بنااااات بلييييييييز انقذوني

[واثقة الخطى**]

السلام عليكم...بنات انا والده صارلي 9 شهور....يعني ولدت وولدي الحين عمره تسع شهور....وطبعا هذا الطفل الثاني ....وبصراحه انا اعترف لما كنت نفاس كنت مستهتره حيل بالدويات واكل النفاس...لان دكتورتي بالجامعه(نداء الخميس)قالتلي ان الدويات واكل النفاس مايفيد الرحم ولاله شغل بتضييق المره من تحت...لان الدويات تمشي البطن ومالها علاقه بالرحم ...فأنا سمعت كلامها وطبقته...وانا ولدت عند دكتوره ماجده اليتامى والحمدلله خياطي كان زين ومرتب:::::بس يابناااات متضايقه من الافرازات اللي تنزل معاي حيل....وعزكم اللله افرازاتي ساعات تكون شفافه وساعات لأ تكون ثقييييييله حيل ولونها ابيض...اقصد ان ملمسها ثقيل حيل كأنها قطع لزجه....(سامحوني على التفصيل) بس والله محتاره هل هذا معناته اني خربانه؟؟؟؟

 

[اشتياق]

انتي تعرفين روحج بالنومه وتقررين خرابج من عدمه!

بس ان شاء الله مافيج الا الخير يارب

اتوقع التهابات يمكن!


اهتمي وقت الدوره ترى تعوض الاهمال

 

[ELFAD3Ah]

رد : بنااااات بلييييييييز انقذوني

كل دوره اهتمي بنفسج وراجعي دكتورتج يمكن التهابات وماتشوفين شر

 

[واثقة الخطى**]

لا الحمدلله سويت عند دكتوره ماجده مسحتين مهبليتين(يعني تحليلين للإلتهابات)وقالت نظيفه ومافيج التهابات...بس كنت وقتها يعني تقريبا قبل 6 اشهر عقب ماطلعت من الاربعين بشهر كان ظهري يعورني...وفحصتني الدكتوره وقالت فيج بداية قرحه في عنق الرحم وقالت علاجها بسيط ...وسوتلي كي كيميائي وبنفس الفتره كنت نظيفه ومافيني التهابات...بس مادري شنو سبب هالافرازات ؟؟هل طبيعي؟؟؟
لاني وانا بنت قبل لا أتزوج كانت تنزل معاي افرازات...وهذا شي طبيعي ...بس الحين الشي المختلف ...ان الافرازات زادت وتصير في بعض الاحيان ثقيله حيل ولونها ابيض على شكل قطع..

 

[سارووه الاموره]

انزين ليش ماتروحين تراجعين دكتورتج وتقولينها عن الافرازات ..

اتصحج بغسول المر والملح ..

 

[الجفول&]

رد : بنااااات بلييييييييز انقذوني

يمكن القرحه رجعتلج لان انا سمعت انها ترجع.

 

[dnyay_mll]

رد : بنااااات بلييييييييز انقذوني

سوي مره ثانيه مسحه

اعتقد التهابات

وجربي تحاميل دكتارين