بليييييييز دشو وفكولي (......)

[ريـووم]

السلام وعليكم ورحمةالله وبركاته

انا عندي مشكله ومضايقتني حيييييييييييييييييييييييييييييييييييل :eh_s(11):
ابي منكم نصايح حلوه تفكولي عقدتي اللي فيني

انا اذا سيرو علينا عماتي وحريم عماني اصير حياويه واستحي ومادري شيصير فيني
ولا سولفت وجهي يحمر وارتبك ولما اشوفهم شلون يخزوني لا شفوني حمرت ولا ارتبكت
اتضااايق خاصتن لاراحو وتذكرت هالشي اقعد اليوم كله متضايقه
اقووول ليش انا جذي حتى اليوم سيرنا ع عمتي وعندها مرت ولدها
وانا نفس الحاله مستحيه قعدت اسولف وانا طبعي ماحب احد يشوفني
المهم والكل يشوفني وانا قاعده اسولف حمرت ودموعي مغرقه بس ماابجي لوووول
بس جذي مغرقه الا اشوف مرت ولدها شلون تشوفني بتقول شفيها هذي حمرت
ارتبكت واستحييييت احس حيييييييل حيييييييييييل انحرجت وللحين اتذكر ومتضايقه
اللي ابيه منكم تنصحوني اني اشيل الحياء شوي اللي ماله داعي
بس لحظه بقولكم شي انا بيتنا عادي اضحك واسولف مع اهلي وخواتي واذا تجمعنا احنا وبنات عمتي هم بعد عادي
اضحك واسولف
بس اذا قعدت عند الحريم تكفون والله تعقدت مع اني احب الطلعات والجمعات

وبس ..

 

[ماريا ابنة الحي]

السالفه يبيلها تدرج شوي شوي بعدها راح يروح الخجل

 

[مارغريتا]

شوفي قعدي جدام المنظره وسولفي وسولفي لمن تشبعين وتدربي على كل السوالف الي بتقولينها
وتخيلي الموقف مع وحده وحده من اهلج
وكل ما حسيتي نفسج اوكي روحي جربي مع احد حتى لو مع اخوانج او خواتك
ولمن تقعدين رزي نفسج احس هالشي يساعد
وابدي بشلونكم , وبعدين اخبارج واذا تستحين من الخز انتي اقعدي خزيييي نفسج بالمنظره
وبعدين لا تخزين عند الناس ترا عيب ههه بس بعودج على ان احد يخزج ويسير شي طبيعي بالنسبه لج
وكل يوم جذي لمن تتعودييين
واي دربي نفسج قبل لا تطلعين على انج بتقولين سالفه وقوليها واذا استحيتي عند الناس روحي الحمام وظبطي نفسج
على سالفه معينه وردي قوليها وجذي لمن تعودين
ترا حتى وانتي قاعده مع الناس فكري بسالفه معينه وظبطي الحجي عدل وقولي السالفه

^_^
ادعيلي الله يوفقني بهالايام > ولاختي الله يعوضها > ولامي الله يشفيها
هههه العايله كلها تدرين بعد هالايام ماتتعوض

 

[اموله الامورة]

ريووم نفسي مااااأدررري لييييييييش مع إني أحب الجمعات وسوالف لما اكون عند خالاتي او مع رفيجاتي عاااااااادي الوضع بس مع عماتي وحريم عماني اسكت و مااسولف ,,

 

[ريـووم]

رد : رد: بليييييييز دشو وفكولي (......)

السالفه يبيلها تدرج شوي شوي بعدها راح يروح الخجل

مشكوره حبيبتي

اوكي بحاول

ويارب تكون ملجتج بشهر 10 ويسهل امرج ويحقق امنيتج يااااااارب

 

[كويتksa]

رد : بليييييييز دشو وفكولي (......)

حياتي
والله صرنا حريم وللحين نستحي
ماادري احس شي طبيعي
بيخف مع الايام
موفقة حبوبة

 

[ريـووم]

رد : رد: بليييييييز دشو وفكولي (......)

