السلام عليكم
بنات والله ما كتبت هالموضوع الا لأن قلبي يعورني لما أشوف يهااال صغار عمرهم حتى من سنة ونص وأكبر وأهلهم يوكلونهم بطاط تدرون اشكثر خطر ومقلي بالمصانع بدهون مشبعة لو تشوفون لون الدهن نفس لون العباة والله خطر خطر خطر والببسي فيه تيزاب مادري شنو مواد حارقة غير انه حيل حيل مضر وأجسام عيالكم توها قاعدة تنبني وتنمو تحتاج تغذية حرام عليكم باجر الياهل يكبر ما يكمل 30 سنة الا فيه سكر وضغط وروماتيزم وامراض الكويت المعروفة يعني احنا الكبار تعلمنا عالببسي والخرابيط خلاص راحت علينا لووول بس عيالكم والله حراااااام يعورني قلبي لما اكون بمطعم واشوف ياهل اهله يشربونه ببسي ليييش ليييش المهم شوفو انا ولدي الكبير عمره 3 وبنتي سنتين شوفو هذي الوجبات الخفيفة حق فترة الضحى أو العصر عطيهم
1- الفواكه.
والله مع ان عيالي مااااا يواطنوون الفواكه مادري ليش وحاولت اقصصها بطرق تشوق وأعصر عليها ككاو وكل شي بس ماكو فايدة بس المهم اذا عيالكم يحبون الفواكه عطوهم سناك بدال البطاط والككاو.
2-فواكه مجففة.
خصوصاً المشمش والكشمش أو الزبيب وايد يحبونهم اليهال وواااااايد مفيدين ويزيدون نسبة الذكاء.
3- الكورن فليكس.
جدا مفيد فيه معادن وفيتامينات وأكو انواع وايد بالككاو وبالعسل شوفو شنو يحبون عيالكم وأكو بعد اللي يصير ألواح كورن فليكس مع حليب نفس لوح الككاو شكله وينباع بالجمعياات مفيد حيل أو حطي له كورن فليكس بروحه أو مع حليب حسب ما يحب.
4-النفيش أو الPop corn
جدا جدا مفيد ولذيذ وبس كتبي بحث بجوجل عن فوائد البوب كورن واقري وغير جذي كل اليهال يحبونه وسهل التحضير أكو انواع يتسوى بدقيقتين بالميكروويف ونكهات وايد أو تشترين الذرة وتحطين شوي زيت وبالجدر يتسوى ورشي شوي ملح وقدميه.
5- كسترد وروب بالفواكه والنكهات.
أكو دانيت بالنكهات الككاو والفانيلا والبسكوت وغيره حيل لذيذ يحبونه كل اليهال ومفيد كله كالسيوم وأكو كريم كراميل وروب بالفواكه.. جربي شوفي شنو الانواع اللي تعجب عيالج.
6- معمول بالتمر.
طبعاً ما يحتاج أشرح فوائد التمر بس أغلب اليهال ما يحبونه بروحه فعطيه المعمول اللي داخله تمر وقوليله بسكوته ياكلها وتعجبه لأنه لذيذ
7-مكسرات.
حيل حيل مفيدة خصوصاً اللوز الني كله اوميغا3 غير ان اللوز مكمل غذائي يعوض النقص اللي بالاكل وجربي تعطينهم انواع وايد خصوصا المكسرات النية فايدتها اكثر من المحمصة.
8- عصيرات طبيعية وحليب بالنكهات خلي هذي مشروباتهم ترى حليب بالككاو والموز والفراولة فيه نفس فوائد الحليب العادي فإذا ما يشرب الحليب العادي عطيه بالنكهات والعصاير اشتري اللي مكتوب عليه (عصير) لا تشترين الانواع اللي مكتوب عليها (شراب) لأن مثلا شراب البرتقال يعني بودر نكة برتقال وماي ومواد حافظة لكن العصير يكون معصور مباشرة من الفواكه ويفضل انتي تسوين العصاير بالبيت لهم
9- شاي بالحليب مع شوية بسكوت أو درابيل يقططون يستانسون لووول يحبونه عيالي وايد، والشاي جداً مفيد للأطفال بعد.
