بليييز يابنات الله يسعد قلوبكم .. أبي أسماء أفضل روايات إنجليزيه للأهمية القصوى

[بنت الشهري]

السلام عليكم ورحمة الله ..

إشلونكم حبيباتي دودات الكتب << الإسم عجيييب

طبعا أنا ماخذه كورس مناهج بحث .. أنا لغة إنجليزيه تخصصي ..

والدوكـ تبعنااا طلبت نعمل بحث طبعا بالإنجليش عن أي نوع من الأدب

فيكشن (novel_novella_short story)
أو بويتري

طبعا الدوكـ قالت مرااح أقبل أي نوفل تدرس في الديبارتمنت
أو من أديب معروف .. شيكسبير , تشارلز ديكنز ..أو حتى إميلي ديكنز

تبي شي إحنا نكتسفهـ .. ولازم يكون الثيم تبعه جدلي .. ماتبي شي وصفي .. تبي نناقش قضايا جدليه تكون موجوده بالعمل الأدبي ...

فالله يسعدكم ساعدوني .. أبي إللي قرت روايه حلوه أو بويم حلوه تعطيني إسمها مع سمري بسيط عنها..


قرقت عليكم كثيييييييير سامحوني .. ومشكوريييين حبيباتي سلفاً​

​

 

[C'est La Vie]

سوري حبيبتي ودي افيدج بس ماني فاهمة شنو المطلوب منج بالضبط؟

 

[بنت الشهري]

حبيبتي سولافي ..

أبي أي روايه طويله أوقصيره تكونين قريتيها من قبل وعجبتك .. يعني تكون حلوه وinterested
أبي إسمها والplot بشكل موجز جدا
يعني الحبكه ..
أو حتى بويم (قصيده ) تكون حلوه مو ضوعها حلو ..
بليز بنات المفروض أرسلها إيميل بإسم العمل إللي راح أبدأ فيه

im lost totally

 

[بنت الشهري]

مشاركة متكرره :eh_s(22):

 

[عمة فاتو]

حبيبتي انا قريت وايد روايات... بس انصحج رواية الخيميائي للمؤلف باولو كويليو The Alchemist Paulo Coelho ضغطي على الاسم ونزلي نسخة من الرواية

 

[بمبة المفترسة]

شوفي في مواضيع عن الروايات الانجليزية فيه واحد مثبت وفيه مواضيع قديمة البنات كتبوا عنهاا شوفي دوري عليهم بالقسم

 

[لامور]

قريت رواية
pride and prejudice
للكاتبة Jane Austin

رواية معروفة و في لها فيلم
عن قصة حب و قضية الطبقات الاجتماعية في القرن الثامن عشر في إنجلترا
الرواية باختصار شديد:

اليزابث من الطبقة الوسطى تقع و دارسي من الطبقة الغنية في حب بعض
في ذاك القرن المرأة تتزوج من طبقتها
و هنا يبدأ قصة الصراع ما بين حب و قضية الطبقة الاجتماعية
و لكن في النهاية ينتصر الحب

 

[C'est La Vie]

مممم اذا تبين قصة كلاسيك وطويلة عندج gone with the wind او jane eyre
اذا تبين قصة معاصرة ومتوسطة عندج روايات الكاتبة jodi picolt وايد فيها قضايا اجتماعية تقدرين تناقشينها
موفقة انشالله

 

[نيــلــوفــر]

حبوبة انا بعد تخصصي انجليزي ادب
و درسنا رواية اسمها
Eisther Waters
للكاتب
goerge moore

عن بنت فقيرة و الظروف اللي حدتها انها تنتقل بره قريتها عشان تشتغل و جم بيت انتقلت منه و لما حبت و حملت من حبيبها و اهوه تركها
قصة عن الطبقات الاجتماعيه و صراعها عشان تحافظ على ولدها و تضحياتها ودور الفلوس بتكوين حياتها
وايد حلوة القصة و جدلية جدا جدا جدا لانه انا بنفسي درست الروايةو تخيلي المحاضرة كانت حيل مشووقة كنا كل يوم نناقش احداثها حدث حدث و تصرفاتها تكون ساعات غير منطقية فاحنا نحاول ندور لها اسباب و اعذار و في اللي ينتقدها
بييه جني قرقت وايد

حبوبة ما اتوقع تلقين هالرواية بالنت بس سؤال انتي من الكويت ؟ لانه اقدر اعطيج الكتاب عندي اياه ليحين