بموت قهر

[FOZQ8]

للحين يابنات ماجفت دموعنا على بابا جابر
للحين مانشفت الدموع اللي انهمرت على قبر بابا جابر
وأتفاجأ امس تلفزيون الكويت يرد يحط مسلسلات
امس الساعه 12 انتبهت وانصدمت
معقوله ؟
مافي احترم ؟
وين القرآن اللي كان ينقرا على روحه؟
اهما للحين يخحطون برامج عنه ويحطون دعاء العفاسي بس هل هذا كافي؟
شوفوا قناة العفاسي وجم قنات مثل المشكاة للحين حاطين قرآن وتلفزيونا المحلي يذيع مسلسلات
بموت قمر والله امس حسيت بإهانه
يعني الامارات والسعوديه والسوريا احسن منا؟
تلفزيوناتهم سوت حداد لمدة اربعين يوم
هذا الوفاء اللي ننطره من وزاره الاعلام؟
فهموني شالسالفه؟
وليش الكل ساكت
واليوم ابقق عيوني بالجرايد ابي احد يتكلم ماكو
حسبي الله عليهم
وحسبي الله على اللي صدر القرار سواء الوزير او غيره

 

[معلمه متميزه]

مشاركة: بموت قهر

حبيبتي ..

لا تخلين حزنج على الشيخ يعمي قلبج ..

شرعيا العزاء 3 ايام ما يجوز اكثر من جذي يعني اذا زاد عن3 ايام بدعه والحداد بعد هالثلاث ايام للارمله ياقلبي حتى العيال ما يحاددون وهو ابوهم هذا شرعنا يعني اذا واحد تزوج عقب الثلاث ايام ما عليه شي شرعيا بس احنا هني للذكرى ولان الموضوع توه يديد نطول اشهر على ما نبدي نسوي اي مناسبه وطبعا احنا ما نبي نبتدع اي شي مو شرعي لانا ما يجوز ومانبي الشيخ يتعذب بقبره بسبب بدع احنا نسويها مثل الي سوه الناس بعد وفاته الحريم راحو المقبره وماي ورد ينكت على القبر وورود يوزعونه على القبر شنو هالخرابيط والبدع ..

الحزن بالقلب وشيخنا بيظل على راسنى وماظن احد راح ينساه لاكن ما نخالف الشرع .. الرسول عليه الصلاة والسلام وهو اشرف خلق الله ما سوو له جذي ليش لانه مااااااا يجوووز ..

وللاسف هذا الي غايب عن وايد ناس .. نسو ان المره ملعونه اذا زارت القبر نسو ان النواح والصياح على الميت ما يجوز نسو هذا كله ..

الله يعين شيخنا وعسى الله يغفرله ويرحمه ويتجاوز عنه امين ..

 

[FOZQ8]

مشاركة: بموت قهر

اختي انا ماقول المفروض 40 يوم
بس اشمعنى 8 ايام
يعني مو 3 ايام
ولا اسبوع
8 ايام؟
موسالفت بدعه
لو بدعه ماكانت قناة العفاسي لليوم حاطين صورته وقرآن
الشغله شغله احترام
ليش ماسووها شهر؟
مستعيلين على مسلسلاتهم البايته؟

 

[FOZQ8]

مشاركة: بموت قهر

بعدين لا نسميه حداد
خل نقول وفاء لأبونا
آخ بس

 

[معلمه متميزه]

مشاركة: بموت قهر

لعفاسي اذا ماني غلطانه اساسا ليلحين ما فتحت اساسا ؟؟؟؟

حبيبتي اهو حداد مغير مسماه الى وفاء يعني شنو الاصل حداد 40 يوم .. يا قلبي شفتي شلون الواحد احيانا يلعب بالمسميات لتبرير موقف معين ..

سامحيني اذا كنت قاسيه شوي بس ابي اوضحلج شي يمكن غافل عنج ..

والوفاء للامير بقلبنا وباحترامنا لارضنا وقانونا ولاهل الكويت .. مو بحداد 40 يوم ويخلص ..

وتسلمين

 

[الغلاااااااكله]

مشاركة: بموت قهر

جابرنا مات مايبي منا غير الدعاء

يعلم الله اني لي اليوم ادعي له

وضايق صدري عليه

ويمكن لو اسمع تولي صباح او سعد للحكم ابجي

لاني مو متقبله احد بعد جابر

مع هذا كله نرضى في قضاء الله وقدره



وعادي يافوووز

هذي الدنيا .. محد يذكرج بعد الموت الا اللي يحبج صج

الناس بتلهى

وبتمشي الحياه مثل ماكانت

الله يعينا بس

لاتنسين مثل ماقالت غشيمه

حداد المسلم 3 ايام


وماعليج بالدول الثانيه


ان تطع اكثر من في الارض يضلوك عن سبيل الله

 

[مووونيك]

مشاركة: بموت قهر

ياااا بنات اتعوذوا من الشيطان
يعني اللي ماتوا من اهلنا مو اغلى منه.... بس الحياة تستمر وخلوا عنكم البدع!
لو بنحزن كنا حزنا على اهلنا اللي ماتوا... ولا على اغلى الناس المصطفى عليه الصلاة والسلام
الموت حق... هم السابقون ونحن اللاحقون... ولا حول ولاقوة الا بالله!

 

[miss-1]

مشاركة: بموت قهر

ما نقول الا الله يرحمه ويغفر الله

 

[عنابه]

مشاركة: بموت قهر

الله يرحمه ويغفر له كل اللي محتاج منا هو الدعاء .

 

[زيـنـه]

مشاركة: بموت قهر

اهما ردوا البرامج بس بدون اغاني و بدون كوميديا .. و عموما قاعدين يحطون برامج عن الشيج جابر الله يرحمه .. و قاعدين يحطون له دعاء بعد كل اذان و بين حزه و الثانيه .. و الاذاعه للحين ما ردوا برامجهم .
و العزا و الحداد 3 ايام من عهد الرسول صلى الله عليه و سلم ..
و اذا على قناة العفاسي اهي اساسا للقران و الادعيه .. فما فيها شي لو استمروا في دعائهم .
والناس ردت لافراحها و عروسها و استقبالاتهم و كل شي ..

عموما لا تنقهرين و لا شي .. الدنيا ماشيه .. فينا و بليانا .. و الحمدلله على كل حال .

 

[FOZQ8]

مشاركة: بموت قهر

مشكورين بنات عالتفاعل
انا كنت متضايقه
عموما تسلمون

 

[bambena]

مشاركة: بموت قهر

الله يرحمه الحزن بالقلب ولما اطالع تمثيليه ولا فيلم مومعناته اني نسيته ولا فرحانه بس خلاص لازم الحياه تمشي ولا تضايقين روحج

هم السابقون ونحن اللاحقون

 

[أوركيد]

مشاركة: بموت قهر

فوز حبيبتي ..لا تتضايقين يا قلبي ...

ابن آدم كلشي يبتدي عنده كبير ومع الوقت يصغر...والحزن يبتدي كبييييييييييير كبييييييييييير ومع الوقت يتلاشى وتبقى الذكرى والدعاء...

اقوى صدمة تمر عليج بحياتج ...بتتلاشى مع الوقت وتصير ذكرى ...

بس الخير واللي يحب ميته اهو اللي يتذكره بالدعاء ...

وصدقيني انه هالنسيان نعمة من رب العالمين على ابن آدم ..قلوبنا ما تتحمل

والله يرحم ابونا الغالي ...ويجمعنا معه في اعلى مراتب الجنة..