بنااات محتاجتكم ... رمضان قرب

[glby7sas]

السلام عليكم ورحمة الله وبركاته
بناات ارمضان قرب ادري بتقولولي ويعني
بس انا قررت اني اسوي عملية اطفال الانابيب في رمضان ان شاءالله لسببين
الاول : اني قبل سويت العمليه والدوام ماحسبولي ياها انه طبيه من مستشفى خذو من رصيد طبياتي وعديت ال15 يوم واخرتها اطريت اني احول طبياتي الى اجازاه ,, وانا الحين خذيت اجازه برمضان ففرصه عشان لا يسوون فيني هالحركه مره ثانيه:rgewrg:
ثاني سبب: لانه ارمضان شهر الخير والدعوه فيه مستجابه فيارب ربي يستجيب دعوتي ويتحقق حلمي ويقولولي حامل:yaaaaaarb:

فاللي بغيته منكم بنات اولا شي والاهم انكم تدعولي
بعدين استفسارات بسيطه

- اشلون طريقه العمليه برمضان تصير صبح وله ليل ؟
- اهم يعطوني تحاميل تثبيت هل هذي تبطل الصيام وله لا؟
-اشلون طريقه الحبوب عادي اخذهم بعد ما افطر؟
- انا قررت هالمره اسويها عند ماجده اليتامى بصراحه وله مره حتى راجعت عندها وله شفتها حتى فهل تنصحوني فيها انا المشكله من زوجي عدد الحيوانات بعد علاج سنتين يالله وصلو 7 مليون والحمدالله فهل تنصحوني فيها ؟ وله عندكم مكان ثاني احسن ؟؟؟
وبس بنات الله يخليكم ردو عليي محتاجتكم

 

[مسك أبيض]

ماعندي فكره صراحة بس حبيت ادعيلك بالحمل السليم عاجلا غير آجل وانا وكل من تتمنى .

 

[M!SS.LOBY]

الله يكون بعونج

 

[glby7sas]

حبيبتي مسك ابيض امييييييييييييييييييييييين يارب العالمين وعسى الله يرزقج ويرزق كل البنات بالذريه الصالحه يارب

ميس حبيبتي امين يارب ويكون بعون الجميع يااارب

 

[عسل حدي]

رب لا تذرني فردا وانت خير الوارثين

 

[glby7sas]

عسل حدي اللهم اميين اجمعين ياارب
الله يثبت اجنتج يااارب ويرزقج بالذريه الصالحه

 

[بنفسجيه_Q8]

حبيبتي ماعندي فكره بس حبيت ادعيلج الله يرزق بالحمل التؤام السليم المعافى عاجل غير اجل ويرزق كل محروم اللهم اميين

 

[om_ibrahim]

- اشلون طريقه العمليه برمضان تصير صبح وله ليل ؟

- اهم يعطوني تحاميل تثبيت هل هذي تبطل الصيام وله لا؟

-اشلون طريقه الحبوب عادي اخذهم بعد ما افطر؟

- انا قررت هالمره اسويها عند ماجده اليتامى بصراحه وله مره حتى راجعت عندها وله شفتها حتى فهل تنصحوني فيها انا المشكله من زوجي عدد الحيوانات بعد علاج سنتين يالله وصلو 7 مليون والحمدالله فهل تنصحوني فيها ؟ وله عندكم مكان ثاني احسن ؟؟؟

1-ما عندي فكره الصراحة ولا مره جربت اسويها برمضان بس سئلي الدكتوره واهي تقولج أحسن

*-افضل شئ تسئلين مشايخه بهالموضوع ما احب أفتي وعسى الله يتقبل صيامج وصيامنا

3-أي دام انج فطرتي أكيد عادي تاخذينهم

4-وايد بنات بالمنتدى يمدحونها وتوكلي على الله وسوها وعسى الله يرزقج أن شاء الله ويرزقنا :yaaaaaarb:

 

[الله يرحم أمي]

أنا سويتها رمضان السنه الي طافت والله ما أنصحج تسوينها لان حز في خاطري خلاني الدكتور أفطر خمس ايام الي اهو يوم السحب العملية وبعد الإرجاع فطرت اربعه وعادي سويت العملية الصبح والتحاميل كنت احطها عادي نفس الوقت والحبوب مع الفطور ومع السحور وبس وسلامتج والله يرزقج بدونها ان شاءالله

 

[cute_mama83]

عسي ربي يرزقج بالحمل السليم يااااا رب

 

[أأأميرة الورد]

الله يرزقج الحمل عن قريب

 

[عسل حدي]

بس وقت السحب والارجاع تفطرين طلعي مفاره وصوميهم عقب
والتحاميل ماتفطر حبيبتي انا سألت
ومن الحين فوليك اسد وبريجنابلان لاتهدينهم
والدكتوره ماجده تهبل كلمة تهبل شويه عليها وشااااطره
وكله بيد الرحمن اللي عينه ماتنام علينا نبذل الاسباب وندعي الرحمن وربي ييسر امورج

وحطي ببالج ٢٠٠٠ دينار ماينقصون دينار علشان لا توهقين

 

[ابدا يالغالي مانساك]

تووكلي علي الله وربي يفرح قلبج بالضنااااا يارب ياكريم

 

[عسل حدي]

الله يرزقج يارب ولا يضيع لج تعب

 

[سمو النفس]

الله يرزقج بتوآم يارب

 

[عسل حدي]

رب لا تذرني فردا وانت خير الوارثين

 

[اخت الدكتور]

عسل حدي انتي سالي الدكتوره وشوفي شنو تقولج ربي يرزقج توام ان شاءالله

 

[أغلى المشاعر]

الله يرزقج يارب بالذريه الصالحه

 

[حوريه ...]

ماعندي فكره

بس يارب يرزقج بالذريه الصالحه التامه ولايحرمج الضنا ياكريم

 

[qoot]

ماجربت الدكتوره

انزين شلون ع الزوارات شتسوين تروحين ولا تعدرين وشنو مجهزه عذر لهم

لانه انا فترة الانتظار راح تكون برمضان فـ متوهقه لانه محد يدري اني مسويه العمليه غير زوجي وانا ساكنه عند حمولتي تعرفين رمضان زوارت والدرج ممنوع
شرايج شقول لهم ادري طلعت برا الموضوع بس والله قاعده افكر شنو عذري

وعسى الله يرزقج ويرزقني ويرزق كل محرووومه