بنااات والله صعبـــــــــــه ساعدوني

[جلكسيــه]

السلام عليكم ..
يعطيكم العافية ..

اول شي قبل ابدي والله انا السبب تدرون ليش ماعودت ولدي عالحمام وانتو بكرامه الا قبل ثلاث شهور وماني عارفه هل تأخرت او لا اهو عمره 3 ونص بيدخل الروضة شهر 9 امانة بنات وقتي غلط او لا لي الحين الولد مو راضي يتأقلم مع الوضع على حسب مزاجه اذا يروح او لا وهم بعد احسه لي الحين صغير ما يفهم والمشكلة الكبرى اني قبل شهرين كنت عند اهلي وراح الياهل للحمام حسب ما علمته تدرون شصااار قفل على نفسه الباب :eh_s(11)::eh_s(11)::eh_s(11):

هني انا استخفيت اكلمه اكلمه موقااادر يبطله آخرتهااا اخوي كسر الباب وكان قوي حيل الصوت وولدي يبجي داخل وانا ابجي براا:eh_s(2)::eh_s(2)::eh_s(2):
ومن هالسالفة احس صار ما يحب الحمام وبعد مرات احس انه تعود على الحفاظه بنات امانة ساعدوني هذا ولدي البجر وبيروح الروضة بعد شهرين يعني لازم اقطع الحفاظة شلون والله ما اقدر ولدي عنيد ودلوووع وفوق هذا سالفة القفل:eh_s(11)::eh_s(11)::eh_s(11):

ابي حل :eh_s(2):​

 

[فلانه وعلانه]

الله يخليه لج
بس ولدج كبر ع الحفاظ بالبيت لا تلبسينه خليه يقعد بدونها راح يتعود ويستانس بدونها وكل شوي وديه الحمام
بس بدون صياح وهواش بالكلمه الحلوه والمسايس
انا بنتي بسم الله عليها ماعذبتني دشيت معاها الحمام وانتي بكرامه جم مره بعدين اهيا تعودت من عمرها سنه ونص اوسنتين قطيت عنها الحفاظ
وان شاءالله البنات يفيدونج اكثرمني

 

[مناير البيت]

نفس المعاناة ولدي عمره سنتين ونص
امي دوم تهاوشني عشان اعلمه بس مااعرف ..
وماحب الملابس تتوصخ ..
لما كان يحوش ملابسة الداخلية وصخ علطول اقطها ماغسلها
اخااف اقط كل ملابسه والسبة اذا قطيت هالحفاظه ​

 

[_Pure_]

ليش مأزمه الموضوع و عادي الياهل ينقفل عليه الحمام كل اليهال صار فيهم مافيها شي خلي الوضع عادي

و خلي الحمام مكان حلو و مشوق خلي يقرا قصص او يرسم و اهو قاعد عالمرحاض راح يستانس

و خليه كل مره يروح حمام غير اذا عندكم اكثر من حمام مره حمامه مره حمام الضيوف الخ..

و لازم تفهمينه ان اذا سمع الكلام و راح الحمام راح تعطينه مكافأة انتي حددي الهدف و المكافأة و خليها يوم بيوم
ممكن حلاوة او ككاوة او روحة للجمعية الخ

وشجعيه و ذكريه لاينسى


انا بنتي علمتها عالحمام من عمرها سنتين بس ظلت تنقط وايد لين بعد الثلاث سنين لمن صرت جددد معاها و حطيتلها مكافأة كبيرة ماشاءالله بسسسس اهي مرة وحدة فهمت لان صرت حازمه معاها

 

[جلكسيه اس 3]

إهو صغير مفروض ما تخلينه يروح الحمام بروحه
أنا ولدي توا ثلاث أسنين مراات بالغصب ادخله و مرات الله يهدي من روحه يقول مأما وديني الحمام

 

[يارب احفظ عيالي]

اختي انا ولدي قعد تقريبا لي سنتين وشوي مايروح الحمام وجربت كل شي مافاد لانه كان وايد يحب الحفاظه ااااااااااااااخر حل كنت اخليه بدون حفاظه واخش الحفاظات الباقي عنه واقوله ماشرينا اوخلصوا بيقعد يومين اوثلاثه اوحتى اسبوع وااااااااخر شي يستسلم ويدش الحمام وتعود الحين لمايدش اعطيه مجله يطالعها ويستانس حتى مايبي يطلع من الحمام وبالنسبه حق القفل شيلي عنه المفتاح اونطريه وسولفي معاه عشان يتطمن حتى لويطول ترى ماشاءالله صار كبير الولدلازم تعلمينه اتمنى اكون افدتج ياقلبي

 

[ام ميميتو]

حبيبتي المفرض من يصير عمره سنه و 8 شهور تبدين تعلمينه انتي وايد تأخرتي الله يعينج بس لازم تعلمينه فهمي ان لازم ما يقفل الباب الله يخليه لج ان شاءالله و كل مايروح عطيه شي يحبه عشان يتشجع او ودي الاماكن الي يحبها

 

[@ام يوسف@]

الله يعينج وما عليه يتعلم باجر بالروضه يشوف الاطفال ويتعلم ان شاء الله

 

[ابتسمامه]

لاتخلينه يسكر الباب خليه يرده ويشوف طرف ايدج وشوي اشوي راح يتاقلم وبالروضه راح يشوف الجهال ويتعلم واشكثر اطفال يسونها على نفسهم بالروضه لانهم خايفين يروحون الحمام بروحهم