بموت حررره وقهر

[كرزة لندن]

صباح الخير اخباركم ان شاء الله بخير بنات انا ماعاد اقدر انا احب واحد من قرايبي مررره
شخصيته محترمه وفيه رجوله وفزعه وحنون مرررره بس المشكله مايدري عني ولاهوى داري
وانا ماعمري حاكيته او كلمته او ارسلـــته جالسه ادعي ربي يكون من نصيبي ياعالم ابيه
واللي قاهرني زووود يدورن له على زوجه وكلما جاء يخطب رفضوه اخطب وحده بنت خالته تكون رفضته لانه قريب وهم مايحبون يتزوجوون قريب فالاخير قال الولد زوجوني اي احد قريب بعيد عااادي وهم يدورون له وانا ابيه وشاريته جد نفسيتي تعبت وبنفس الوقت ماقدر احكي واحرج عمري ماحب لان شخصيتي هاديه وثقيله سااااعدوووني وش اسوي ابي اقربه لي ؟؟ادعولي يالبنات يكون من نصيبي عاجلا غير اجلااا قلبي بيتقطع عليه الكل رفضه بس انا ابيه ......

 

[Vaniela]

ارسليله مسج و لا كلمي وحده من خواته ..او كلميه تلفون ولا تقولين انتي من وعقب فتره لحسيتي انج تبينه صج صارحيه انتي منو وبيخطبج وتوته توته انتهت الحدووته ..


ادري جرائه وايد بس انتي تبينه وهم يدورون له على عروس ومب شايفينج .. خليه اهو يشوفج ( ينتبه لج )

و الله يرزقج اياه اذا هو من نصيبج و فيه الخير لج ,,

 

[Al-RoRo77]

الله يكتبلج اللي فيه الخير وان شاء الله يكون من نصيبج
وبالنسبه لي ماأايد فكرة ان البنت تبادر وتصارح الريال انها معجبه فيه الأفضل من وجهة نظري ان اهوا يبادر !

 

[Tom ♥ Jerry]

،


ديري بآلج تطلع منج حبيبتي !
ترا الريال مآ يحب الوحده الي تقط نفسه عليه ديري بآلج
وبعدين آنتوآ آهل يعني مو حلوة ياخذ عنج فكره .،

آدعي الله يكون من نصيبج و بس
هاذا آلي بآيدج تسوينه .، و الله رآح يكتبلج الي فيه الخير لج
صدقيني محد ياخذ الا نصيبه
و على قولتهم " لو جريت جري الوحوش غير رزقك مآ تحوش "
يعني لو نصيبج رآح تاخذينه لا تدزين و لا تكلمينه و لا شي
فرضا كلمتيه بعدين طلع مو نصيبج
شتسوا عليج !!!!!

 

[قاهره عذالي]

مالج الا الدعاء

 

[Gatwa DaloO3a]

ترا لو انتي اللي بادرتي ، وفرضا تزوجك .... مارااح ينساها لك طول عمره، بيقعد يذكرك كيف انك انتي اللي جيتيه ... يعني ما تسسوى عليك ..

اما كيف توصلين له ،، اوصلي له بطريقه غير مباشره ،، مثلا سولفي مع خواته ، لمحي لخواته ان الولد ما ينعاب وليش البنات ترفضه.. ،، ( تلمحين لخواته مو له طبعا ) .. يمكن يفتحون عينهم عليك ويفكرون فيك زوجه لخوهم ..

 

[احساس السعوديه]

الله يكتب لك اللي فيه الخييير يارب
كثري من الدعاء وتاكدي اذا مااخذتيه فهو خير لك من رب لعباد
الله يوفقك ويرزقكك ماتتمنين يارب

 

[زوجة الوزير]

كلام قطوه دلوعه سلييييم

عالاقل لمحي لخواته لانها مو حلوه بحقك تعرضين نفسك ع رجال

والله يوفقك

 

[قلبي عبدالله]

ادعي انه يكون من نصيبك واكثري من الاستغفار بنية التوفيق

 

[Joy close]

كلام شمحوطه 100000%

 

[مجنونة حمو]

يارب يكون من نصيبك مالك الا الدعاء

 

[dantella]

الرياييل مايتقبلون لي الحين ان وحده تعرض عليهم الزواج لازلنا بمجتمع شرقي
بس ليش ماتحاولين تزورين امه خواته خل تتبطل عيونهم عليج

 

[فاطمه الهاجري]

اول شي الي له نصيب بياخذه ،،،،،،ثاني شي ادعي وصلي ان الله يكتبه من نصيبج ،،،،،،لثالث شي اهنيه نوصل حق الخطط الجهنمية ،،،لووووول شوفي حاولي تقربون من خواته وامه واهم شي امه على الاقل تكونين قدامها تحاولي دايما تكشخين كشخه ناعمه وتسوين حركات حلو وسلطات يعني عشان تعجبين الام وتقربين منها وتشوفين شنو الاشياء الي ماتعجبها في البنات والأشياء الي تعجبها وانتي افهمي باقي الخطه تعبت وانا اكتب،،،،،،، والله يحعلج من نصيبه قولي امين،،،

 

[ميمي..]

مع شمحوووطه

 

[بنوتة ذهبية]

ادعي انه يكون من نصيبك

وديري بالك تلمحين له والا تكلمينه

وأنا راح أدعيلك

 

[سمر^_^]

الله يجعلة من نصيبج يارب

بسس نصيحـــــــــــــة

نصيـــــــــــحة

نصيحـة

لاتبادرين انتي لانه راح يستحقرج صدقيني

لانه عاداتنا بتحكم عليينا


بس الله فوقج ادعي قد ماتقدرين

 

[اميره1980]

اول شي لازم تدعين و تطلبين من ربج يصير من نصيبج ربج ما يردج و ان شاء الله يكون خيره لج
ثاني شي وين عوابه الحريم ؟؟؟؟؟ ترا الريال جايج على طبق من ذهب و قاعد يدور على زوجه و البنات مو قابلين فيه يمكن الله معطيج فرصة انج تتقربين من اهله علشان يصير من نصيبج و تلزقي بامه و خواته بس بثقل و حضرري عروسهم و رقصي

بس بسالج على شغلة ليش كل البنات يردونه ؟؟؟ مو خايفة ان فيه شغلة انتي ما تعرفينها علشان جذي يردونه ؟؟ سالي عنه زين اول

 

[Reham 84]

ادعي كثير

واسألي خوااااااااته عنه وعن اخباره من غييير ماتقولين شي اكيد بيحسون
ويمكن يقولون قدامه فلانه دايما تسأل عنك !!

 

[نشيج الروح]

دزي لهم خوش طبخة .... يمكن يذوقها وتعجبينه من طباخج ....
أو إذا في وحدة من خواته مطيحة معاها الميانة صارحيها عادي وقولي لها لا تقول لأحد (((( طبعا تكونين واثقة فيها ))))
وإذا أهلج يتقبلون أنج تقولين أنا أبيه قولي لهم عاااااادي ... كلمي أمج أو أخوج أبوج أي أحد ....

 

[أم توتو]

الله يختار اللي في الخير والصالح