حسبي الله علييك يا دكتووور العجمي
طلعت من عياادته وانا ابجي
حبيبتي سمعي سالفتي وقرري حق منو ترووحين هذي عين مو لعبه
قبل مده حسيت بعوار بعيووني مو طبيعي وانا طول عمري البس عدسات
المهم امدحولي العجمي قالولي خوش دكتور
رحت له وكنت بموت من عوار عيوني وكنت لابسه عدسات
المهم فتحت ملف عنده ودخلت عليه جان تاخذني الممرضه
وتفحص عيوني قلت لها لحظة انا لابسه عدسات شلون تفحصين عيوني
جان تقولي عادي عادي
قعدت دقايق مادري شنو حاست بالكمبيوتر جان تطلع اوراق
المهم دخل الدكتور جان يمسك الاوراق وقالي شفيج
قلت له دكتور عيوني تحرني حيل وانا لابسه عدسات شسوي ابي اسوي ليزك لان مليت من العدسات
جان يطالع الاوراق ويتصفحهم كأنه يتصفح مجلة وهو مستعيل
جان يطالعني ويقولي شوفي اذا سويتي ليز راح تصيرين عميه
واذا صرتي عميه ترى هذي مو مشكلتي انا هني دمعت عيني
جان يقولي روحي محل نظارات العالمية وسوي لج نظاره وانتي عندج عدسه مخروطيه
ونهايتها انج تصيرين عميه بعد 10 سنين لازم طوول عمرج تلبسيين نظاااره
يقووووووووووولي هالكلام وهو موو مهتم
اخر شي قالي عيونج فيها اشياء واايد بس النظاره احسن ويلا مع السلامه وطلع وخلاني
انا هني مت من البجي وامي تقوولي قوومي الشرهه علي يايبتتج عده ويقولون احسن دكتور بعد
امي تسب وتلعن على اللي سواااه
ما شفت لا اهتمام ولا فحص ولا شي
المهم طلعت رحت محل النظارات لقيت هناك خوش دكتور
قلت له دكتور انا صارلي جذي وجذي مع الدكتور العجمي والحين بموت من الخووف انا توني صغيره
صج بصير عميه ؟؟؟
هو انصدم وااايد وقالي اولا عدساتج مو نظيفه هو شلون فحص عيونج
قلت له هو مااجاسني اصلن اللهم اول ما دشيت حط ليت بعيوني وقالي روحي مع الممرضه
الدكتور اللي بالمحل الله يجزااه خيير قالي بطلب لج عدسات يديده وعطاني اسم قطرة اشتريها تعالج عيوني
وقالي كل اللي فيج التهاب
خلصت منه وطلعت بس قلبي معورني احس ان في شي غلط
قمت ورحت حق سااامي الربيعه
والله والله والله بناات هالدكتوور يهبل
قعد 6 ساعات يفحصني والله
اول شي دشيت عليه بعدين على دكتور يفحص القرنيه بعدين حق دكتوره تسوي لي فحص شامل حق عيوني
بعدين دكتور سوا لي فحص ثاني بعدين قعدت مع الدكتور سامي الربيعه وشاف نتيجة كل التحاليل
وقلت له اللي صار فيني عند الدكتور العجمي هو انصدم قاالي شلوون دكتور يقولج انج بتصيرين عميه
قعدت احلف له جان يطمني قالي بنتي لا تخافين انتي فيج التهاب والليزك ما ينفع معاج
اول شي راح نعالج الالتهاب بعدين نسوي لج فحوصات ثانيه ونشوف شنو تحتاجين
اذا راح الالتهاب نسوي لج عملية زراعة عدسة بالقرنيه وهالشي سهل
والله دخلت العياده الساعه 2 طلعت الساعه 6 طوول هالوقت وانا من غرفة فحص لي غرفة دكتور
لما تطمنت على عيوووني
قعدت ليل ونهاار ادعي حق دكتور الربيعه وانا ليلحين في فترة العلاج بس الحمدالله الالتهااب رااح
ادري طوولت علييج وااايد بس ابيج تعرفيين الفرق بين الدكتووووورين
والله يوفقه دكتور سامي طمني وقاالي موضوع انج تصيرين عميه انسيييييييييييييييييييييييييه
لانج ماراح تصيري عميه لان اصلن مافيج شي قووي مجرد ضعف نظر وينتهي
حببتي روووحي له وانتي مغمضه وهو واايد شااااااطر
الله يخليه ويطول بعمررره ياااارب
والله يوفقج حبيبتي واي سؤاال تبينه انا حااضره
وكان لازم اقوولج هالسااالفه لان مااابي يصير بأحد اللي صار فيني
وطمنيني عليج حبيبتي
[/quote
مرحبا
لله يعينج وفعلا هاذي عين مو لعبه واانا بنصحج من اخت لاختها انتي حالتج نفس حالة امي تخيلي ما خلت مكا ما راحتله لان القرنية مخروطيه وهذا وراثه بالعايلة ومن كان عمرها 22وهي تراجع عند العلاج بالخارج تبي تروح المانيا زراعة قرنية شكتبوا بالتقريرتتظاهر او كبر سن وهي عمرها 22وماخلت ديرة ما راحت لها على حسابها وماكو فايده ويوم اكتشفوا الليزر جنه طايح عليها من السمى وراحت عند العجمي وقالها نفس ما قالج وراحت لربيعه وقالها ما تصلح وقب اكتشفوا الليزك وكل ماله ويتردى النظر راحت لربيعه وقال شوفي انا ما ابي اجذب عليج لو اسويها للانسان العادي مره وحده واخذ عليه500بس انتي محتاجه اسويها على 3مراحل يعني تسويها 3مرات وياخذ1500ولا بعد راح تلبسين نظارات ومادري سبحان لله جا في بالها الدكتور سلطان المطيري وسولها الليزك ومرة وحده والحمدلله صارت احسن من قبل بس تلبس نظاره للقراه وللتلفزيون انصحكم فيه روحي كاستشاره وشوفي شنو ربج يكتبلج وانشالله كل خير
سوري عالاطالة للاستفسار عن الحاله عالخاص
