بنااات منو احسن دكتووور ليزر للعيون

[رند]

بناااااات
اي وحده مسويه عمليه ليزر او ليزك لعيونها لتصحيح النظر تفيدنا واتقوول
بجم سوتها ووين واي احسن دكتووووور

اتمنى ماتبخلوون عليناااا
والف شكرر
بانتظااار ردودكم

 

[ombaza]

مشاركة: بنااات منو احسن دكتووور ليزر للعيون

انا سويتها عند المستشفى العسكري دكتور حسين العباد الحمدالله والشكر مو صاحي بس من احسن الدكاتره يسوي العمليه ويغني زين مارقص بعد لساانه طوييييييييييييل يظحك
العمليه سهالات الحمدالله افتكيت من العدسات انصح الكل فيها صج النظر نعمه
اختي سوت عملية ليزر ماصلحتلها ليزك لانه عندها انحراف بالقرنيه على ما اعتقد سوتها من 4 سنين عند دكتور محسن ابل يم رشا جييك بحدود 600 اذا ماني غلطانه بس تمدح الدكتور
ترى مرات يسون عرض المستشفيات ويرخصون سعرها حييييييييييييييييييل توصل 400

 

[نورالدنيا***]

مشاركة: بنااات منو احسن دكتووور ليزر للعيون

بنت عمي وبنت عمتي وجم واحد من اهلنا كلهم عند محسن ابل ب350 مع الفحص مسوي عرض الحين بمجمع البدع الطبي وري فندق سفير الرقعي بالرقعي

كان ابمنتجع شيك وانتقل بالرقعي وري الفندق افضل دكتوووووووووووور بدون منازع والخبر اكييييييييييييييييد

 

[رند]

مشاركة: بنااات منو احسن دكتووور ليزر للعيون

يسلموووو بنااات عالمعلووومااات

بس اناا سمعت عن دكتور امل الدريني بالشهري كلينيك يمدحوونه فحصه ب70 والعمليه ب600
والمواعيد يالله عقب 6 شهوور يصيبني الدور عليه دووس

 

[الكشخه]

مشاركة: بنااات منو احسن دكتووور ليزر للعيون

انا سويتها في الاسكندريه في مصر عند البروفسور حسين علي حسين قبل 7سنين بسعر 400دينار للعينين الثنتين والعمليه ممتازه والحمد لله والشكر على نعمة النظر ونصيحه روحوا له ابرك من دكاترة الكويت العليميه

 

[هامورة]

مشاركة: بنااات منو احسن دكتووور ليزر للعيون

بنات تعور العملية ؟

شرحوها بليز

 

[سوسو الأموره]

مشاركة: بنااات منو احسن دكتووور ليزر للعيون

انا سويتها عند الدكتور عبدالله المنصور والحمدلله الوضع تمام لى شهر من سويتها بس الشوف شوى عليه غشاوه وان شاءالله بيتحسن وسويتها 400 لعين وحده والعمليه كلش ماتعور عادى حبوووبه

 

[حواء الكون]

مشاركة: بنااات منو احسن دكتووور ليزر للعيون

طبيب العيون يسوي ليزر للهالات السودا او لا ؟

 

[رند]

مشاركة: بنااات منو احسن دكتووور ليزر للعيون

انزين بناات صج بعد جم سنه يرد النظر اردى من قبل ولا بس اشاعات وخرابيط؟؟؟

 

[عالي مستواها]

العباد بالعسكري أمي مسويه عند تمدحه حيل صج شكله مو صااحي بس شاااطر

وولد عمي مسويها عند وجيه بدار الشفا مشالله صار نظره 6 على 6 ألحين

و أنا كنت بسويها عند وجيه بس يوم فحصني قال ما تصلح لي عندي انحراف بالشبكية

عمومًا نظري زين مو محتاجتها بس عبط .. يعني الحمد لله لا ألبس نظارات ولا عدسات

 