شوفي قعدي جدام المنظره وسولفي وسولفي لمن تشبعين وتدربي على كل السوالف الي بتقولينها
وتخيلي الموقف مع وحده وحده من اهلج
وكل ما حسيتي نفسج اوكي روحي جربي مع احد حتى لو مع اخوانج او خواتك
ولمن تقعدين رزي نفسج احس هالشي يساعد
وابدي بشلونكم , وبعدين اخبارج واذا تستحين من الخز انتي اقعدي خزيييي نفسج بالمنظره
وبعدين لا تخزين عند الناس ترا عيب ههه بس بعودج على ان احد يخزج ويسير شي طبيعي بالنسبه لج
وكل يوم جذي لمن تتعودييين
واي دربي نفسج قبل لا تطلعين على انج بتقولين سالفه وقوليها واذا استحيتي عند الناس روحي الحمام وظبطي نفسج
على سالفه معينه وردي قوليها وجذي لمن تعودين
ترا حتى وانتي قاعده مع الناس فكري بسالفه معينه وظبطي الحجي عدل وقولي السالفه

^_^
ادعيلي الله يوفقني بهالايام > ولاختي الله يعوضها > ولامي الله يشفيها
هههه العايله كلها تدرين بعد هالايام ماتتعوض

اخاف احد يطيح على ويقول شفيها انجنت لوووووووول

بس حلوه فكرتج وبحاول اسويهاا

مشكوره وماقصرتي

الله يوفقج ويعوض اختج ان شاءالله
ويشفي امج ويطول بعمرها ياااااااارب

 

[ريـووم]

رد : رد: بليييييييز دشو وفكولي (......)

ريووم نفسي مااااأدررري لييييييييش مع إني أحب الجمعات وسوالف لما اكون عند خالاتي او مع رفيجاتي عاااااااادي الوضع بس مع عماتي وحريم عماني اسكت و مااسولف ,,

هههههههههههههه نفس حالتي انا مع خالاتي عادي معاهم استانس معاهم اكثر من عماتي

مشكوره وماقصرتي فديتج

 

[ريـووم]

رد : بليييييييز دشو وفكولي (......)

حياتي
والله صرنا حريم وللحين نستحي
ماادري احس شي طبيعي
بيخف مع الايام
موفقة حبوبة

مشكوره وماقصرتي

 

[جوـآهر ..~]

رد : بليييييييز دشو وفكولي (......)

خيتو .. انا كنت شراااااااتج ، مع اي حد غريب ماعرف ارمس او اسولف و حتى عند يدوه و خالاتي عافانا الله ما كنت ارمس موللليه .. الا اذا سألوني سؤال اجاوبهم ع قد السؤال خخخخخخ



بس يوم سرت الجامعه ، و عرفت ان الجامعه غير عن المدرسه و يبالج تعتمدين ع نفسج و تتعرفين ع بنات يداد لانهم بنفس كلاسج ، تغيرت ..

تعالي شوفيني عند يدوه كيف اسولف و اقرقر ع راسها تقولين عيوز تتحرطم ..


بس اذا كنتي توج كتوته ف المدرسه او حتى ف الجامعه و بعدج ما تعرفين ترمسين بعطيج جم نصيحه من خيتج و اتمنى انج تستفيدين منها :

1- اول شي اذا بغيتي تسولفين .. ابدي بالاشياء العاديه ، مع الشخص الاقرب لسنج .. يعني شخباركم ؟؟ شو يديدكم ؟؟ شو فطوركم ؟؟؟ شو ناويين تسوون ع السحور ؟؟ >> بما ان ف رمضان هالسوالف تنفع // و بما ان العيد قرب ترومين تسألين اذا اشتروا و جهزوا ثياب العيد( لا تتحرين ان هذي لقافه لا انتي حسسيهم انج مب غريبه عنهم ) .. عقب تتوسعين ف هالموضوع اذا لقيتي فيه تجاوب ( يعني الشخص اللي يرمس وياج قام يجاوب عن اسئلتج ) .. قولي مثلا شريتي بدله ؟ شو لونها ..؟ من وين شريتها ؟؟( نصيحه لا تسألين عن السعر ) انا شريت جيه و جيه و من المكان الفلاني .. [سالفه ثانيه ].. مثلا في وحده بتعرس من قريباتج و انتو سرتوا لها .. قوليلها شو استعدادها للموضوع جهزت و لا بعدها .. تبا مساعده و لا لا .. ( بس لا تدشين ف التفاصيل المحظوره ) ..


