بنااااات ساعدوني شسوي ويا شعري والله تاااالف حدددده :(

[Om_Ksha]

قووووه بنات اشلووونكم

مره رحت عرس و سويت تسريحه بسيطه و انا شعري خفيف و ناشف شوي .. المهم فتحت التسرييحه و كان شعري وايد متشابك و خشنننننننن منها :\ و من يومها في صوب بشعري تااالف مثل خششششششششن حييل والله لما اخلي خواتي يمسكونه يخترعون من كثر ما اهو يابس و يعلقون ليييش جذي صاير سياامه :jumpon:
تكفووون ابي مكان يعالج شعري يسولي خلطات يفردون شعري فييه و انا ترا احط حنه و استخدم حمامات زيت بالبيت عندي شكثر بس همن ما نفع و الحنه تنشف الشعر زياده بس ابي مكان ما يزيدون الطين بله و يخربونه زياده لان شعري خفيف والله :cxxxp:

ناطرتكم بنات بليز ساعدوني والللللله خشونه موو طبيعيه

 

[على النيه!]

نصيحه مني

روحي صالون الشرقيه اللي بخيطان وقصي اطراف من شعرج
واسئلي عندهم وحده اسمها حنان حبوبه ورح تنصحج بمنتجات زينه
واشتري من عندهم منتجات كرستس او لوريال على حسب انتي شنو حابه وفيه على حسب نوع شعرج( دهني جاف و بعد للشعر المصبوغ )
بصراحه وايد زينين

وبالاسبوع حطي زيت اللوز مرتين
وبعدي عن الاستشوار لفتره بسيطه

 

[Om_Ksha]

حبيبتي مشكووره و توني قاصه اطراف شعري بعد ماصارلي اسبوعين .. و الخشونه من قبلللل صارلي شهر اعاني :\ انا اروح الشرقيه اللي بالجابريه :\ تعرفين احد اهناك ؟ و مشكوره حبيبتي

 

[على النيه!]

لا ولله ماعرف لان الشرقيه اللي بالجابريه فرعهم يديد
لكن انا اروح الي بخيطان وقلت لج عنه
شي مضمون و انا مجربته
_
واذا خاربه خاربه السالفه سوي كيراتين وفكي عمرج يصير ناعم وفيه لمعه

 

[Om_Ksha]

لالالالالا يحوشج كيراتيين بروحه خفييييف :\ بنات ساعدونيي

 

[واقعية حـلـم !]

واي حبيبتي ما أدري شقولج

إن شاء الله تلقين حل

 

[Ga6waah83]

والله انا ما تعدل شعري الا على منتجات كادوس حدها عجيبه هالماركه وتعالج الشعر
صج اتنشف اشوي بس اتعالج وشعري وقف التساقط منه وقاعد يكثر مشالله

 

[al-musk]

شوفي قلبي بحطلج مراحل :

1. قصي شعرج وساوي الأطراف ووخري كل شي مقصف

2. يوميا بالليل قبل ماتنامين مشطي شعرج بفرشة عريضة من فوق ومن تحت واقلبي راسج وهم مشطي شعرج لمده ربع ساعة وحركي الدم براسج هو اول فترة بيطيح بس ميخالف..يطيح التالف ويتم الزين

3. لما تتسبحين لاتغسلين شعرج بماي نار خلي الماي فاتر حيل

4. الشامبو لاتحطينه على شعرج دايركت ..حطي الشامبو بقلاص فاضي وصبي فوقه ماي وخضيه وحطيه على شعرج..

5. 3 مرات بالأسبوع زيتي شعرج او حطي ماسكات مرة ماسك ومرة زيت ..أنا أستعمل زيت ال 3 خمسات بو نخلة بس احرصي ان مال أصغر علي مال البحرين مو الهندي سعره تقريبا 750 فلس..

والأهم الأهم الغذاء الصحي ووخري عن الجانك فووووووود والوجبات السريعة وممكن تاخذين فيتامينات للشعر تقويه...

 

[pure.soul]

نصيحة روحي حواي الفيحا و اخذي منه الخلطة العجيبة شنووو تسنع الشعر ..

بس هاا مو تحطينها ساعتين و تتسبحين صج اهما كاتبين على البطل جذي بس عن تجربة لما اطولين فيه جذي بو 5 او 6 ساعات يصير نااااااعم و مرتاح ..

ونفس الشي زيت النريل اخذي القوطي البنفسجي ما فيه ريحة و حطي الزيت على شعرج و نامي فيه و من باجر تسبحي .. صدقيني بتدعين لي

 

[Om_Ksha]

حبااااااايبي ماتقصروووون ان شاء الله بسوي اللي قلتولي علييه و الله كريييم

 

[krkooora]

اتوقع الميلك شيك يصلحلج
هذا تريتمينت يديد عند صالون لاليك شغلهم بـ عنايه الشعر يهبل صراحه

 

[Om_Ksha]

شنو الميلك شيك ؟؟ نفس الكيراتين ولا شنو ؟

 

[Om_Ksha]

شنو الميلك شيك ؟؟ نفس الكيراتين ولا شنو ؟

 

[Om_Ksha]

شنو الميلك شيك ؟؟ نفس الكيراتين ولا شنو ؟

 

[بنت الوفا]

نفس الحاله

 

[Om_Ksha]

اب
اب

 

[الملح زايد]

اب

اب

اب

 

[مروقه على الكوفي]

نفس الحاله

 

[أنا Top أنا]

هههههههههههه
الله يعين

حالتج عكس اسمك تماما

انا سمعت عن زيت بونخله البنفسجي بدون ريحه

 

[Un-6be3iya]

لا صالون ولا قالها الله
انا بعطيج طريقة والله بتدعيييلي عقبها
المايونيز مال الاكل ؟
خصوصـًـا هاينز لان دهني شوي ،،

تحطينه على شعرج اقل شي 4 ايام بالاسبوع واذا حابة اكثر من هالايام عادي بس المهم مو اقل من 4 ايام
خليه على شعرج من ساعتين وطآلع كل ماطولتي فيه كل ما كآن احسن ،،
بس وبعدهآ غسلي و شوفي شلون شعرج يصير طري و فوق هذا لمعة اتينن
بس عشان تبين نتايج اولية لازم تنطرين ع الاقل اسبوعين ،،
انا اقول فكري فيها عدل الطبيعي احسن و اضمن