بلييز بنات ساعدوني ابي اسافر ماليزيا بس عندي سؤال

[1980nono]

ودي اسافر ماليزيا بس انا الميزانيه عندي محدوده جم تكلف السفره حق 4اشخاص وشنو الاماكن الحلو؟؟؟ بليز ردو انشالله تردون

 

[أم عبداللطيف]

الله يسهل عليج ان شالله

شوفي حبيبتي بالنسبة للماليزيا يعني جذي تكونين بالسي فتي يكون جذي على ألفين ونص جذي اذا انتي تبين رحلات وجزر وفنادق هاي

واذا قررتي تروحين اقولج وين الاماكن ترا حتى مكاتب السفريات ما تقصر وبعد اذا رحتي هناك الفنادق تقولج عن الرحلات بعد بالمطار من توصلين

موفقة يارب

 

[كويتييه lg]

ما اعرف والله

 

[MsMoonlight]

مو اقل من الفين و نص .. لانه كنا شخصين .. مع التذاكر و الرحلات و الفنادق و المواصلات لزمنا الفين و نص

 

[ملكة الثلج]

يوم اسافر لها مع زوجي كانت الميزانيه 2,500 تقريبا اذا مو اكثر
شامله التذاكر والفنادق والمشتريااااات ...
فـ اتوقع الميزانيه المناسبه لج 3.500 واكثــــر

 

[غلا ماجد]

حدهاااااااا غاليه بس يارب اسافر ماليزيااااااا مع الغالي لاني ما سافرت من تزوجت اللهم النعيرية يوم و ردينا لا بعد مو بروحنا ههههههه
اكسر الخاطر صح متى نتوظف انا و زوجي لاننا للحين ندرس

 

[1980nono]

بنات انا اللي اقدر اقطه علىالسفره يادوبك 4000 ، اتهقون يكفوون ولا لآ حييييل بخاطري اسافر ،،،،
السفر صج صلخ وايد غالي قولولي بنات يكفي ولا لا

 

[1980nono]

نزين ما تعرفون مكان حلو ويصلح حق يهال ورخييص ؟؟؟

 

[إستبرق]

حبيبتي انا رحت لها شهر 10 انا وزوجي ورحنا لنكاوي وبننق وجنتنق وافوزا وكوالا وقعدنا فنادق 5 نجوم بس واحد 4 نجوم واشترينا وخمينا السوق كلفتنا 1800 فانتي احسبي وشوفي والله يسهل عليج