بناااات كلية الهندسه و البترول <<<و لا ماكو مهندسات بالمنتدى :p

[آلآرجـُوآنْ]

قوة بنات
احتمال أكون مستجدة عندكم لو ما قبلوني رغبتي الأولى
بس حبيت أعرف شنو المواد اللي ياخذونها المستجدين أول كورس
واذا في لابات أنا ما ابي لابات الكورس الأول وما تدرون متى وقت اللابات قريت بالجدول انها من 3 ونص لي 6 وثلث الكورس الأول
بس لأني نظام موحد فما أفهم اذا اخذ اللابات ضروري الكورس الأول أو أقدر أأجلهم
وكم عدد المواد واذا في مواد اختيارية شنو تنصحوني آخذ
ومشكورين وأتمنى ألقى أحد يجاوب

هلا حبيبتي

شوفي لازم تاخذيين كالكلس a وفيزيا1 وكيميا1 وماده اختياريه تريحيين فيها ولاب فيزيا 1 احسن لج

شوفي الابات تبدي 2 وتخلص اربع مرات على حسب

ومره بالاسبوع اسبوع تسوون تجربه والاسبوع الثاني تكتبيين ريبورت وهكذا

وقوليلي اذا سجلتي عشان اقولج الدكاتره

وموفقه​

 

[د.ساره]

تسلمين و الله بس شنو كالكلس لا يكون تكامل واذا تكامل اهو مثل الثنوي ولا لأ
وشلون الدراسة سهلة
لأن عندي عقدة من الفيزيا :s
أما رياضيات وكيميا مو مشكلة
ويعطيج العافية

 

[آلآرجـُوآنْ]

ويه نسيت حبيبتي سجلي انقليزي 123 او كيميا عشان ماتنضغطيين عرفتي

كالكلس= رياضيات واهو نفس الثانويه عرفتي

واي استفسار انا جاهزه حبيبتي

 

[د.ساره]

أشكرج وماقصرتي يا الغالية

 

[Gears]

حبيت اضيف شغله بسيطه

انه الي تسجل لج ،، اهيا تعرف شنو تحطين ، يمكن بس تخيرج بس لاب ومقدمه هندسه ،، و لينير و مادة اختياريه

انا انصحج تاخذين لاب فيزيا او كيميا عشان تفتكين ،،

ولينير تخلينه كورس صيفي او ثاني لان حده سهل ووال a مضمون ،، فتاخذين تاريخ حضارة ، اعتقد العصفور منزل بالخالدية

وباول كورس لازم تجابلين الفيزيا لان يبيله والكال تقدرين تمشي فيه لودرستي عدل و طبعا الانجليزي سهل

والكيميا مايسجلونه حق المستجدين فراح تخلينه كورس ثاني

=)

 

[شمعة الكويت]

مبروووك حبيبتي

الحمدلله 18 ونص زينه بس شدي حيلح بالثاني والفاينل وان شااللهa

عند منو ماخذتها

عند عبدالواحد حمدي

 

[د.ساره]

بنات بليز أبي أحسن جدول للكورس الأول بما إني مستجدة
الحين اللي عرفته لما أسجل الجدول لازم يكون عندي
انجليزي123 كالكلسA فيزيا1 كيميا1 ومادة اختيارية وشنو تنصحوني أحسن مادة اختيارية ومضمون الA فيها غير تاريخ حضارة شفته عند اختي لاعت جبدي ..يصير آخذ أحياء علم بيولوجيا الإنسان أو مدخل لعلم الأحياء و الطبيعة
لاب أو مقدمة هندسة شنو تنصحون أكثر للمستجدين
Bad^ba5t
كيميا مو للمستجدين ؟؟ يعني ما آخذ وتكفين شنو المواد الأكيدة اللي لازم آخذها يعني شنو الجدول المثالي وعدد المواد
وشنو ال (لينير) ومتى آخذه
تكفين محتاجة المعلومات الكافية و الوافية

وآسفة عالطوااالة بس أتمنى يكون عندي أكبر قدر من المعلومات لأني ما أبي أضيع :S
وشكرا

 

[Gears]

