بناااااااااااات ضروري محتاجه مشورتكم

[R W 3 A]

السلام عليكم

بنات بالمختصر انا ماخذه ريلي عن حب وبس تزوجنا بينا مشاكل الدنيا كلهااا وكل شي صار بينا وبالاخير نرد لبعض واهو وايد عصبي وعلى ادناة الدون يعصب

مو هذا موضوعي

المهم قبل يومين تناجر معاي على موضوع تافهه وكالعاده انا اطوف واحاول الطف الجوو
وصرنا عادي يعني واحد يطفر الثاني بالنغزات لوول

قبل شوي طلع وطرشلي مسج احبج وانا طرشتله احبك جان يطرشلي والحل

جان اتنح ماعرفت شرد عليه اول مره اتوهق وطبعا مالي غيركم

هيلب مي بليييييييييييييييييز

 

[** محبوبه**]

قولي بيدك الحل قول يمين أصير باليمين قول شمال أصير بالشمال

 

[dectora 7elwa]

كتبيله
فوت لي وفوت لك
دنيتي ماتسوا بدونك ودنيتك ما تسوا بدوني
الله لايخلينا من بعض

 

[R W 3 A]

المشكله اني طيبه بس بنفس الوقت ما ابيه يسيطر علي هم انا احب يكون لي رايي بحياتنا

بس كلامج سليم ويريح مشكووووووووووووره ياقلبي

 

[R W 3 A]

وااااي فديتكم والله اي ابي هالحجي الحلوو

 

[q8_pearls]

الحياة الزوجيه لازم فيها زعل

والزعل ملح الحياة

افضل شي الحوار في وقت مناسب على نقاط الاختلاف عشان تمشي السفينه

الزعل مره مرتين بالسنه اوكي بس مو كل يومين وترك
كارثه

 

[اشتياق]

اي من هالحجي الحلو اللي قالوه البنات
الله يخليكم لبعض ويبعد عنكم المشاكل يارب
ورخي كثر ماتقدرين وهالله هالله بشعرة معاويه

 

[R W 3 A]

والله مشاكلنا وايد والمصيبه انها اسباب تافهه ونجرتنا صايره اسبوعيا اهو وايد عصبي وانا هااااديه واهو يشوف هدوئي يعصب اكثر واذا تناقشت معاه هم عصب لوووول

 

[R W 3 A]

اشتياق شنو شعرة معاويه ترى مافهمت لول

 

[كماشه]

الحل حبيبتي لاتخلين له مجال يعصب اذا شفتيه معصب على طول ضميه وقوليله من الكلام الحلو حبي مابيك تعصب اتضيق الدنيا علي اهم ما علي بالدنيا راحتك وانتي زيدي من الكلام الحلو الي عندج وتحداه يعصب بعد الكلام الحلو الرجل يضعف قدام الكلام الحلو وهذا الحل الوحيد للرجل العصبي والله يسخره لج

 

[يكفيني حنانك..]

الكلام الحلو ياااكثره
قولي الله لايحرمني منك الله يحفظك لعيووني بس لوتترك العصبيه مابي شي منك

 

[صمــت_ALsHfaaH]

الله يخليكم لبعض يارب ويبعد الشيطان وعيون الناس عنكم

واعجبني رد دكتوره حلاوه قوليه له

والله يسهل اموركم

ويفرجها علي

 

[Tulips]

قوليله هالمشاكل اللي نمر فيها عاديه ومرت على الكل

فلا تفقد الامل بزواجنا

وبننجح دامنا متعاونين مع بعض

والله يوفقكم

 

[FeShinGoOo]

الحل ان كل واحد فيكم يقدم تضحيات وتنازلات عشان الثاني

مو واحد يضحي وواحد يطالع ..

لازم اثنينكم تتعاهدون على التغيير والتطوير من حالكم

 

[R W 3 A]

فدددددددددددددددددديتكم كلكم

 

[المكسيكيه]

الله يعينج

 

[نفهمها صح]

رد : بناااااااااااات ضروري محتاجه مشورتكم

امشي علي موده اسبوع
وخليه يمشي علي مودج اسبوع
طريقتج يعني وطريقته كل واحد ينفذ الي يبغاه اسبووع
وشووفووو ولكل حدث حديث

 

[محرومة من الحب]

كتبيله
فوت لي وفوت لك
دنيتي ماتسوا بدونك ودنيتك ما تسوا بدوني
الله لايخلينا من بعض

حلـــــــــــو الكلام :rerrerek:

 

[زوجة عزيز]

رد : بناااااااااااات ضروري محتاجه مشورتكم

مافي حياة زوجيه بدون زعل الله يعينج ويهديه ويسخره لج ان شاء الله