بليييييييييييز نخيتكم ياكويتيات

[مدام ماعندك أحد]

السلام عليكم والرحمه

كيف حالكم


طلبي بسيط تكفون ارشدوني

انا سعوديه منيتي ازور الكويت واللحين ابحاول بأبو الشباب انو ازوركم قريب

يعني قبل الصيف خلال هالشهرين

وبحكم انو اول مره ازورها واحتمال نجي بسياره

وبنجلس بالكثير 5 ايام

ابغى احسن اماكن ممكن ازورها

يعني الصبح وين اروح وبعد الظهر وبالليل

ياليت ماتطنشوني بليز وابي تفاعل ماابغى الموضوع ينحذف

 

[شقاوتي غير]

هلا ياحياتي حياج بتنورينا
طبعا انصحج بأكثر شي مشهور عندنا يعني الابراج والافنيوز و360 واهم شي المركز العلمي والكوت
وانشاء الله البنات بيفيدونج اكثر ​

 

[Tulips]

اول شي حياج الله حبيبتي وان شالله تنورين الكويت

هذا الموضوع فيه كل شي

http://www.q8yat.com/showthread.php?t=17745

 

[سري الدفين]

رد : بليييييييييييز نخيتكم ياكويتيات

حياج الله بالكويت
اليوم الأول روحي تريقي بمركز سلطان علي البحر (( عباره عن بوفيه ب4 دنانير تقريبا )) لذيذ وحلو , بعدين روحي المركز العلمي اخذي التذكره الشاملة بعدين ردي الفندق ارتاحي وبليل روحي ليوم بحار أو القهوه الشعبيه قعدات وأكل شعبي وسوالف .
اليوم الثاني روحي الصبح المارينا تمشي بعدين روحي للأبراج تغدي وعلي الساعه خمس المدينه الترفيهيه أو الشعب أو حولي بارك
اليوم الثالث الصبح الي العصر بالأفينيوز دشي سينما لان أحلي سينما بالأفينيوز وبليل سوق الديره
واذا تذكرت اماكن بعد برد لج