بناااااااات شنو احسن ؟؟؟؟ وودج شنو تصيرين ؟؟؟؟

[نـعـومـه]

السلاك عليكم ورحمه الله وبركاته


















شلونكم بنااات

اليوم بدش بحوار عميق ودقيق نوعا ما وبدخل بموضوع فيه تخطيط للمستقبل

اللي اهوه طريقة المعيشة انتي وزوجج او شنو تخطيطج للمستقبل

اتوقع اغلب المتزوجين بدايه زواجهم قبل فتره البيت كل واحد يعيش بنمط معين

اللي اهوه

النمط الاول :

اللي اول اهتماماته بيت العمر ....

يمسكون نفسهم شوي ويخشون مبالغ وايمعوووووون ومايبذرون او يصرفون على اتفهه شي وماكو سفرات

يعني يمسكون الفلس وبالنهايه يشترون بيت العمر اللي اهيه قسيمه حلوووه وكبيره وبمنطقه حلووووه وبفتره زينه بين 7 و 10 سنين




النمط الثاني :

يسافرون كل سنه ويصرفون على كيفهم والفلس مايبقى عندهم اخر الشهر وبالنهايه يطلعلهم بيت حكومه عقب 15 سنه وبكل بساطه وتواضع والمنطقه تكون حظ مومنطقه معينه




شرايكم شنو احسن

لاتقولون الاثنين لانه صعبببببببببه الا على التجار شي ثاني

 

[سارووه الاموره]

النمط الثاني ..

لان الدنيا فانيا وماندري متى بيكون يومنا اونس نفسي واشري واستانس مع اهلي .. بالحلال طبعا واحمد ربي

شحقا اصير بوهبااش واخش فلووس ومااسااافر ..

تقبلي مروري حوبووو ..,

 

[دلع دلع ياحبيبي]

رد : بناااااااات شنو احسن ؟؟؟؟ وودج شنو تصيرين ؟؟؟؟

وعليكم السلام
الصراحه انا افضل الثانيه
بس ريلي صادمني يقولي مو كل سنه اسفرج
بس مو موضوعنا
المهم انا عن نفسي حابه يكون بيتي صغير وملموم يعني بيت حكومه خو بيوت الحكومه الحين تهبل شحلاتها
بي لما قلت حق خواتيي انصدمو قالو لا قسيمه احسن حتى زوجي يبي قسيمه
عموما احنا تونا في بداية حياتنا والايام جايه
الله يكتب اللي فيه الخير
قرقت وايد

 

[أغلى حبيبه]

رد : بناااااااات شنو احسن ؟؟؟؟ وودج شنو تصيرين ؟؟؟؟

الثاني

لانه ريلي ضددد القروووض مايحب ياخذ قرض كلش

وبما انه مايحب القروض شلون بنشتري بيت فحاطه فباله من اول شي ننطر القسيمه بعد 15 سنه

فـ عشان جذي اسافر واستانس واونس عيالي والحمدالله عايشين ومرتاحين

والحين يوم ضاقت علينا الشقه والعيال كبرو طلع لنا قسيمه

 

[DaShTeYa_Q8]

النوع الأول .. معني مو متزوجة
مو معناته إني أحرم نفسي و أقصر على عمري وما أشتري إلي بخاطري وما أسافر لأ !
أول شي مو نووعي أحب السفر وايد وبعدين إذا كل سنة سفرة تصير ليش ماتصير بسرعه تتدبر و أنا وياه أو على الأكثر يكون بيبي واحد
مايكلف شي ..

بعدين أنا مو خسرانه شي إذا معاشي خنقوول 800 و أهووه 800 أو 1000 .. نفتح حساب خاص و نخش كل شهر 150 انا معاه ..
ومع الشهور بتتعودين إنه معاشج يكون محدد و تأقلمين نفسج معاه وبالعكس لا مقصرة ولاشي وبالنهايه يطلع مبلغ حلو وما أقصر على نفسي
بالبيت والسكن أوسع لي وحق عيالي .. هذا لو مفكرة وايد يهال وبيت عايله ..

وبعدين أنا شفت أمي و أبووي بصراحة ماقصرو علينا ولا عليهم بـ ولاشي ماركات وأهم متزوجيين و إحنا يهال و أي شي نبيه يوصل
مع هذا إحنا مو عيال تجار و كل هذا من معاشهم معنه أمي مدرسة و أبووي بكلريوس عادي !
وكنا قبل كل سنة نسافر و أحلى السفرات ووايد أماكن بعد وكاه الحمدالله من الفلووس إلي يمعوووهم شرينا بيت ومانطرنا الحكووومة

سووري قرقت واايد بس هذااا رايي

 

[بنت مملكة البحرين]

النوع الثاني

 

[DooLy88]

الثاني

مع ان تو الناس علينا

بيت حكومة والا بيت يديد كله واحد

وانا قاعدة مع بيت اهل زوجي وان شالله بياخذون بيت يديد وعود فماتفرق معاي لانه كلهم 5اشخاص لوول الله يخليهم

والحمدلله على كل شي

 

[نـعـومـه]

رد : بناااااااات شنو احسن ؟؟؟؟ وودج شنو تصيرين ؟؟؟؟

تسلمووووووون على الردود

بس بعرف شي شلووون مانقدر نوفق بين الاثنين

نعيش حياتنا ماركات وسفر وقط فلوس وهم نشتري بيت !!!

