بناااااات نومي مو طبيعي ما اتوقع انه فيه احد سامع عنه

[سورت]

بنات تكفون ساعدوني نومي مو منتظم كلش يعني الفجر انام ساعتين او ثلاث و بعدين العصر انام ساعتين او اكثر و بالليل انام ساعتين او اكثر لمن انام7او8ساعات يعني شي غريب

 

[امـل لاينتهي]

حاولي تواصلين لليل حق ينتظم النوم وحق ماتييج النودة شغلي نفسج باي شي طلعي او روحي سوق حق ماتنامين وشربي جاي حمر وخضر وكوفي وكل شي لين تتعبين بالليل وحاولي تمشيين حق تتعبين وتييج نودة بليل

 

[الدنيا لحظه**]

سوي تحليل الغده قلبي

 

[ياحُبِي لِلكويت]

سوي تحليل غده وان شاءالله معافيه

 

[lonelya-w7danya]

ليكون فيج ارق !!

 

[جذابه بنت ذيابه]

ياقلبي واصلي يوم كامل وعدلي نومج وقبل النوم اشربي حليب كامل الدسم ..

 

[رتبه دبلوماسيه]

سوي تحليل غده

وانشالله مافيج الا العافيه حبيبتي

 

[granted]

صادتني هالحاله رمضان الي طاف والله اعتفست نفسيتي واحتست
اتوقع بسبة تغير نظام النوم اقطعي المنبهات البيبسي القهوه والجاي نهائياً ولاتفكرين وايد قبل النوم
ولاتعصبين خلال يومج خلج ريلاكس ترى ياثر وااايد

 

[ابي قطوة ميوووو]

اتوقع شئ طبيعي لانه عطله وماكو دوامات فاتعتفس النومه انا نفسج :/

 

[دلوعه هانم]

هم آنا بعد انام الفير واقعد مبجر عالثمان جذيه واشبع نوم

وهم انام قبل الفطور بشوي

 

[Zahra 93]

في حبوب زينه اسمها herbal sleep من الأعشاب أنا مجربتها بس ما راح تلاقينها في كل الصيدليات راح ادز لك رقم صيدليه توصيل ٢٢٦٢٦٧٦٤ جربي تأخذي حبه قبل النوم بساعه