بنااااااات شعررررري ......

[زهرةالكويت]

شلونكم بنات ديرتي انا ابي فزعتكم انا توني سجلت بالمنتدى
انا شعري من يوم اني صغيرة حلو بس لما كبرت وصرت بعاشر بدا شعري يتساقط ولما جيت 11 و12 صار يتساقط اكثر لدرجة اني لما امشط شعري او اتسبح اسحب شعري معاااي يطيح على طول شعري ومقدمة شعري الجلدة مالت الراس مبينه بس مو حيل وانا الحين جامعيه وشعري حيل صاير خفيف بعد ما كان يهبل >>> سويت فحص دم قلت يمكن انيميا طلع دمي فل >>> ماشالله علي >>من كثر ما اكل طماط>>>ههههههه
وسويت تحاليل هرمونات وغدة طلع ما فيني شئ
شنو السبب ما ادري وانا اغذي نفسي مو نقص تغذيه ...

>>>> طالبتكم يابنات ساعدوني عسالله يحقق كل اللي فبالكم

 

[منو انت]

والله ماادري بس يمكن انتي تستخدمين الاستشوار بكثره او تسوين شي وصار عليج عكسي

اوتحطين بلسم بشكل غلط لان البسلم ينحط على الاطراف مو الجذور


وان شاءالله البنات مايقصرون وعاد هالشعر مشكله الجميع

 

[omsalooom@hotma]

اختي بدام تحاليج تمام اخذي فيتامين بيورين ان. انصح فيه للتساقط وشامبو hair cur ومل اسبوع مرتين حطي زيت سوي خلطه اخذي زيوت عبدالصمد القرشي مطول والمقوي ومانع تساقط خلطيهم مع بعض وحطي فيهم كاس حلبه مطحونه وكاس مخلب وكاس عشبه الاس وخليه بالزيت لمده اسبوع وبعدين صفي الزيت من الاعشاب وحطي زيت الثوم كاس واستخدميه مرتين بالسبوع ثلاث ساعات بس استمري عل زيت وشامبو الفيتامين وراح تلقي نتيجه *

 

[قاهره عذالي]

اسباب تساقط الشعر:

فقر الدم

ضعف الدم وخاصه معدن الحديد والزنك

استعمال الاستشوار بكثره خاصه عند الخروج مباشره من الحمام لان مسامات فروة الراس تكون مفتوحه فحرارة الاستشوار تضعف جذر الشعره

بعض الشامبوهات الثقيله ويفضل تخفيف الشامبو بماء على ان يوضع مباشره على الشعر

عدم تسريح الشعر كل يوم فذلك يساعد على تحريك الدورة الدمويه في الراس

الصبغات والتمليس والحناء السوداء

الضغط النفسي والتفكير

سوء التغذيه


الحل ::

اذا كنتي تعانين من فقر الدم

استعملي قرص حديد وحبوب الزنك لها فوائد عظيمه للشعر مع تقليل المنبهات حتى يمتص الجسم هذه الفوئد من الحبوب

تخفيف الشامبو بماء ثم صبه على الراس اثناء الاستحمام

تجنب استعمال البلسم واستبداله بالزيوت الطبيعيه مثل زيت جوز الهند - زيت السمسم للشعر - زيت الزيتون - زيت الكثيره

تخفيف استعمال الاستشوار وخاصه ان كان الشعر رطب وتخفيف حرارته وجعل الشعر ينشف بروحه

يمكن استعمال حبوب لتقوية الشعر مثل هير فيت من الصيدليه

الاهتمام بالتغذيه السليمه

استعمال امبولات للشعر مثل امبولات الصبار من ايفا

الحناء في الشتاااااااء لا تستعمل ولكن في الصيف تفيد على ان يتبعها دهن الشعر باي زيت لانها تسبب الجفاف ولكنها جيده لفروة الراس

 

[زهرةالكويت]

مشكوووووووووووورييييييييين حبايبي ما قصرتوا

 

[لمى الهاجري]

امممم سمعي تروحين الحواي وتشترين الاتي حلبة مطحونة ريحتها خايسة بس تحمليها عشان شعرج وزيت الخروع وزيت اللوز روحي البيت خلطي الحلبة مع اي زيت وحيه بشعرج والايام الباقيه جيبي روب زيادي وخلطية مع اي زيت او حطيه بروحه براحتج وعندج شامبو ميتال الاندونسي لونه اصفر عليه كتابة انويسية تلاقينه عند العطار زين يخفف تساقط الشعر اليوم روحي الحواي واشتري هاي اساسسيات الشعر الصحي

 

[ابتسامتي عسل]

والله مدري شو اقول لج اخاف اقول خلطه والا شئ يطيح شعرك

استعملي الحناء مفيده لشعر

 

[كات 511]

غيري الحنفيه هذي نصيحه ذهبيه
شرايج بالقافيه ههههههههههههههههههه
والله والله صج انا شفت بعيوني ناس اعرفهم شعورهم وبشرتهم صارت خيال مركبينه للبيت كله يعني ماء الشرب والاستحمام تدرون ماينا ملوث وهو سبب الامراض والله المستعان ،بعدين ارقي نفسج دامج طبيعيه احتمال كبير عين الله يشافيج حبيبتي .

 

[أدريانا.]

جربي زيت الللوز

 

[الزين وايلى]

ابتعدي عن السشوار والصبغ وشعرك راح يصير اووووكي

 

[sakuralili]

جربي زيت اللوز الحلو + زيت الخس + زيت الجرجير

 

[s a b b o o s h]

لا تستخدمين اشيآء وآيد نصيحة عشآن ماتتعبين نفسيا


زيت زيتون ساعتين قبل لا تتسحبين وبسس


استشوريه متى مآبغيتي حبيبتي بسس حطي قبل حآمي من الحرآرة

 

[FuNtk]

يمكن عندج نقص فيتامين د

 

[زهرةالكويت]

مشكووووووورين حبايبي وما تقصرووون
انا عندي نقص بفيتامين د >>> بس هذا الفيتامين حق العظام ما اتوقع منه
وانا في خلطة قريتها من خبير اعشاب سعودي اسمه >>> رضا الشمري <<<
يقول اذا ما فيج فقر دم استخدمي هذي الخلطة لانها توخر التساقط وتكثف وتطول الشعر
ومكونات الخلطة :السنبلة و أكليل الجيل مع الهيل الحبشي تخلط مع بعضها بعد طنها ويوخذ منها ملعقتين وتنقع في كوب ماء دافئ لمدة ساعة ثم يوضع على الشعر لمدة ساعة يوم تستخدم ويوم لا.


وكل البنات يمدحونها بس انا ما جربتها
انا ما اعرف بالاعشاب ابي اسألكم الاعشاب الموجوده ضمن الخلطة زينه ولا لأ

 

[sha1234]

up.......................................up.