقدرين تصيرين معلمة بعد ما تتخرجين دراسة الأداب وايد احسن. لان لا سمح الله ان دخلتي التدريس وصارتلج مشكلة او طلع لج ظرف اجبرج على انج تطلعين من التدريس ف بعدها تقدرين تطلعين من وزارة التربية بسهولة لانج أداب..


أما اذا كنتي خريجة كلية التربية راح تكونين مدرسة فقط وفي صعوبات بعدين لي استقتلي محد بيقبلج بمكان ثاني لانج خريجة تربية مو كلية ثانية. فعلشان جذي اخذي كلية آداب ولي تخرجتي صيري مدرسة. وأنا جذي انا تخرجت من كلية آداب قسم عربي وصرت مدرسة عربي..


الحين انا صارلي سنة وجم شهر والصراحة لحد الحين احب وظيفتي كمعلمة. صح تعب، صح أتحلطم بس حابة وظيفتي وايد وما أتخيل نفسي موظفة قاعدة ورا مكتب.. أحس ولدت علشان أكون معلمة، وانا داشة التدريس عن حب مو مغصوبة مثلا، والي يشتغل بمكان عن حب راح يبدع حتى لو فيه سلبيات وايد..

موفقة حبيبتي..

وتذكري!! ( سوي الي قلبج يميل له وكشتي بأي شي ثاني ) >> وخلي كلام الناس المحبطة عنج

 

[درة أهل الطولات]

كل مكان فيه مميزات وفي عيوب

واي وحدة فينا اذا راح تنصحج راح يكون من واقع تجربتها ومدرستهااا

فإلي مدرستها زينه راح تقولج التربية حلوة واللي مدرستها مو زينه راح تقولج انحاشي

فلا تسمعين لنااا


واستخيري لمستقبلج

والله اييب اللي فيه الخير لج يارب​

 

[» ADMNT 7Ḇк ْ●~]

انا دشيت آداب تاريخ ومن البدايه كاره التدريس

وماكنت اتخيل نفسي مدرسه بس اخر شي طلع
اسمي حق التربيه مدرسه شسوي الحمدالله على كل حال

لو بيدي ماابي تربيه احس التدريس مهنه صعبه​

الله يوفقج .. بالعكس يهبل تكفيــن صيري رفيجه البنات ترآ والله يحطونج ع الرآس

لا تصيرين نفس بعض الابلات نفسيه :eh_s(14): خصوصــآ بنات الثــآنوي فديتهم

 

[» ADMNT 7Ḇк ْ●~]

شوفي حبيبتي
أمج كلامها صحيح
كل مكان فيه تعب، يعني مو عبالج بتاخذين وظيفة وتحطين ريل على ريل وبالاخير بتاخذين معاشج باردة مبردة. اذا تبين جذي فأنتي مو محللة معاشج وفلوسج راح تكون حرام عدل ولا لأ؟

آكيد لا اساسـآ انا مو جذي احب الشغل و قبل هذا حــــــــــــرآم

انزين، الحين نيي حق رفيجة أمج، لاحظي كلام امج وكلام رفيجتها بتلاحظين اختلاف. كل وحدة بترد عليج بهالموضوع راح تلقين رايها غير عن الثانية. أنا قبل سنة وجم شهر كنت مثلج محتارة اصير مدرسة ولا ما أصير. لأني من داخل ميتة ميتة واصير مدرسة بس وايد كنت اتابع القسم وسوالف المعلمات وخذيت معلومات وايد بدون لا اسجل بالمنتدى وبعدين عرفت الي لي والي علي وتخيلت نفسي معلمة وتخيلت كلام المعلمات الي بهالقسم وشفت نفسي أٌقدر..

