المولات
beverly hills mall
هذا بقلب لوس انجليس
century city mall
هم موجود بقلب لوس انجليس
south coast plaza
30 دقيقه جنوب لوس انجليس
الاماكن السياحيه
Hollywood Boulevard
هذا شارع النجوم والمطاعم والقز وتشوفين نجومهم اللي علي الارض بأسامي النجوم (قلب لوس انجليس)
Sunset Boulevar
هذا نفس الشانزلزيه فيه مطاعم وحلات راقيه وحلو للتمشي (قلب لوس انجليس)
Santa Monica Permonade
هذا يفضل الذهاب اليه بالمساء فيه استعراضات شخصيات ووناسه وكافيهات (10 دقائق عن قلب الحدث)
Disney land
غنيه عن التعريف
(نصف ساعه جنوب لوس انجليس)
Six Flags
هذا مدينه ملاهي للكبار فيها العاب وقطارات موت واشياء جذي تنشف الدم
(نصف ساعه شمال لوس انجليس)
Universal City Walk
مول مفتوح وتشترين منه تذاكر حق الينوفارسال ستوديو وتشوفين الاستوديهات اللي يصورون فيها الافلام القويه مالتهم وفيه هاردروك وكافيهات ومحلات حده يونس المكان (في قلب الحدث)
Rodeo Drive
هذا شارع ببفرلي هليز فيه جمييييييع محلات الماركات لاااااازم تمرينه حده قوي (في قلب لوس انجليس)
sea world
هذا في سان دييجو وتبعد ساعتين جنوب لوس انجليس (عروض الدلافين وعروض مائيه ممتعه والاكواريوم)
ولاس فيجاس ماراح تضيعين فيه بس روحي (las vegas strip) علي امتداد الشارع هذا كل شي بتشوفينه من الفنادق والكازينوهات والعروض الاستعراضيه كلها موجوده بالشارع هذا
واي استفسار انا حاضره وتروحين وتردين بألف سلامه يارب
