بنااااات امريكاااا ... Come Here Plz

[فراولة^فوشيا]

هلا سيندرلا
اخوي بيدرس بزنس انشالله

حلو فندق هدسون ؟؟
وواشنطن شنو الفنادق ؟ يقولون في فندق غريب بس مادري شنو اسمه

من كلامكم شكلها واشنطن اونس من نيويورك

 

[PearL]

شلونج فراوله فوشيا

والله هم واشنطن مو رخيصه

انا حاليا بسبرنج فيلد ... التاكس مالهم اقل من واشنطن

وقت ما ابي اروح واشنطن رحنا بالسياره نصفط عند المحطه ونتنقل بالقطار

كل .. ولايه وضرايبها .. بس نيو يورك غاليه

 

[bnt q8 in usa]

واشنطن تهبل واذا بتروحون سكنوا بفندق ماريوت بشارع السفارات راقي وعوووووووووووووووود وعموما واشنطن عجبتني وايد

 

[فراولة^فوشيا]

قموووووووووشه شلووونج من زمان عنج

شنسوي وقع الاختيار على نيويورك
بس شوقتوني على واشنطن

اليوم بطلت خريطة امريكا وقعدت اتمقل فيها لوول
صح لاس فيغاس حيل بعيده مع كاليفورنيا
بس حتى واشنطن شكلها بعيده

 

[mrmr mrmora]

هلا فراوله

واشنطن تبعد عن نيويورك ساعه ونص تقريبا وإذا رحتي نيويورك لازم اتروحين الاوتلت وايد حلو وكبير وفيه كل الماركات وتروحين له بباص من منهاتن تقريبا ساعه بس يونس روحي من الصبح

 

[فراولة^فوشيا]

هلا مرموووره

ايه نزلت الGoogle earth وقعدت اتجول في نيويورك وواشنطن لوووووووول

وطلعت روشستر في نيويورك بس ويييييين فووووووووووووق بعيده على البحيره اللي فوق صوب تورينتو وقريبه يم شلالات نياجرا

مرموره قالت لي رفيجتي عن الأوت لت وسوهو بس الحين ابي فندق حلو وراقي وقريب من السنتر في نيويورك وواشنطن

انزين و بين نيويورك وواشنطن ساعه ونص بالطياره والا قطار والا سياره ؟؟؟

 

[بنت بلتيمور]

هلا مرموووره

ايه نزلت الGoogle earth وقعدت اتجول في نيويورك وواشنطن لوووووووول

وطلعت روشستر في نيويورك بس ويييييين فووووووووووووق بعيده على البحيره اللي فوق صوب تورينتو وقريبه يم شلالات نياجرا

مرموره قالت لي رفيجتي عن الأوت لت وسوهو بس الحين ابي فندق حلو وراقي وقريب من السنتر في نيويورك وواشنطن

انزين و بين نيويورك وواشنطن ساعه ونص بالطياره والا قطار والا سياره ؟؟؟

المسافه من واشنطن لوسط منهاتن 4 ساعات ونص و طبعا يعتمد على السواقه و اذا راح تتوقفين فى الاستراحات اللى على الطريق ... انشالله ينقبل اخوج فى البعثه و الله يعينه على برد روشستر تندفن من الثلوج فى الشهور الأولى من الشتاء ... أتوقع راح يدرس فى المعهد التقني روشستر تيك ... المدينه خاليه من الترفيه و عاديه جدا ...​

 

[وردة الجوري]

حبيبتى أنا ساكنة في روشستر بولاية منيسوتا الأقرب لنا شيكاغو تبعد عنا بالطياره ساعة ونص ونيويورك بعيده علينا تقريبا 4 ساعات ،،
بس مادري اذا فى منطقة ثانية اسمها روشستر بنيويورك:eh_s(6):

 

[بنت بلتيمور]

حبيبتى أنا ساكنة في روشستر بولاية منيسوتا الأقرب لنا شيكاغو تبعد عنا بالطياره ساعة ونص ونيويورك بعيده علينا تقريبا 4 ساعات ،،
بس مادري اذا فى منطقة ثانية اسمها روشستر بنيويورك:eh_s(6):

عزيزتي أسامي المدن مكرره فى معظم الولايات الأمريكيه ، عشان جذيه اذا قلتي اسم مدينه امريكيه لازم تذكرين اسم الولايه معاها .. ​

 

[فراولة^فوشيا]

هلا وردة الجوري و بنت بلتيمور مشكوووورين على المرور
اخوي انشالله في روشستر اللي في نيويورك بيدرس بيزنس اذا الله سهل
بس مادري هالمنطقه ينراح لها بسياره والا قطار والا طياره ،، وبشوف الفنادق اللي فيها اتوقع بنقعد فيها شوي