لووول انا بعد ادخل مواضيعكم من بعد اذنكم :eh_s(22): و المدرسه الابله لما تطلب نشــآط طبعا اجباري كنت ابدع فيه عكس بعض البنات كانوآ يله اي شئ نسوي


دام انتي حابة التدريس من داخلج توكلي على الله، وسمعي أي كلام سلبي من الأذن اليمين وطلعيه من اليسار، لان خلاص ان حبيتي شي ماراح يأثر فيج أي كلام سلبي.


من مميزات التربية:

- المعاش حلو
- اجازات بالهبل
- شخصيتج الضعيفة تصير أقوى لما تمسكين صف
- يكفي الصبح لما تدخلين المدرسة الطالبات يسلمون عليج: شلونج ابلة، شخبارج أبلة؟ ....... إلخ
و الاخيره احلى شئ

عيوب التربية:

- مهما تشتغلين وتكرفين ادارة المدرسة ما يبين في عيونها وانا اقصد الوكيلة والناظرة
-كثرة أعباء الشغل مثل ( مراقبة - مناوبة - اشراف - اذاعة )
- مجتمع الحريم داخل المدرسة فيه حش وقرض.
و الهوشــآت شكثر بينهم صج طالبات بس ندري شاللي يصير جدامنا


وهالعيوب تقدرين تتغلبين عليها وتمحينها من الوجود بذكائج وشخصيتج..
:rerrerek::rerrerek:

نصيحة: أنا أفضل تسجلين كلية آداب رغبة أولى ودخلي آداب أي تخصص وتقدرين تصيرين معلمة بعد ما تتخرجين دراسة الأداب وايد احسن. لان لا سمح الله ان دخلتي التدريس وصارتلج مشكلة او طلع لج ظرف اجبرج على انج تطلعين من التدريس ف بعدها تقدرين تطلعين من وزارة التربية بسهولة لانج أداب..


أما اذا كنتي خريجة كلية التربية راح تكونين مدرسة فقط وفي صعوبات بعدين لي استقتلي محد بيقبلج بمكان ثاني لانج خريجة تربية مو كلية ثانية. فعلشان جذي اخذي كلية آداب ولي تخرجتي صيري مدرسة. وأنا جذي انا تخرجت من كلية آداب قسم عربي وصرت مدرسة عربي..

قلت هالكلام قـــآلوآ شدرآج انج بتنقـــبلين بالتربيه آكــــــيد

الحين انا صارلي سنة وجم شهر والصراحة لحد الحين احب وظيفتي كمعلمة. صح تعب، صح أتحلطم بس حابة وظيفتي وايد وما أتخيل نفسي موظفة قاعدة ورا مكتب.. أحس ولدت علشان أكون معلمة، وانا داشة التدريس عن حب مو مغصوبة مثلا، والي يشتغل بمكان عن حب راح يبدع حتى لو فيه سلبيات وايد..

هذآ رآيي


موفقة حبيبتي..

وتذكري!! ( سوي الي قلبج يميل له وكشتي بأي شي ثاني ) >> وخلي كلام الناس المحبطة عنج

تسلميــــــــــــــن يعطيج العـــآفيه ..

 

[» ADMNT 7Ḇк ْ●~]

كل مكان فيه مميزات وفي عيوب​

واي وحدة فينا اذا راح تنصحج راح يكون من واقع تجربتها ومدرستهااا​

فإلي مدرستها زينه راح تقولج التربية حلوة واللي مدرستها مو زينه راح تقولج انحاشي​

فلا تسمعين لنااا​

واستخيري لمستقبلج ​

والله اييب اللي فيه الخير لج يارب​

آمين و الله انــآ محتــــآره بين التربيه و الحقوق !!

بس ودي بالتربيه .. ان شــآء الله بصلي استخـــآره

 

[حورية بنت حواء]

حبيبتي انا حابة مهنتي بس تعب


لأنه مجتمع حريييم

بس هذا السبب
لوو انه مديرج ريال جان اختلف الوضع

زين لفتي انتباهي لنقطه
ليش المدلرس البنين اللي فيها معلمات ما يكون مديرا ريال
بما انه الطلبه اصبيان