بليييييييز ساااعدوووني اخااف تموووت

[7sasa]

قوووه بنااات...
انا توني مسجله وهذي اول مشااركه لي...بلييييز ساااعدوووني لا تخلووني فدييتكم
قولوولي ويين اودي قطوتي مريضه ماتاكل وما تمشي احسها بتمووت :0bee2e8d89:
صاارلها اياام وديتها الطبيب قال حرارتها مرتفعه وعطاها ابره بس ماصارت زيينه احس هالدكتور خرطي
بليييز دلووني ويين تودوون قطااوتكم لي مرضوا؟بليييز سااعدوني عشان اوديها باجر بلحق عليها:lkmnkl:​

 

[عود ومسك]

انتي وين وديتيها اي مستشفى ومتى وديتيها؟
والابره ما يبين مفعولها على طول يبيلها وقت يعني اذا وديتيها اليوم الصبح مفروض انها الحين تبدا تاكل شوي
يبيلها وقت

 

[7sasa]

رد : بليييييييز ساااعدوووني اخااف تموووت

اليوم ثاالث يووم بعد الابره..وكلت بس شوووي...
اخووي وداها البيطري اللي بالوفره لان ماا نعرف مستشفياات توهقت..
بس وااضح انها ليلحيين موو زيينه كلللش..لازم اوديها المستشفى بس ويين ماادل؟؟؟
ومشكوووووره حبيبتي عالرد

 

[عود ومسك]

بالعكس اللي بالوفره يهبل ومستشفى ممتاز حيل
اذا تبين تتطمنين باجر روحي مستشفى الدهماء اللي صوب سوق الحمام
وقوليلهم انها خذت ابره قبل ثلاث ايام ويمكن حرارتها نزلت بس عشان كانت تعبانه الايام اللي طافت فا مو قادره تاكل
انتي نوعيلها بالاكل وحطيلها ماي عشان لا يصير معاها جفاف من الصخونه وسلامات ان شاء الله

 

[7sasa]

رد : بليييييييز ساااعدوووني اخااف تموووت

بدوون مااتوصيين انوع الاكل
و كل اشوي اغير لها المااي اخااف يكوون صار حار لوووول
والله مادري عن مال الوفره بس اخوي قال مايعرف غيره..وباجر ان شاءالله
بوديها الدهماء بتطمن..والله يسلمج حبيبتي ومشكوووره

 

[ام نشمي]

اختي القطوة لي مرضت ماتاكل وكله خامله

طبعا مع العلاج تحطين شكر بالماي عشان يقويها شويييي


وووحاولي توكلينها غصب بطلي حلجها ولقميييها

وخليها بمكان دافييي وقولي حق الدكتور اذا في ادوويه تقدرين تعطينها بالبييت مضادات وجذييي عن طريق الفم وكملي علاجها ابر مضادات بالبيطري خمس ايام اعتقد ليمن تنزل الحراره

 

[7sasa]

رد : بليييييييز ساااعدوووني اخااف تموووت

مشكوووورين بناات صج صج فدتوووني..وان شاءالله الله يشفي قطيوتي لوووول ..ولا تمرض قطيواتكم والساامع يقوول اميين لووول<<فصلت من الوناااسه ..جزاكم الله خيير

 

[عازف الديم]

رد : بليييييييز ساااعدوووني اخااف تموووت

حبيبتي كم عمرها؟؟
اذا عالأكل أول اختبار اللي مايفشلمع أي بسه هو التونا!!!
روحي جيبي تونا حق أوادم مش للبساس وعطيها وانشاء الله تاكل و حبيبتي لا عمرك تغصبين بسه عالأكل صدقيني لو طيبه وجوعانه بتاكل ولو مريضه شوي بتاكل تونا ولو ما أكل طيريبها عالدكتور

 

[عود ومسك]

بشري شلون قطوتج الحين عسى طابت؟

 

[7sasa]

رد : بليييييييز ساااعدوووني اخااف تموووت

بناات حاالة قطوتي كل ماالها تسوووء حراره ترووح وترد والتهااب بالمعده وديتها كذا مره خذت ابر في بيت الحيواان..بس مااكو فاايده كلش مااتمشي ورجلها مقلووبه طالعه لي برا تسحبها وراها عبالي من الابره بس ظلت جذي مادري اشلوون تمشي عليها وصوتها يخرع وماتتحرك وييين اوديييها احسهاا بتمووت خلااااص..ابي احسن مستشفى؟
بلييييييييز سااعدووني

