بنااات تاسع ولي يرحم والديكم ساعدوني باجر امتحان رياضيات :( وانا مو فاهمة

[امراة اريام]

:eh_s(2):هاااي
بنات
انا تاسع وباجر امتحاني وخاصية التعدي مو داشة راسي :eh_s(10):
وعندي اخت كله تصرخ ماني قادرة افهم منها:eh_s(2):

ولي يعافيكم ساعدوني عطوني طريقة اعرف فيها :eh_s(2):

 

[queen angel]

اب لعيووونج حبيبتي

 

[امراة اريام]

رد : بنااات تاسع ولي يرحم والديكم ساعدوني باجر امتحان رياضيات وانا مو فاهمة

مشكورة
اب
الله يخليكم بنات ساعدوني

 

[حرم لوردفلدموت]

رد : بنااات تاسع ولي يرحم والديكم ساعدوني باجر امتحان رياضيات وانا مو فاهمة

للاسف مااعرف
اب

 

[( نورة )]

حبيبتي أنا بعد باجر عندي امتحاان رياضيات ..
وكذا بنية مستصعبين خاصية التعدي ..
أنا قدرت أستوعبها بعدين بس ما أقدر أشرحها ..
انتي بأي مدرسة ؟؟

 

[JBRNI AL-W8T]

عاد اسهل شي هذا
شوفي توا طلعت دفتري عشانج


المجموعة = { 1 , 2 , 3 , 4 }
{ (2,1) , (3,2) , (3,1) }

شوفي بالتعدي لازم تجيكين على قوس قوس < مادري شسمه المهم اللي بالاقواس

الحين نمشي بالدور .. اول شي نبلش بهذا (2,1) اللي بالصادي 2 مو
يعني لازم تدورين من الاقواس الثانية رقم 2 بس لازم يكون بالسيني !!
يعني (2,1) , (3,2) ... الحين تشيلين 2 من القوسين راح يعطيج (3,1)
(3,1) موجود بالمجموعة اللي معطينج اياها يعني شنو ؟؟
انا اقولج يعني ع علاقة متعدية

وهذا الحل
ع علاقة متعدية لأن (أ,ب) ..حطي علامة ينتمي .. ع , ( ب,ج) ..علامة ينتمي .. ع فإن (أ,ج) ع لكل أ ب ج ..علامة ينتمي.. س




وشوفي هذي اسهل شي واهي تصير حق كل العلاقات فمرحيتج

{ (1,1) , (2,2) , (3,3) , (4,4) }
هذي حتى جوابها قصير وسهل
ع علاقة متعدية لعدم وجود ما ينفي شرط التعدي




ترا حده سهل بس يبيله تركيز شوي ولا تحلين بسرعة بالامتحان حلي على راحتج وامشي على واحد واحد وانشالله اتييبين درجة كاملة

 

[M!s$ GoOnA]

رد : بنااات تاسع ولي يرحم والديكم ساعدوني باجر امتحان رياضيات وانا مو فاهمة

شوفي خاصية التعدي

اهوا شنو اذا تبين تعرفين اذا اهيا تعدي او لأ شوفي > مثلا :

{(4،2)،(3،7)،(9،8)،(5،5)}
او
{(4،3)}

او
{(7،7)،(3،3)،(5،5)،(1،1)}

ويقولونلج هذيل تعدي ولا لأ

طبعا تقولين اي لـــــــــــيــــــــــــــــــش !!!

عشان ماكو ولا رقم باي زوج من الازواج المرتبه مثل الزوج الثاني ( يعني كل قوس داخله رقم هالرقم مو موجود كللش بالاقواس الثانيه )
واذا قالولج ما السبب تقولين : لعدم وجود شرط ينفي التعدي


والحاله الثانيه

{(8،4)،(4،8)،(2،9)،(9،2)،(4،4)،(8،8)،(9،9)،(2،2)}
هذي تعدي ولا لأ ؟؟

طبعا (( اي ))
لــــــــــــــيـــــــــــــش ؟؟؟

عشاان رقم 4 بالزوج (8،4)،(4،8) اول شي موجود بالطرف الاول والثانيه موجود بالطرف الثاني ونفس الشي رقم 8 وهاااا اذا كانو موجودين جذي بعد لازم تكون في ازواج مرتبه باعداد مكرره لهذي الازواج مثل ( 8،8) و (4،4 ) لــيش ؟ __( لان لو غطينا رقم 8 بالازواج المرتبه اللي مساعه راح يقى لنا رقمين 4 فعشان جذي لازم يكون في (4،4) ونفس الشي الـ8 )__

واذا قالولج اذكري السبب تقولين : اذا كان (أ،ب)<وتحطين علامة ينتمي الى > ع ، (ب،جـ) <وتحطين علامة ينتمي الى> ع ، إذاً (أ،جـ) < وتحطين علامة ينتمي الى> ع


اما الحاله اللي ماتكون فيها تعدي :

{(9،3)،(3،3)،(3،9)،(4،7)}

هذي مو تعدي لان ماكو (9،9)

فاذا قالوا ما السبب : تقولين ((( لان (3،9) ينتمي الى ( طبعا تحطين العلامه ) ع ، (3،9) ينتمي الى ع ، ولكن (9،9) لا ينتمي الى ع


ودمـــــــــــــــــــــــتـــــــــــــــــم سآآآآآآآآآآآآآآآآآآآآآآآآآآآآآآآلمــــــــــيـــــــــــــــــــــــــــــن


اتمنى اكون فدتج وانشالله كنت لج خووش ابله


الا تعالي انا اصلح اكون ابله بهالشرح ؟؟؟؟

 

[~خطر~]

والله احنا ابلتنا .... ما اقدر اقول كلمه
ولا فاهمين ولاااااااااااااشي من المنهج كله

الله يعين الجميع

 

[JBRNI AL-W8T]

بنااات اذا مو فاهمين شي روحوا كلموا رئيسة القسم تغير لكم الابلة او قولوا حق اي احد يفهمكم المهم انكم تكونون فاهمين كل شي
رياضيات تاسع وايد سهل يعني تضمنون درجاته ان جابلتو وركزتو بالحصة
فمن الحين قبل لا نبلش امتحانات الفترة الاولى تصرفوا


وترا احلى منهج رياضيات مر علي منهج تااااااسع كلللللله على بعضه حلووو