احس لازم شي واحد

خصوصا بهالزمن الاراضي نااااااااااار

 

[انثى الكويت]

رد : بناااااااات شنو احسن ؟؟؟؟ وودج شنو تصيرين ؟؟؟؟

انا صراحه لا الثاني ولا الاول انا عندي الثالث


عندي اجمع الاثنين يعني شلون ايمع مبلغ لان حلمي مع ريلي يطلع لنا بيت ارض وقرض مو بيت حكومي جاهز وبنفس الوقت لازم اشوي ايمع لان احط فوق فلوس البنيان واقدر ابني شي حلو


سفر مو كل سنه كل سنتين ومرات ثلاث حسب الظروف ونسوي استقطاع من معاشي ومعاشه لو 100 دينار من كل واحد فينا وعلى قولتكم بعد 15 سنه جم بيطلع لنا حق بيتنا واقدر ايمع كل 3 سنين حق سفره حلوه


وسلامتكم

 

[فوفو22]

رد : بناااااااات شنو احسن ؟؟؟؟ وودج شنو تصيرين ؟؟؟؟

على قوله الكويتين قبل

البيت ستر الدنيا

والقبر ستر الآخره

قصة شراء بيت من اهم اولويات اي زوجين طبيعين بالتفكير

لانه بيوت الحكومه تصرف بعد 15 سنه على الاقل

وصعب العيشة بالايجارات طول هالفتره

اما السفر فمقدور عليه بأي وقت

وسط تنافس شركات الطيران بالاسعار اللي هو لصالحنا

فوفو

 

[~.ąvȍƈaȚ.~]

رد : بناااااااات شنو احسن ؟؟؟؟ وودج شنو تصيرين ؟؟؟؟

انا عندي فكرة

نيمع قولوا 150 حق البيت يطلع كل واحد ميمع 1800 كل سنة = 3600

و 50 حق السفر زين ... طبعا معاشات اغلب الكويتيين قريب الألف مع البدلات وجذي ( ما اقصد صافي ) يطلع 600 دينار من الريال و المره

هذي سعر التذكرة << على كيفها لووول و اكيد بيبقى من معاشهم يعني مو شرط يحسحسونه و يخلصون آخر دينار فيه و عاد وقت السفرة يصرفون من معاشهم و الا شي و في وايد عروض بالصيف مو شرط يروحولهم سفرة ام شهر اسبوعين تغيير جو حلوه
و بنص السنة يقدرون يسافرون العمرة ما راح تكلف وايد !!

المهم عاد ... مو شرط كل شهر لازم جنطة ماركة و الا جوتي و انتوا بكرامة لا حلاته يعني كل شهرين 3 خو الماركة تبقى و خصوصا اذا كانت كلاسيك !!

المهم بهالـ 3600 اللي يمعتهم بسنة ملوت البيت...اشتري فيهم اسهم مظمونة الربح من طقة زين وفي وايد شركات غيرها << مخها استثماري لوووول

لأن ارباحهم تعطي مبلغ حلو لو عندي السهم بدينار و عندي 4000 سهم مثلا بيطلعلي 4000 دينار يعني مو معقوله اقعد أيمع طول عمري خو الفلوس ما تييلي ركض و انا بمكاني !!! مو ؟!

مو شرط اشتري اسهم المهم استثمرهم و اكبر هالفلوس...
و بعدين بدال ما اوفر 150 من معاشي أوفر 100 و اشتري اسهم زيادة <<< شفيهاا
و لا تنسون البونص و المكافآت ترى همن تعطي مبالغ حلوه انا اشوف المبالغ هذي حق البيت لأنه ضروره اهم من السفرة و لو كل واحد يفكر جذي محد راح يحتاج

مهما كان الواحد يبي يأمن مستقبل عياله مو نصير أنانيين و نستانس و نشري حق نفسنا و ننسى عيالنا باجر لا سمح الله توفوا الام و الابو العيال من لهم عالاقل عندهم بيت يكملون حياتهم فيه !!


<<<<<<<<<<<<

ترى من حزب الطماشة

 

[*peace*]

احنا حاليا عايشين بالنمط الثاني

خلنا نستانس يامعوده وبعدين عقب ١٥ سنه نستلم بيتنا ان شاء الله ارض وقرض وخلاص بعد شنو

 

[نـعـومـه]

رد : بناااااااات شنو احسن ؟؟؟؟ وودج شنو تصيرين ؟؟؟؟

مشاءالله على افكاركم بنااااات

وخصوصا اللي من حزب الطماشه فديتج الله يرزقج زوج صالح

 

[نـعـومـه]

رد : بناااااااات شنو احسن ؟؟؟؟ وودج شنو تصيرين ؟؟؟؟

اااااب