الجدول الاكيد على قولتج

فيزيا 1

كالكلس A

انجلش 123

انا انصحج بتاريخ حضارة ، او اي مادة اختياري " اذا شاطرة بالعربي مهارات اتصال عند زكريا لاتطوفينها " وحضارة منزل العصفور وايد زين

+ لاب فيزيا ،،


سبب وضع هذا الجدول

مقدمه بالهندسه مادة جدا ماعليها وحدات مجرد pass --> وانتي لازم تاخذينها حق التخصص وتاخذينها كورس ثاني احسن من اول لان مافيها تعب فتخلصين من اللاب من اول شي احسنلج ،،

ثانيا انا اخترت لج الاختياري بدال اللينير " اللينير مادة رياضيات جبر " سهله حدها بس كونج سنه اولى راح تحسينها مو سهله وشوي لج عليها ،، بس انا مثلا كنت ماخذتها بالصيفي ،، ويبت A ، راح تكونين متعودة وفاهمة المواد حزتها ،، والاختياري يشجعج تحبين الكلية ليش انه سهل وحلو ،، وبنفس الوقت يوخر عنج تعب الكالكلس والفيزيا ،، اهما يمكن مو ذيك الصعوبه ،، بس عشان راح تحسين بتغيير شوي فماله داعي تكون فيه مادة رياضيات ثانية تثقل عليج

وربي يوفقج =)

 

[Gears]

والكيميا مايعطونها مستجدين كورس اول ،،

فتاخذينها كورس ثاني

اتوقع للحين هالنظام ساري

وحتا لو يعطونكم خشيها حق الكورس الثاني " معنه بعيييده يعطونكم "


اصلا عموما الي راح تسجل لج اهيا راح تقولج االجدول بس انتي تليقفي وقولي ابي لاب مابي مقدمه
وابي اختياري مابي لينير

 

[آلآرجـُوآنْ]

لا ترى الكيميا عادي للمستجديين وانا شايفه مستجدات كورس اول ماخذيين كيميا بس يمكن لانه تسجيلج بشهر 8 ماتلحقيين على الشعب بس اذا لقيتي كيميا نصيحه اخذي لان الكورس الثاني بهذله لان الكل بيتخصص ولازم ياخذ هالماده اذا لقيتي اخذي نصيحه من اخت

شوفي من يطلع قبولج قوليلي عشان اجيكلج على الدكاتره

وبالتوفيق حبيبتي يارب

 

[د.ساره]

الجدول الاكيد على قولتج

فيزيا 1

كالكلس A

انجلش 123

انا انصحج بتاريخ حضارة ، او اي مادة اختياري " اذا شاطرة بالعربي مهارات اتصال عند زكريا لاتطوفينها " وحضارة منزل العصفور وايد زين

+ لاب فيزيا ،،


سبب وضع هذا الجدول

مقدمه بالهندسه مادة جدا ماعليها وحدات مجرد pass --> وانتي لازم تاخذينها حق التخصص وتاخذينها كورس ثاني احسن من اول لان مافيها تعب فتخلصين من اللاب من اول شي احسنلج ،،

ثانيا انا اخترت لج الاختياري بدال اللينير " اللينير مادة رياضيات جبر " سهله حدها بس كونج سنه اولى راح تحسينها مو سهله وشوي لج عليها ،، بس انا مثلا كنت ماخذتها بالصيفي ،، ويبت A ، راح تكونين متعودة وفاهمة المواد حزتها ،، والاختياري يشجعج تحبين الكلية ليش انه سهل وحلو ،، وبنفس الوقت يوخر عنج تعب الكالكلس والفيزيا ،، اهما يمكن مو ذيك الصعوبه ،، بس عشان راح تحسين بتغيير شوي فماله داعي تكون فيه مادة رياضيات ثانية تثقل عليج

وربي يوفقج =)