وواشنطن نروح لها بسياره عادي ؟ اذا 4 ساعات اتوقع زين

 

[شندوخه]

هالموضوع قدييم
شصار على اخوج؟
لان انتى من كلامج تقولين روشستر اللى صوب شلالات نياغرا هذي مو بنيويورك هذي بمنسوتا والديره حدها بارده بالشتا

 

[فراولة^فوشيا]

هلا والله بشندوخه

الحمدلله اخوي الحين دخل الجامعه الله يحفظه

في منطقة روشستر ،، وسمعنا في ثنتين روشستر بس اهو في نيويورك

شمال نيويورك تبعد عن السيتي 6 ساعات بالسياره وساعه (ماكملنا ساعه) بالطياره

وتبعد عن نياجرا ساعه ونص بالسياره ،، رحنا الشلالات عن طريقها وردينا بالليل

وهذي بعد يقولون حيل بارده وثلج مرات يستمر لما شهر 5
بس لما رحنالها شهر 8 كان الجو حلو
واخوي يقول لما الحين ما بدى البرد القوي عندهم

تسلمييين شندوووختي

 

[شندوخه]

بعد قلبي الله يسلمج
شكلها اهي المنطقه اللي اروحلها لان قريبه من شلالات نياغرا وصج بردهم موطبيعي
يسمونها منطقه الالف بحيره وفيها اكبر مول بامريكا وكندا مادري اذا مريتو عليه
النيه اروح بعد العيد اذا الله قسم اذا بخاطركم شي توصلونه لاخوج حاظرين الوالد موجود ومايقصر

 

[فراولة^فوشيا]

حبيييبتي والله كلج ذوووق

همممم والله فيها مجمعات بس كلهم نفس الديزاين لوووووول اذكر يومين ورا بعض رحنا مجمعين كل واحد غير ،، ثاني يوم لما دشينا والا نقول هه هذا نفس اللي دشيناه امس !!! ونطالع ياربي نفس الألوان ونفس الأرضيه ونفس القعدات حتى المحلات نفسهم ونفس ترتيبهم لوووووووول بس الاسم غير

حتى نقول حق السايق شسالفه يقوول اييه كلهم يمتلكهم نفس الشخص لول
بس في واحد كبير اسمه east view يمكن هذا قصدج
ويقولون بعد عن السوبرماركت wegman انها اكبر وحده وفازت بجائزة اكبر سوبرماركت !!

والله منطقه حليوه بس صخخخخخه كلش حدها هدوووء
وماجربنا بردها
واهيه تطل على البحيره الكبيره اللي هم تطل عليها تورينتو جهة كندا
ويمها بافلو تقريبا ربع ساعه

 

[شندوخه]

صج مادري عن السوبر ماركت
المنطقه اللي اقصد حدها صخه واغلبها شياب ليش انها منطقه طبيه اذا تعرفيه المايو كلينك ؟
لا انا اقصد مجمع ثاني كبير كبير فريناه ماخلصنا ربعه وداخله العاب وونيس والله اسمه مول اوف امريكا
بس مادري اذا في بحيره تطل على تورينتو بس المنطقه قريبه من كندا وفيها مطار دولي يبعد ساعه بالسياره تقريبا وفيها بحيرات وايد ماذكر اسمهم
بس واحنا رايحين للمطار نمر فوق شلالات نياغرا وناسه حدها
اي اذا تذكرين من جم شهر طاح جسر بامريكا ؟ هذي اهي الديره اللى اقصدها

 

[فراولة^فوشيا]

ايييي شوفي احنا قبل لا نسافر ناس من اهلنا قالوا لنا احنا تونا يايين من روشستر راحين علاج وقالوا منطقه طبيه وكلها منتجعات صحيه

بس طلعت غير مو اهيه !!

والله مادري شلون طريقتهم يسموون نفس الاسم بكل ولايه

بس هم هذي اللي في نيويورك عندهم كلية طب وايد كبيره ومشهوره

ومادري ماسمعت عن مول اوف اميركا ما اتوقع اهيه لأن اذكر مره لفيناها كلها وطلعنا بره حدودها بعد بساعه لوول وركبنا رحلة بالنهر عندهم canal على قولتهم كبير

 

[شندوخه]

اي صاجه يمكن تشابه اسماج
يالله المهم عسى الله يوفق اخوج ان شاء الله

 

[فراولة^فوشيا]

حبييبتي شندوووخه تسلمين لي على هالدعوه الحلوه

 

[بنت الحزن]

الله يوفقه يا رب

 

[فراولة^فوشيا]

بنت الحزن

ياقلبي والله تسلميين
مشكوووره فيج الخير

الله يوفق الجميع يارب