بلييييييييييييييز نوروني

[سنو - وايت]

السلام عليكم شلونكم كروشات وشلونكم مع الثقل الله يسهل علينا يااارب :yaaaaaarb:
بناات بليز ودي أسئلكم عن الولادة ؟ أبي أعرف أول ماأدش المستشفى شراح يسوون فيني ؟ ولما أدش الولادة شنو بيعطوني ؟ وهل راح يكونون معاي على طول مايخلوني؟ وبعدين لما أصحى من البنج يكونون منزليني غرفتي ولا لأ ؟ ولما تخلص الولادة عادي يدخلون أمي وزوجي؟ :bbbiu:

ومشكوووووورين بليز تفاعلوا معاي وأبي اللي ترد تقولنا تجربتها بالتفصيل خاصة ببجرها :eh_s(7):

 

[سنو - وايت]

للرفع

 

[FJ style]

بالخاص والا الحكومة؟

تجاربي بالخاص بدار الشفا
طبعا تفحصج الدكتورة وتشوف شكثر مفتوح الرحم وبعدين تكتب لج على دخول
اني يا تطلبين غرفة خاصه للولادة يدخلون معاج اللي تبين بحدود 4 اشخاص(حسابها غير)
او جناح الولادة وممنوع المرافق الا بالطلب

بعدها يودونج غرفه يجهزونج ويلبسونج لبس العمليات الاخضر ويحطون لج ابره شرجيه للاسهال تنظف البطن
وبعدين يودونج سرير الولادة
يركبون لج درب + جهاز تخطيط قلب الجنين على البطن وجهاز يراقب الطلق هم على بطنج)
اهني عاد تنطرين الطلوق تييج
تقدرين تطلبين ابره الظهر وهذي لازم قبل لا يشتد عليج الطلق

ويعطونج الكمام يمج
اذا يت الدكتورة تفحصج اخذي جم نسم منه عشان ما تحسين بالعوار
وممكن اذا طلقج بارد والماي ما انبط مال البيبي الدكتورة تفتحه لج بسهولة تلقين الماي تارس ريولج

عاد اهني انتي ونوعج
لييييييما يحما الطلق وهالله هالله بالكمام شفطيه عدل قبل لا تشتد عليج الطلقه وتنفسي عدل مو تضغطين على بطنج
دايما اخذي نفس عدل لا تنسين

طبعا اذا قربت الولادة انتي بعالم ثاني من ورا الكمام فيضطرون يشيلونه عنج
وبتطلب منج الدكتورة تشدين لي تحت جنج مرمة بالحمام بس حاولي تركزين ان الضغط يكون بالرحم
ومع تعليماتها بتقول لج وقفي دفع او دفعي حيل وووو
ليما سبحان الله احلى شعور لما يطلع ويطلع معاه الماي بتحسين براااااحه ولا كأنه في الم ابدا
بيحطون البيبي ع بطنج اخذي جم نظرة لان عقبها بيزيدون المخدر بالدرب عشان تنامين واهم يخيطون لج الجرح ويينظفونج ويطلعون المشيمة ووو
عقب ساعه تقريبا بتقعدج السستر ويغطونج ويطلونج لأهلج بره الجناح ويودونج غرفتج وسلاااامتج
الله يهون عليج

 

[ام الحلوااات]

اللــــــــه يـــهــــووون عــــلــــيــــج ســــهـــــاااالااااات ان شـــــــــآء اللــــه لا تـــحـــاتـــيــــن وااايــــــــد

 

[خوخة123]

FJ styie

كفت ووفت

نفس اللي كنت بقوله
بدار الشفا انا بعد

بس الحكومة ماادري

 

[شقرا كويتيه]

الله يسهل عليج

 

[سنو - وايت]

مشكورين عالردود يعطيج العافية أختي fj كفيتي ووفيتي

 

[سنو - وايت]

أنا بولد بالسلام إن شاالله عند دكتورتي نزهت

 

[سنو - وايت]

يلا بنات نبي تفاعلكم وينكم يابنات السلام

 

[أأأميرة الورد]

التساهيل من رب العالمين وكل ولاده لها ظروفها

 

[عروسة ريلها]

الله يسهل على كل الكروشات اميين يارب