[مجرد شعور]

رفيجتي من قبل شهر سوتها في عيادة الدكتور الربيعة بسعر حلوووو 450 دينار (خصمومات هالصيف) وحتى زميلتي بالدوام مسويتها الصيف الماااااضي ويمدحووونه .. وانا بعد ان شاء مفكرة اسوي عنده بعد مايبرد الجو اشوي

 

[هامورة]

اي انا بعد يمكن اسويها عنده سامي الربيعه يمدحون شغله

بس بنات شنو خطواتها انا خايفه تصدقون اخاف تعور

 

[رند]

يسلموووو عالي مستواهااا
عالرد

 

[رند]

انزين نجمه الحين ربيعه بعد حجزه بعيد
لاني دقيت على دكتور امل الدريني قالتلي السكرتيره على سنه 2007 تخيلووو
شدعوووه زحمه يادنيا زحمه عنده

خايفه مادري عند منو اسويهاا
اغلا ماعندنا عيونا لازم دكتوور معتبرر

 

[رند]

هامووره لاماتعور
لاني قريت كتيب عنها عند بوحمره كلينك جنه اسمه وكاتبين ان يثبتون عينج عشان ماترمش وعقبهاا يرمكزون ضوء الليزر

 

[طبيعيه]

انا مسويه العمليه عن د. سامي الربيعه قبل سنه بالضبط و الحمد لله ... استغنيت عن العدسات وبلاويها ... والعمليه تكلفتها 450 دينار ... اختي مسويتها قبلي بسنه 500
اما اختي الكبيره مسويته قبلى بثلاث سنين 850 دينار .... شفتوا الفرق
والعمليه سهله و ما تعدى ربع ساعه
اول شيء قبل لا تدخلين تحط لج الممرضه قطره المخدر على العين
بعدين تدخلين على الدكتور في غرفة العمليات
يحط شي نفس الحديده ( ما تعور ) عشان يخلي العين مفتوحه و يقولج ركزي على النقطه الخضرا اللى فوق .... بعدين راح يحدد نقاط من خلالها راح يقص العدسه
راح تشمين ريحة حريق..... و تسمعين تش تش تش .... بس ماراح تحسين فيه بعدين تجي المرحله الثانيه اللى ماراح تشوفين فيها اي شي ( يعني مبطله عيونج وكل شي اسود ) بس لا تخترعين مجرد ثواني ... بعدين يمسح كأن يمسح جام السياره على العدسه لمن ترجع الرؤيه بعدين يركب العدسه ... ونفس الشي للعين الثانيه ... و يقولج حمد الله على السلامه و ما تقومين من السرير الا المريضه الى بعدج فوق راسج .... يعني سهالات.... و الحمد الله على التقدم العلمي و انصح كل البنات يسوون العمليه لانها سهله و تفكج من بلاوي العدسات و شكلج القبيح بالنظارات

 

[Harmony]

مادري انا سمعت ناس وايدة تمدح الربيعة بس بعد سمعت عن وحده نعمت منه صار غلط مادري يمكن جذب او هى تحركت الله العالم بس اللى تسويها هالتعلمنا عنه و متى سوت

 

[رند]

مشكوووره طبيعيه فديت قلبج عالشرح

بس عندي استفسااار مواعيده زحمه ولا لاء؟؟

 

[رند]

مادري انا سمعت ناس وايدة تمدح الربيعة بس بعد سمعت عن وحده نعمت منه صار غلط مادري يمكن جذب او هى تحركت الله العالم بس اللى تسويها هالتعلمنا عنه و متى سوت

والله الواحد يخاف عشان جذي ما ابي اغامر عند اي دكتوور
ماكو اغلا من العين
فياريت كويتياات تفيدونااا بهالموضوع

 

[رند]

صج نسيت اسال
اانا للحين ماكملت ال21 باجي 4شهور عادي ولا ؟؟