بناااات اذا أمي ولدت شنو أعطيها؟؟؟

[عاشقة روحها]

هاااااي بنوتات شلونكم؟؟

بغيت أفكار منكم يعني أمي شهر أثنين راح تولد شنو أقدم لها هديه...
بليييييز بنات ساعدوني ضروري نبي أفكار حلوه....

باااااااااااااااااااااااااي....​

 

[supermarket]

يبيلها ساعة والا قطعة ناعمة ذهب والا الماس

 

[طماشه]

اخذيلهاااا طقم ملابس حق الياهل (( أخوج أو أختج )) ياحلااتهم والله

او طقم عطوراات

قميص ناعم

او اخذيلج كرتون حلو واشتري كل مستلزمات الياهل من شامبو وكريمات وبامبرز (( عزكم الله )) وبودر وليفه صغيرونه ومميات ومصاصات ومن هالسوالف وحطيها بطريقه حلوه وقدميه لهاا لما ترجع البيت بالسلامه بعد الولاده .....​

 

[عاشقة روحها]

اي بس اهيا تكون شاريه حق الياهل مخلصه اهيا أصلا من ألحين مجهزه...
بس أنا أبي شي حقها اهيا مو حق الياهل....​

 

[عرووووس الكون]

امممممممممممممممممم والله ماادري بس يمكن لو تعطينها فلووووووووس
او تشترين لها طقم عطووووور !!!!
والله ماادري افكر وارجع لج

 

[اعذريني يالهدايا]

انزين اهي جهزت حق الياهل ..
يمكن ما جهزت لها حق لنفاس

اخذيلها شغلات حق لمن ايوونكم الناس

شي يلبس مثلا
عطور
بخور حق بعد الارربعين
اكثر الامهات يحبون المواعين .. اشتريلها مطاطير واستكانات
امممم بس هالاشياء اللي طرت في بالي


انشالله البنات يفيدونج

 

[ياسميين]

الله يقومها لكم بالسلامه يا رب
وتشوفون النونو بصحه وسلامه
عشوقه استغلي فرصة معرض العطور واشتريلها طقم عطور فرنسيه او عربيه
​

 

[عاشقة روحها]

طريقتج أنتي يا يا سمين الكويت حلوه وهم باخذ أفكار من البنات....​

 

[سبائك]

عسى الله يقومها بالسلامه يارب

ليش ما تاخذين لها شغله حق البيبي(عندج سنتر بوينت كل شي فيه طبي وتخيري.....وانصحج بالسرير الي يتسفط تلقينه عندهم وايد مفيد)

واخذي شغله لها مثل خاتم ذهب.....أوكفر حلو حق سريرها.....أودهن عود وبخور حلوين

تم النقل للقسم المختص​

 

[عاشقة روحها]

عسى الله يقومها بالسلامه يارب

ليش ما تاخذين لها شغله حق البيبي(عندج سنتر بوينت كل شي فيه طبي وتخيري.....وانصحج بالسرير الي يتسفط تلقينه عندهم وايد مفيد)

واخذي شغله لها مثل خاتم ذهب.....أوكفر حلو حق سريرها.....أودهن عود وبخور حلوين

تم النقل للقسم المختص​

والله جنج تدرين أصلا أمي مجهزه حق الياهل من سنتر بوينت بس يعني مو كل الأغراض من هناك يعني خذت بس اهيا كانت قاعده تطقطق بالأغراض اللي شرتها...لووووووووول...
ومشكوووووووووره على الفكره​

...

 

[فرح2006]

الله يقومها بالسلامه

 

[عاشقة روحها]

آمين وما قصرتي....​

 

[ضحكة الدنيا]

انا من رايى انج تشترين خاتم ذهب او سواره او طقم عطورات
والله يقومها بالسلامه​

 

[عسولة الكويت]

الله يقومها بالسلامة ويخليها لكم يارب
اشتري لها مطاطير من فياصل أو الصقر واستكانات حلوة اكيد راح تستانس عليهم

 

[بنت الحزن]

1- اسوار و خامه
2- موبايل
3-تجهيز الطفل
4- جنطه ماركه

 

[أم جوري]

السلام عليكم ورحمة الله وبركاته

اشتري لها موبايل جديد ...
ساعة كشخة
مفرش فخم
لاب توب اذا تستخدم كمبيوتر
دراعة كشخة لطلعة الاربعين مثلا

 

[عاشقة روحها]

مشكورين وما تقصرون...​

 

[القطة البريئة]

هلا والله اشتريلها طقم بخور و عطورات يمكن يعجبها و انشاء تقوم بالسلامة

 

[غلا1عمري]

الله يقومها بالسلامة .....
مثل ماقالو البنات في اشياء واايد