بما ان هذا قسم العنايه ابي نصيحه بمصيبتي بسبة الشيقور

[ريـم25]

السلام عليكم ورحمة الله وبركاته

مشكلتي شعري كان يهبل كثييييف حيل وطويل يجنن كل ماتذكر احس ببجي تكفون لعب بعقلي الشيطان حبيت اغير بالون للكستنائي ليتني يومها لعنت بليس وربي يابنات رحت شريت شيقور وحطيته كله مع قفشتين نسكفيه وحطيته على شعري حسيت بنار بشعر تحرقني رحت اركض الحمام ماقدرت اتحمل الحراره ولا احط ايدي على راسي ولا نار براسي وسكت قلت يمكن عادي هذا الصبغ يوم غسلته وربي انصدمت شعري يحطيح خصل على متن مو شعر لا خصل كامه من الجذور للاطراف على طوله يطيح مايوقف لميت شعري وانا امشط يطيح هذا قبل سبوع ولحد الحين شعري يطيح بشكل يخوف مو بشكل طبيعي على خصل اه ياشعري قبل سبوع لينتني ارجع وربي ماحط الشيقور ياربي ابي حل حتى راسي يعورني بعدها واحسالشباصه ماتحملها على راسي شسوي تقفون ابي شي يوقف التساقط تكفون ساعدوني بنات اه وربي متضايقه الله يوفق الي تساعدني يارب

 

[Habooon]

واااااي حبيبتي لله يعينج بمصيبتج انا صار فيني جدي سويت هاي لايت اشقر و شعري قام يطلع بيدي , المهم سمعي انا بقولج اللي سويته وانشالله يظبط وياج لأن انا ظبط وياي و شعري رد نفس اول الحمدلله بس شوية فراغات من جدام و ابيه يطوول

اول شي صبغته بني غامج عقب شهر لون شعري الطبيعي , بعدين قصيته بس ما قصرته وايد قمت كل فتره اقص اطرافه لين راح كل الشعر الميت و بلشت حمامات زيت و خلطات و ما خليت شي ما حطيته على شعري بس السددددررر واااااااو و زيت املج بعد , شوفي قمت اخلط زيت املج مع زيت خروع مع زيت لوز مع زيت زيتون و احطهم على راسي و مافيها ريحه و انام و بس اقعد اغسل شعري بعدين احط خلطة السدر مع البصل والثوم و اهيه انج تييبين بصله و تقطعينها اربعه , و فصين ثوم و تقطعينهم من النص و تحطينهم بماي و تخلينه يغلي عقب تيبيين قفشتين سدر مطحون و تحطين شوووية زيت زيتون و زيت خروع بعدين تحطين فوقهم الماي و تخلينه على شعرج ساعه او اكثر شوي و لمن تتسبحين غسلي شعرج بشامبو الفيف من لوريال او اي شامبو يناسب شعرج و انا استخدم البلسم ماله مع الماسك المعالج مع السيروم مجموعه رااائعه انصحج فيها اللي لونها اصفر , و بعدين اسوي حمام زيت قصير بفاتيكا لأن السدر ينشف الشعر و تر الشعر يبيله اهتمام انا تقريبا كل اسبووع مرتين او 3 مرات اسوي جذي و الحمدلله شعري طال عن قبل و احس بكثافه حلووه و نعومه و حتى من جدام طلعلي بيبي هير واي حلاتهم انشالله يكبرون البيبيات لوووووول حتى لمن رحت الصالون حق عرس بنت خالتي تقولي مالت الصلون واي شعرج من داخل كله قاعد يطلع شعر يديد مشاللللهه

و هم في شغله كنت اسويها قبل و صج مفعوولها قوي كنت اييب ثومه و ابشرها و اييب اللي بشرته و امسكه بيدي و اعصره فوق زيت زيتون حسب طول الشعر , و احطه على شعري و اطول فيه اخليه طول اليوم عادي ليمن اخلص كل شي و قبل لا انام اتسبح و افرك فروة راسي بقهوة علشان تروح ريحة الثوم و صج من اول مره طلع شعر والله واايد حلووه

و الله يعينج يبيله صبر شوي ​

 

[عاشقة الدوحة]

مادري حبيبتي
الله يعينج وتلقين حل
روحي الطبيبة والله حالتج تخوف ...
بعدين استخدمي خلطات وسوالف ..

الله يفرج همج آمين

 

[brstej]

حبييييييييبتي ديييييييييييييرباااالج لا تحطين شي بشعرج ولاتلعبين

لا تجربين تحطين اي خلطه او دوا زيااده

عشان لا يزيد عليج التساقط

روووحي للجلديه على طوووووووووووووووول

 

[ريـم25]

ياحياتي تسلمون كل من رد علي بس تهقون يرجع مثل اول تهقون يوقف التساقط ابي شي طبيعي ممكن يوقف على الاقل شوي؟تكفون ساعددوني

 

[مزيونه وشقره]

ان شاءالله يرد طبيعي بس لازم تعالجين احسن روحي طبيب او صيدليه