 

[7sasa]

رد : بليييييييز ساااعدوووني اخااف تموووت

وعمرها 6 او 7 شهوور...بناات تتوقعوون تمووت قاالولي القطو ماا يمو ت بسهووله صج؟؟بس اهي بيصير لها اسبوعين واهي مريضه!!
والله احاااااتي

 

[❤.مـزيـۈنـﮧ2.❤]

رد : بليييييييز ساااعدوووني اخااف تموووت

فديتج الله يقومها بالسلامة

رفع

 

[7sasa]

رد : بليييييييز ساااعدوووني اخااف تموووت

مشكوووره حبيبتي مزيونه والله يسمع منج

 

[ســـــكر]

الله يقومها بسلامه

 

[7sasa]

رد : بليييييييز ساااعدوووني اخااف تموووت

الله يسلمج حبيبتي ما تقصرين

 

[عود ومسك]

الله يهديييييييييييج بس شحقه موديتها بيت الحيوان..مع احترامي للبنت اللي قالتلج عن هالمستشفى
يختي هذا مستشفى داثر ما يعرف راسه من رجله
يا حياتي وديها الري انا قلتلج روحي المستشفيات اللي هناك وانتي خليتي هالمستشفيات ورحتي بيت الحيوان
والله زعلتيني
اسبوعين حراره والله ما اذكر انها صارت هم بالكثير من بعد الابره بثلاث ايام يصحصحون خلاص..
اذا انتي فاضيه روحي وديها الحين ما اعتقد يسكرون لان رمضان

 

[عود ومسك]

ورجلها شلون مقلوبه شلون صارت جذي الا منهم اكيد انهم ماسكينها حيل او ماسكينها غلط او معطينها ابره بمكان غلط
روحي ودي قطوتج لا تموت والله قطوتي لما تمرض اني انطر الصبح وافز من نومي عشان اوديها بعز الشمس والحر
لا تهملينها اكثر من جذي هذي روح وبرقبتج

 

[7sasa]

رد : بليييييييز ساااعدوووني اخااف تموووت

عود ومسك,,شسوي موو بكييفي اخوي الي ودااها الله يساامحه يقول بيت الحيوان قريب,,,
المشكله مو بالحرااره اهي راحت وردت..المشكله التهااب بالمعده..والدكتوور قال خلاص صارت زيينه لا تجيبونها..قهههر واهي حالتها تسوء..قااعده ادق على الري ما يردون..سالفة رجلها اشلون اقوولج تمشي وتسحبها وراها وصايره مقلووبه مو دايسه عليها صح ماادري شلوون..حتى انا شكييت بالابره اللي ذتها..والله قلبي متقطع علييها وكل ما اشوفها ابجي..تتوقعين تصير زيينه؟؟احسها بتموت الله يستر

 

[عود ومسك]

حبيبتي المفروض ما تدقين
انا قلتلج روحي من الساعه 9 ونص المفروض رايحه من غير ما تدقين عليهم
او عالاقل جان خليتي اخوج يوديها المستشفى الدولي
لا تسكتين على حالها وروحي باجر الصبح الري او روحي الدولي شوفي اللي اقرب لج
ترا الدولي زين ويفهمون حييل بالقطاوه
في دكتوره هناك نسيت اسمها ايطاليه شاطره وتفهم
بس قوليلهم عن حالتها كلها وانها خذت ابر من الدولي وخذت ابر من بيت الحيوان
ايه فهمت شلون رجلها تسحبها وتمشي على ايدها مو قادره تمشي على رجلها اكيد فيه شي غلط

 

[7sasa]

رد : بليييييييز ساااعدوووني اخااف تموووت

انا كلمت الدولي قاالت لي الدكاتره ما يستقبلون حالات بعد الساعه 8..والري ماادله وخفت اروح واطول على ما اوصل وما يستقبلون متأخر نفس الدولي...خلاص باجر الصبح بوديها..بس اكيد يكونون مبطلين الصبح ؟؟؟عاد مادري اي واحد اوديها احترت..عالعمووم مشكوره ما قصرتي