صراحة حلو الجدول اللي سويتيه صح أفضل آخذ الاختياري أحسن من ال لينير واقتنعت بكلامج ...
أما اذا المقدمة بالهندسة ما عليها وحدات أفضل آخذها بدل اللاب .. عشان أتعود وما أخاف من أول فصل و الكيمياء أفضل الفصل الثاني عشان أول فصل ما يصير عندي ضغط وأنا مستجدة ولو أخذتها الفصل الثاني عالأقل أكون متعودة عالمواد وعلى نظام الجامعة وفاهمة طريقتهم ..وبجذي يكون جدولي إن شاء الله
انجلش123-فيزيا1 - كالكلس a-مقدمة بالهندسة- مادة اختيارية (ما أحب العربي :S - بدور اذا يصير أحياء أو تاريخ حضارة ) المقدمة بالهندسة بالعربي ولا الانجلش؟؟؟..انزين شلون نظامهم هالمواد يوميا علي؟ ومتى أطلع يعني في لي الساعة 4 او 5 ؟ وكم امتحان بالاسبوع أو بالشهر ؟

الفصل الثاني بخليه للكيميا و اللاب و اللينير عشان أحس جذي اني فاهمة وواعية..
مشكورين مشكورين مشكورين حيل حيل حيل حيل حيل حيل
و الله لولا الله ثم أنتم جان أنا الحين ضااايعة
والله أدري أسئلتي ما تخلص :$

 

[د.ساره]

لا ترى الكيميا عادي للمستجديين وانا شايفه مستجدات كورس اول ماخذيين كيميا بس يمكن لانه تسجيلج بشهر 8 ماتلحقيين على الشعب بس اذا لقيتي كيميا نصيحه اخذي لان الكورس الثاني بهذله لان الكل بيتخصص ولازم ياخذ هالماده اذا لقيتي اخذي نصيحه من اخت

شوفي من يطلع قبولج قوليلي عشان اجيكلج على الدكاتره

وبالتوفيق حبيبتي يارب

امممم
أنا صراحة أفضل اذا يصير آخذها مو الكورس الأول اخليها الكورس الثاني عشان خبرج أول سنة وخوف وحوسة والمواد بالانجليزي وأول مرة
وإن شاء الله ألحق عالمادة الكورس الثاني
بس أشكرج و الله على النصيحة وماقصرتي يا الغالية

 

[Gears]

اممم مادري بس يمكن انتي 2008 الصمت الحنون ،، فيمكن كان يسير

احنا على دفعتنا كان مايعطون مستجدين كيميا 1



والله كشخوا بعد قاموا يعطون كيميا

 

[د.ساره]

فووووووووووق

 

[شمعة الكويت]

بناااات شرايكم بجدولي

مقدمة بالهندسة ماجد الديحاني

دفرنشل امينة الزيدان

كالكلس سي مازن بوخزام

رسم هندسي جاسم بارون

ومحتارة اخذ سي بلس بلس عند خالد الصقعبي ولا يصير علي ضغط

وآخذ بس لاب كيميا بدالها ؟!

 

[Gears]

خالد الصقعبي احسن واحد اذا حصلتي عنده لاتطوفين ،،

شنو تخصصج ؟ الرسم أهم من السي بلس بلس ؟

واممم وشسمه لاب الكيميا اسهل لاب الa مضموووونه

 

[Gears]

سوري توني اشوف مقدمه بالهندسه

قصدي شنو ناوية تتخصصين ؟

 

[~ miss NERD ~]

بنات الميكانيك حبايبي ابي اسألكم اذا تخرجتوا وين تشتغلووون؟؟

 

[شمعة الكويت]

سوري توني اشوف مقدمه بالهندسه

قصدي شنو ناوية تتخصصين ؟

انا تخصصت صناعي

اقصد مقدمة بالهندسة الصناعيه


جدولي يصير ضغط ولا عادي

؟

 

[Gears]

اخذي سي بلس بس لاتاخذين دفرنشال ،،


موضغط عادي

بس لاتاخذين دفرنشيال كالكولس سي لان ضغط وامتحاناتهم تكون قريبه
ولاتنسين عندج رسم كل اسبوع هوم وورك شوي طويل ، والصقعبي لازم لازم لازم دورة عند بوحصوة ولا ماتمشين لان مايشرح اهوا معتمد على بوحصوة

فيعني انا اقول لاتاخذين دفرنشال ،، اخذي بداله سي بلس بلس اسهل واحسنلج

انا خذيت كالكولس سي بروح ودفرنشيال بروح وقريدي كان حلو الي خذوه مع بعض تضايقوا
واخذي لا بالكيميا بعد حده مايبيله شي
=) و good luck