2- يوم بتسولفين لا تصيرين رسميه وايد .. حسسيهم انج متعوده ع السوالف مع الثانيين .. و خلج مبتسمه دوم ، و اوقات الحريم يطرحون مواضيع معينه ، انتي اذا كان عندج وجهه نظر معينه او راي معين ف السالفه عادي قوليها ، و ذكري ليش وجهه نظرج جيه ..


3- انصحج تكونين مثقفه ( مع ان مب لاااااازم او ضروري ) .. يعني ع الاقل تقرين جرايد عسب تعرفين شو صار اليوم .. عسب لو ماشي سالفه ، انتي تطلعين سالفه من المواضيع اللي قريتيهم و تعطيهم المعلومات ..


4- فديتج اذا كان ف المكان حريم كبار ف السن .. ترا سوالفهم غير ، حتى رمستهم غيييير فانتبهي .. يعني لازم تسايرينهم ف سوالفهم و حتى ف لهجتهم عسب تقدرين تفهمينهم و تسولفين معاهم و يفهمونج ..


5- و سمعي هالنصيحه .. مثلا عندكم عزيمه ع الغدا و عزمتوا اعمامج و عماتج وحريم عيال عمج .. ع السفره ، حاولي يكون بينكم حوار لو بسيط .. مثلا تبين سلطه ؟؟ اييب لج ملح ؟؟ جربي تحطين الدقوس مع العيش راح يعيبج .. و مثلا تقولين رايج بشيء معين ، مثلا صراحه اليوم الطبخه حلوه و خصوصا عيبتني البهارات اللي ع الدياي شرايكم انتو شو اللي عيبكم؟؟.. يوم بتتقلون لاكل الحلويات .. اتغشمري معاهم قوليلهم لا تاكلون وايد عن تمتنون او يلا ماشي حلويات لازم تسوون ريجيم و هالرمسه لازم تكون بعدها ضحكه خفيفه عسب تبين انها غشمره ( بس لو في وحده من الموجودين دبدوبه ما انصحج تقولين هالعباره عن تجرحين مشاعرها ) .. مثلا بتاكلون فواكه .. تقوليلهم مثلا الموز افيد و لا البرتقال .. او تعطيهم وصفه معينه لاكله معينه ..


6- اخر نصيحه مني لج .. يوم تستقبلينهم .. ابتسامه عريضه ( يعني فرحانه بزيارتهم ) و لو من فتره ما زرتوهم قولي لهم اشتقنالكم و وحشتونا ، يوم بيروحون ، سلمي عليهم و قوليلهم ( ديرو بالكم ع روحكم او سامحونا ع القصور او قعدتكم ابد ما تنمل / اذا كان ف الليل .. تصبحون ع خير و ربي يحفظكم ) ..




آآسفه وايد وايد لو طولت عليكم و لكن ها اللي طلع وياي .. و اذا اي نقطه ما فهمتيها او تبا توضيح انا حااااضرهـ و اتمنى اني افدتج : )

 

[*احلام*الدجى*]

رد: رد : بليييييييز دشو وفكولي (......)

الحين انتي قاعده تسولفين ويانا حسيتي باحراج ؟؟؟

اذا قعدتي مع ناس سولفي وتخيليهم ما يشوفونج اخذي راحتج وصدقيني بتتعودين وخلج واثقه من روحج شناقصج انتي !! الانسان بشخصيته الحلوه مو بشكله ولا بمكانته راوي الناس شخصيتج وخليهم يقبلونج بالشكل اللي انتي فيه


ونصيييييييييييحه لي تكلمتي حطي عينج دااايركت بعين الشخص اللي تكلمينه راح تحسين بالتواصل و تندمجين بسرعه