بلييز عرس اختي شهر 3 .. (( ساعدونا ))

[*الغــلآ*]

السلام عليكم

شلونكم يابنات شخباركم

ابي تفدونا عرس اختي شهر 3 و ماخيطنا ولا حجزنا صالون

شرايكم في اديبه المحبوب ..؟؟ يقولون حلو شغلها

و المكياج شرايكم بــ لمسة فن ؟؟

ساعدونا بليييز

​

 

[غمزه وإبتسامه]

اااااااااااااااب

 

[المـــــها]

بصراحه ماشفت شغل أديبه
و لمسة فن يجنن بس حسب الطلب و التسلريح قمة و الكريم يجنن

 

[غرور وايل]

اممممممم بصصصراحه ولا مره شفت شغل ادبيه

بسس المكيياج حلات العرروس يا حنان بسستكي او رشا شيك

اذا ع الببدله رووحي رشا شيك بدلاتهم قممه

والله يووووفقها ياارب

 

[البسمه العذبه]

رد : بلييز عرس اختي شهر 3 .. (( ساعدونا ))



شوفي بقولج حسب الي احنا سوينا والحمدالله طلع كل شي اوكيه
المكياج حنان دشتي ...........حياه مكياج
ابتسام تسريحات
بس بنبهج لشغله
بس تقولين ابتسام يحطون 45 علي طول احنا اول مره نسوي عندها ولما جت تسوي التسريحه بنت اختي شعرها طويل فطلبت عنقوس بس انتي تسوينه بالبيت او الخدامه وخذت 45 فهمتي علي
والمكياج العروس ثقلتها شوي الخطه ولا نفس الشي كلنا حياه اللهم العروس ادفعت اكثر دبلات وحنا دفعنا 65
اختي بنتها عروس الحين بس بالسعوديه قالت بقول للكوافيرات الي عندنا حفله ماراح اقول عروس فرق الاسعار العروس 3000 والعادي 300 موحرام ؟؟؟؟؟؟؟؟؟؟؟؟؟؟؟
مكياج وينغسل ؟؟؟؟؟؟؟؟؟
........................................................................................
الملابس كل خذا علي ذوقه شوفي رحنا الخبر فريناها فر وطلعنا ببدلتين بس وفعلا كانت مميزه روووعه والسعر احلا
انا وبدله اختي لحفلتها ثاني يوم خذيناها من المصممه عاليه العويهان بعد قلبي ماقصرت رووووعه ومريح التعامل معاها وتعطيج الي تبينه اما الاسعار فهي ارخص من غيرها بواجد
......................................................................................
الله يسر اموركم وتتجهزون للعرس عدل اذكركم بعدم الاسراف والحلا الوحده الي تحلي بدلتها ولاتنسين الابتسامه هي الي تحليج اكثر وهي صدقه ماراح تخسرين
مابي منج الا دعوه بظهر الغيب
الله يرزقني الجنه

 

[D@LoOoL]

أب



أب





أب







مـــــــوفــــــــــقــــــــيــــــــن يــــــــــــــااااااااااااااااااااااااارب

 

[عاشقة الكاكاو]

اديبا حلو شغلها بس في احلى

ولمسة فن مووو حلووو كلش

احلى شي حنان دشتي او بريدجت مرينا

 

[لشموخي روايه]

مرحبا حبوبتي
ماحبيت اطلع بدون ما أفيدج
بصراحه انا توني عروس افتكيت من هم العرس وافرارته
احسن شي بالثوب الابيض حق العروس عند زياد انطون بصراحه انا خذيت عنده بدلتي واختي بعدي خذت وبنت خالي (((( يعني شغله عجييييييييييييييب )
اما بالمكياج عندج كونتيناتل لوووووووول ماأعرف اكتبه ههههههه
اللي تسوي المكياج حلو عند هذا ^^^ الصالون ( إلا )
وانشالله ساعدج والله يعينكم على التعب
واي شي تبينه انا حاضر

 

[نوت مطير]

البستكي خطير عند امل

 

[رحيق الورد]

ما أدري شووفي بدل زياد انطوان أحلىى ..

ولمسة فن حلو مكياجهم بس تسريحاتهم عادية ..

شوفي رشا شيك ..

 

[رضا ربي غايتي]

اديبه المحبوب.....عندها نفانيف عرايس حلوين بس لج.....عادي شغلها معروفه للعرايس اكثر شئ

زياد انطوان شغله روعه.....اما الصالون لمسه فن شفت على بنات حلو وايد

 

[كيـف أسيـبكـ]

رد : بلييز عرس اختي شهر 3 .. (( ساعدونا ))

لمسة فن اووفر مو حلوو مكياجهم


اما اديبه امحبوب مراات اوكيه ومراات تخورها

يعني حظ تلقين مراات بدل حلووه ومرات بس وحده حلووه
ومراات ولا شيء >>> بالنسبه للعروس طبع

 

[بواسم]

الف مبروك عرسكم اذا تبين بدل زفاف انا عندي تشكيله من لندن وسبوت ايطاليا وتصاميم لبنان

شي راقي كله دانتيل وشوارافسكي وشي راقي ومميزات البدل تقدرين تضوقينها وتوسعينها

واذا تبين تستفسرين : 97573356 ام عبدالله


والمكياج احسن شي كونتنتال روعه

 

[q8yat girl]

رد : بلييز عرس اختي شهر 3 .. (( ساعدونا ))

حبيبتي انا بكون صريحه معاج

لمسة فن مكياجهم اوفر ويغطي عالملامح وبتطلع اختج جنها ساحره مع احترامي للي فيه

بس انا شايفه فوق 6 من لمسة فن يخررع والناس اذواق ع قولتهم بس الصراحه موضة الاوفر راحت والناس اللي يحبون الشي الناعم والبسيط

حتى العيايز قامو يدورون الناعم بالدراريع بعد لووووول

نصيحة اذا اختج حلوه وملامحها حلوه تسوي عند رشا شيك طبيعي عند منار ينننن بصراحه ورسمتها للحواجب موطبيعيه لا اله الا الله
حتى تخليج ناعمه وتغطي الشين اللي فيج وتبرز الزين ومهما حطت تقولين جنها ماحطيت شي بس تطلعج شي شي
ولاتاخذين الالوان الفاقعه او الوايد حطي درجات الرمادي على حمره حمره او ورديه خلج ناعمه وكلاسيك وبنفس الوقت ستايل وماشيه عالوقت هذا نصيحة افتكي من الاوفر حتى الريال مايحب المكياج الاوفر والخبه

بالنسبه للنفنوف مصممين وايد قصاتهم حلوه بس تبين الصج في خياطين هنود قصاتهم حلوه وعلى ذوقج يطلع حلو النفنوف لوووول

طبعا انتي ماراح تروحين لهندي بس اللي ابي اوصله ان الموضوع يعتمد على ذوقج واختيارج والمصممين المفروض تسالين عن القصه اذا قصتهم حلوه عالجسم او لا والباقي طبعا عليج لانج اكيد ماتبلبسين شي مايعجبج

واتمنى كفيت ووفيت وموفقه يارب والله يهنيكم وعقبالج

وادعيلي الله يسخر زوجي لي ويخلينا لبعض يارب