بليييز دخلو ضروري انقبلت بوزارة الصحه راايكم؟!

[q8 knosha]

السلام عليكم...

بناات بليييز لاتردوني بغيت مساعدتكم

امس وصلني مسج طلع اسمي بوزارة الصحه :eh_s(11):

كنت ما ابيه راضيه بأي شي الا الصحه

المهم انا ما ادري عن الوضع هناك ولا المكان شلون ولا الوظيفه ولا شييي

المهم كنت مومتقبله المكان من ذم البنات فيييه :eh_s(2):وكنت برفض بس ريلي قالي خل نروح نشوف المكان وين بالضبط تالي يصير خير


فحبيت استفسر عنه منكم

اماانه بنات ابي اللي متوظفه هناك مو سامعه لا تكون اهيا متوظفه وشايفه

شلون شغلهم؟؟؟

والدوام تعب وكراف؟؟؟

وجم معاشاتهم؟؟ "انا دبلوم اداره علدرجه الخامسه"

وعلى تحصصي تهقون وين بيحطوني؟؟

نااااااطرتكم لاتبخلون على:yaaaaaarb:





واذا برفض ياليت تعطوني الطريقه كاااامله شسوي و وين اروح لان ماعرف شي كلششش​

 

[mo0ohra]

أنا سمعت انها وظيفه حلوه وزينه

اب اب

 

[honey lust]

اذا بترفضين تروحين ديوان الخدمه نسيت وين بالضبط بس اول ما تدشين سأليهم وين مكان الرفض يدلونج

بس الله يعينج عالزحمه

 

[زين ودلال]

انا انقبلت فيها بعد وتخصصي نفسج

ومادري ولا شي عن الصحه

بس ماراح ارفض ان شاء الله

بتوكل على الله واروح والله يكتب اللي فيه الخير يارب

 

[çiçek]

والله اختي نصيحه رفضي الصحه
انا نزل اسمي بالصحه و الداخليه ورفضت
و الداخليه اشوي احسن من الصحه

قدمي عالاسكان , التأمينات , الثروه السمكيه , و النفط امس فاتحين باب التسجيل سجلي و شوفيلج واسطه مني مناك
قدمي على هالسايت www.kockw.com​

 

[أإلع ـشق دلع ـهـأإ]

اختي موظفه بالصحه ماعندها شغل ومرتاااحه كانت عند الكاتب وحولوها عند السكر تقول ماعندي شغل

وموظفه بمستوصف

ومعاشج ٧٠٠

 

[بعيوني الهلاكـ]

انا عندي بس ثانوية عامة وخليجية احصل وظيفة بالصحة؟

 

[q8 knosha]

زين بنات اذا رفضت يطول على ماينزل اسمي مره ثانيه؟

 

[q8 knosha]

والله اختي نصيحه رفضي الصحه
انا نزل اسمي بالصحه و الداخليه ورفضت
و الداخليه اشوي احسن من الصحه

قدمي عالاسكان , التأمينات , الثروه السمكيه , و النفط امس فاتحين باب التسجيل سجلي و شوفيلج واسطه مني مناك
قدمي على هالسايت www.kockw.com​

هوشوي علنفط بس ماكو شي

شسوي بعد واسطه ماكور

قدمت قبل

 

[infinity luv]

كنوووووشه انتي مثلي لول
انا دبلوم تخصص _ اداره
هاا ليكون كنتي معاي بالمعهد

المهم انا مثللللج امس دزولي اني انقبلت بالصحه

ولازم اروح وزاره الصحه خلال ال 15 يوم هذا


رفيجتي راحت لهم ... انا للحين متردده

قالت عطوها موعد ورا العيد حق المقابله


و اختها تشتغل بالصحه و شهادتها مثلنا دبلوم
و تقول الدوام مريح و معاشها 800 دينار و شي

و تشجعت و حاليا قاعده اسوي سيرج بالنت عن الدوام و جذي زين لقيتج لول

المهم اذا تبين شي كلميني خاص و اذا تبين البي بي بن حيااج

 

[q8 knosha]

لووول والله حتي انا سويت سيرج بس ماطلعت بنتيجه

اليوم رحت وقالي بندق عليج علمقابله

وقالي تقدرين ترفضين بعد المقابله اذا ماعجبج عادي

وقالي بعد المقابله نقولج وين بيحطونج وجم معاشج

 

[infinity luv]

باجر بروووح لهم انااا

عاد ابي اعرف يصير انا اختار مستوصف اب منطقتنا مااابي يقطوني اخر الدنيا و زحمه الشوارع من الصبحححح

و تتوقعين يفرق المعاش اذا اشتغلت اب مستشفى او مستوصف !

 

[q8 knosha]

والله ماعندي خبر

بس اذا علعنوان انا خذو عنواني وقال يجطونج على عنوان البيت

 

[tbola]

ستخيري

انا قبلوني ورفضه ونطرت وطلعولي اماكن احسن من صحه

 

[q8 knosha]

مشكوره حبيبتي

 

[infinity luv]

بنات ليش تذمون في وزارة الصحه ؟؟
شنو الي مو زين فيه ؟؟

 

[q8 knosha]

ايه والله انا ودي اعرف متحبطه من اللي يذمون فيها لول

 

[جذابه بنت ذيابه]

بالعكس بنات كل مكان فيه الشين و الزين
يمكن بس عشان بصمه و احيانا يكون ضغط عليهم


انا كنت بالصحه و الحين اقبلوني فيها الحمدالله
توكلو على الله .. وان شاء الله خير

 

[infinity luv]

الي فيه الخير ان شاءلله يصييييير

 

[سميرة العوضي]

انا موظفة فيها و صارلي سنه و حدي مرتاحة

مع ان ييه وقت و فصلت عليهم و قدمت نقل بس لسبب ان ابي اشتغل حسب شهادتي و قبلوا نقلي بنفس شهادتي بس بنفس المكان و حدي استانست

و الحمد الله مستمرة فيه

انا اشتغل بالوزارة نفسها

من ناحية شغل اي شغل

بس اقولج شغله اللي يذمون الوزارة لسبب واحد اكيد الكاست اللي معاه مو مرتاح معاهم و لا ننسى باي وزارة فيها الزين و الشين
انا من كثر ما ذموها فكرت ان ما اقبل
بس قلت خيرة من ربي اكيد ان انقبلت فيها
و طحت مع قروب الحمد الله كلنا خوان و خوات و متفاهمين مع بعض

اتوقع انتي يحطونج بالوزارة نفسها او المناطق

موفقة حبيبتي