بنااات خاصرتي...... بموووووووووووووووت :"""(

[HASB_83]

السلام عليكم بنات

على طول بدش بالموضوع

امس العصر او قبل المغرب بشوي بدت على خاصرتي اليمين تعورني شوييية وشوي شوي على ماقااامت تذذذذذذذذذذذبح


احس جنهم مقطعه والله ماقدرت اناااام

قمت خذيت بندوول ومرقدووش حسيت شوييييييييييييييه طخت وقدرت اتحمل الالم وانام جم ساعه بس ليلحيييين تذبحني مادري شسوي


والله امشي وعاكفه ظهري وحاطه ايدي عليهاااا




انا اقول يمكن هواا لان لما خذيت المرقدوش شويه خفت بس شلوون يطلع الهوااا كله وارتااح

 

[ام هزاع]

لا تسكتين على نفسج روحي الطبيب يمكن في سبب ثاني الله لا يقول .


سلامتج الف سلامه


وطمنينا عليج

 

[HASB_83]

حبيبتي شيطوونه مشكووورة الله يسلمج
تخيلي قمت وداومت انا الحين بالدواام
احس جنه فيها سجانين تعورني


احس اليسار شويه بعد تنقزني

 

[HASB_83]

بناات ترااا ناطرتكم

ماني قادره اتحملللللللللللللل

وااايد تعورني والحين مشت لما الخاصره الثااانية
مومشتهيه اشرب او اكل شي

انا بالدواام منفسه عليهم

 

[ناديه]

سلامتج وماتشوفين شر
احسن علاج حق الكلى الماي قعدي طول اليوم بس شربي ماي هذا الحل الوحيد
وسلامتج الف سلامه

 

[ريمه الكويت]

لازم تروحين الطبيب يمكن فيج التهابات بعطونج مظاد حيوي انتي اللحين شربي ماي وايد بس لازم طبيب

 

[HASB_83]

مشكورين ريمه ونادية كاني طلبت مااي بشررب
والله جبدي منسده مو مشتهيه شي
احس سجانين بخواصري وبطني

 

[أم منصور]

شوفي جنها اعراض حصوة مرارة روحي سوي سونار تتاكدين من عدم وجود حصوة

واذا كنتي تعبانه حيل اغلي بقدونس وشربي مايه بمقدار شدتين او نعناع ممتاز لمثل هذه الحخالات

والطبيب مهم اول ما تروحين المستوصف وتقولين له جهتي اليمين يحولج سونار


ما تشوفين شر

 

[Dancing^Queen]

Hasb_83

روحي الطبيب سوي تحليل يمكن فيج التهاب تكرمين بالبول
تحسين بحرقه وقت البول اعزج الله؟

وترا حبيبتي انتي توج متزوجه عادي يصير فيج التهاب احسن روحي طبيب والعلاج بسيط بلا هالالم والنطره راح تزيد عليج الوضع
روحي طوارئ مستشفي السلام وفكي عمرج

 

[HASB_83]

حبيبتي ام منصوور ان شاءالله ارووح البيت اسوي اللي قلتي عنه باذن الله


كويين اي انا قبل فتره ياني التهاب بالبول عزكم الله ورحت عالجت الحمدلله صرت واااااااااايد احسن بس هم فييه مرات عره يعورني
الحين عادي اتحمله بس هالعواار بخواصريي يقتل

الله يعيني الحين عندي اجتماع مادري شلون بجابلهم

 

[HASB_83]

رحت دار الشفا عطوني الحبوب الحمر والفوار الاخضر وحبوب مكمل غذائي لما رحت حق الالتهااب

 

[Dancing^Queen]

الفوار تصير علبته خضرا حشيشيه
في جويسات خضر معزله كل واحد تحطينه علي قلاص ماي؟

اذا هذا ترا وايد زين ينقي مجري البول تكرمين وايد وايد زين جربته عقب مايبت بنتي صار فيني التهاب شديد حيل حيل
واوصيج تشربين ماي قد ماتقدرين
الله يشافيج

 

[HASB_83]

ايي كوين هذاا اهوااا ماشاءالله واايد زيين حتى خلصت علبة وشريت وحده ثانية بس لما خفيت قطعته
الظاهر بردله مره ثااانية

بعد قلبي مشكووووورة

 

[lolo.q8]

ana b3ad kan y9eer feeni chethi .. galoli feeni eltehab o 36ooni m'9aad
o gali 3lajech el maai . 9rt ashrab akthar mn 12 gla9 bl yoom .. o b3d ma 5theet el m'9ad
9rt zeena . o hadeet el maai bs rdat t3wrni mara thania knt amot mn el 3war . r7t mara thania galoli mafech
shy bs hatha n89 mai o swa2el o kther ma tgdren shrby mai

fa enty b3ad nfs eshy . shry maai waaaaaaaayed o ra7 t9eer zeena enshala . l2na el mai a7san shy

 

[روقاء]

حبيبتي الماي وما أدراك ما الماي أنا الاسبوع الي طاف حاشني هالعوار وشربت أكثر من لترين ماي وتدهنت بفكس وصكرت التكييف ونمت بالحر حتي صرت ستيك ههههههههههه بس والله الحمدلله الماي الماي والله يشفيج.

 

[HASB_83]

ana b3ad kan y9eer feeni chethi .. galoli feeni eltehab o 36ooni m'9aad
o gali 3lajech el maai . 9rt ashrab akthar mn 12 gla9 bl yoom .. o b3d ma 5theet el m'9ad
9rt zeena . o hadeet el maai bs rdat t3wrni mara thania knt amot mn el 3war . r7t mara thania galoli mafech
shy bs hatha n89 mai o swa2el o kther ma tgdren shrby mai

fa enty b3ad nfs eshy . shry maai waaaaaaaayed o ra7 t9eer zeena enshala . l2na el mai a7san shy

اي لولو انا ودي اشرب ماااي بس احس جبدي منسده من اي شي

ليلحين ماكليت ولا شي وما شربت الا قلاص مااي احس ما اقدر
استغفر الله حتى بالصلاة وانا اركع واسجد يذذذذذذبح

حبيبتي الماي وما أدراك ما الماي أنا الاسبوع الي طاف حاشني هالعوار وشربت أكثر من لترين ماي وتدهنت بفكس وصكرت التكييف ونمت بالحر حتي صرت ستيك ههههههههههه بس والله الحمدلله الماي الماي والله يشفيج.

حبيبتي مشكورة ماقصرتي والله ماني قادره ابلع او اكل شي
ماني قادره اتحرك من العوار بس اي حركه

اليوم الصبح بالباركينق اصعد المطبات والله اصارخ بالسياره بروحي :0bee2e8d89:




تهقوون السفن اب زيين؟؟؟