انا هذا اللي اعطيه عيالي واللي عندها أفكار لأكل مفيد يريت بعد تضيفها ونستفيد وأهم شي تقطعون الككاو والبطاط والببسي عنهم وعسى الله يحفظ عيالنا ويصلحهم
ولا تقولون عيالي ما ياكلون الا بطاط علموهم شوي شوي ولا تشترين البطاط ولا يشوفه صدقيني ينساه
بنات والله ما كتبت هالموضوع الا لأن قلبي يعورني لما أشوف يهااال صغار عمرهم حتى من سنة ونص وأكبر وأهلهم يوكلونهم بطاط تدرون اشكثر خطر ومقلي بالمصانع بدهون مشبعة لو تشوفون لون الدهن نفس لون العباة والله خطر خطر خطر والببسي فيه تيزاب مادري شنو مواد حارقة غير انه حيل حيل مضر وأجسام عيالكم توها قاعدة تنبني وتنمو تحتاج تغذية حرام عليكم باجر الياهل يكبر ما يكمل 30 سنة الا فيه سكر وضغط وروماتيزم وامراض الكويت المعروفة يعني احنا الكبار تعلمنا عالببسي والخرابيط خلاص راحت علينا لووول بس عيالكم والله حراااااام يعورني قلبي لما اكون بمطعم واشوف ياهل اهله يشربونه ببسي ليييش ليييش المهم شوفو انا ولدي الكبير عمره 3 وبنتي سنتين شوفو هذي الوجبات الخفيفة حق فترة الضحى أو العصر عطيهم
1- الفواكه.
والله مع ان عيالي مااااا يواطنوون الفواكه مادري ليش وحاولت اقصصها بطرق تشوق وأعصر عليها ككاو وكل شي بس ماكو فايدة بس المهم اذا عيالكم يحبون الفواكه عطوهم سناك بدال البطاط والككاو.
2-فواكه مجففة.
خصوصاً المشمش والكشمش أو الزبيب وايد يحبونهم اليهال وواااااايد مفيدين ويزيدون نسبة الذكاء.
3- الكورن فليكس.
جدا مفيد فيه معادن وفيتامينات وأكو انواع وايد بالككاو وبالعسل شوفو شنو يحبون عيالكم وأكو بعد اللي يصير ألواح كورن فليكس مع حليب نفس لوح الككاو شكله وينباع بالجمعياات مفيد حيل أو حطي له كورن فليكس بروحه أو مع حليب حسب ما يحب.
4-النفيش أو الPop corn
جدا جدا مفيد ولذيذ وبس كتبي بحث بجوجل عن فوائد البوب كورن واقري وغير جذي كل اليهال يحبونه وسهل التحضير أكو انواع يتسوى بدقيقتين بالميكروويف ونكهات وايد أو تشترين الذرة وتحطين شوي زيت وبالجدر يتسوى ورشي شوي ملح وقدميه.
5- كسترد وروب بالفواكه والنكهات.
أكو دانيت بالنكهات الككاو والفانيلا والبسكوت وغيره حيل لذيذ يحبونه كل اليهال ومفيد كله كالسيوم وأكو كريم كراميل وروب بالفواكه.. جربي شوفي شنو الانواع اللي تعجب عيالج.
6- معمول بالتمر.
طبعاً ما يحتاج أشرح فوائد التمر بس أغلب اليهال ما يحبونه بروحه فعطيه المعمول اللي داخله تمر وقوليله بسكوته ياكلها وتعجبه لأنه لذيذ
7-مكسرات.
حيل حيل مفيدة خصوصاً اللوز الني كله اوميغا3 غير ان اللوز مكمل غذائي يعوض النقص اللي بالاكل وجربي تعطينهم انواع وايد خصوصا المكسرات النية فايدتها اكثر من المحمصة.
8- عصيرات طبيعية وحليب بالنكهات خلي هذي مشروباتهم ترى حليب بالككاو والموز والفراولة فيه نفس فوائد الحليب العادي فإذا ما يشرب الحليب العادي عطيه بالنكهات والعصاير اشتري اللي مكتوب عليه (عصير) لا تشترين الانواع اللي مكتوب عليها (شراب) لأن مثلا شراب البرتقال يعني بودر نكة برتقال وماي ومواد حافظة لكن العصير يكون معصور مباشرة من الفواكه ويفضل انتي تسوين العصاير بالبيت لهم
9- شاي بالحليب مع شوية بسكوت أو درابيل يقططون يستانسون لووول يحبونه عيالي وايد، والشاي جداً مفيد للأطفال بعد.
انا هذا اللي اعطيه عيالي واللي عندها أفكار لأكل مفيد يريت بعد تضيفها ونستفيد وأهم شي تقطعون الككاو والبطاط والببسي عنهم وعسى الله يحفظ عيالنا ويصلحهم
ولا تقولون عيالي ما ياكلون الا بطاط علموهم شوي شوي ولا تشترين البطاط ولا يشوفه صدقيني ينساه
