بناات ساعودني (تحويل الى كلية البنات) ...

[غ ـروك وغيروك]

هاااااااااااااااي بنااااااااااااااااااات

شلووونكم شخبااركم حبايبي ؟؟

بنااات بغيت اسألكم اسئلة وبلييز جاوبوني بكل اللي تعرفوونه لاني حيل محتااجتكم هالشي راح يحدد مستقبلي

أول شي انا نااويه أحول من كليتي (التربية) لين كلية البنات لاني احس انه هذاا مو مكااني والله شعوور كل يوم اييني اذا رحت كلية التربية اداوم اقول بقلبي انا ليش هني هذا مو مكاني والله حااسه اني ابي كلية البنات

المهم هااذي سالفتي الحين بسألكم عن الطريقة شلون لاني ماني عارفه شلون طريقة التحويل ؟؟ وين ارروح وشنو اسوي ؟؟

انا الحين صار لي سنة بكلية التربية خلصت الكورس الأول تمهيدي انجليزي واصول تربية والكورس الثاني خلصت 4 مواد اللي اهم ( تربية حياتية - ادارة مدرسية - مهارات اتصال لغوية - تطور فكر تربوي ) ومعدلي الحين يوم خلصت الكورس الثاني نزل صاار 3 نقااط والحين انا مااخذه صيفي مادتين اللي اهم ( تاريخ حضارة اسلامية - تربية بيئية )

الحين السؤال اللي بسألكم اياه أول شي اذا صار ان شاء الله وحولت حق كلية البنات رااح يعادلون لي موااد ولا ماراح يعادلون لي شي ؟؟ انا ماعتقد بعادلون شي لانه كلية البنات دراستها كلها بالانجليزي صح ؟؟

وسؤالي الثاني رااح يقبلوني بمعدل 3 نقااط مال الجامعة الكورس الثاني ؟؟ ولا راح ياخذون وياه الكورس الصيفي ولااا راح ياخذون معدل الثنوية ؟؟

وثالث شي بسأل بنات كلية البنات عن التخصص اللي ناوية اني ادشة اذا انقبلت ان شاء الله انا ناويه اروح علم اتصال او شي جذي اتصال ماني ذاكرة الاسم عدل المهم اهواا عن الاشارة والتواصل مع الصم والبكم
ابي البنات اللي داشين هالتخصص ويعرفوونه او سامعين عنه بليززز يقولون لي عن طريقة دراسته وكل شي عنه

وآخر سؤال بسألكم اياه اهوا لااازم ننجح بالقدرات رياضيات ولا لا ؟؟ لاني سااقطة بقدرات الرياضيات والانجليزي بس الانجليزي خلااص انا خذيت التمهيدي بكلية التربيةالكورس الأول الحين شلون على الرياتضيات لازم آخذه ؟؟

وهااذي اسئلتي لكم بلييييز جاوبوني بسرعة الله يخلييكم لاني لااازم اتحرك من الحين واقرر مو لاازم تروح سنه ثاانية من عمري الله يخلييكم بناات والله محتاجتكم :0bee2e8d89:

 

[برونزيه نعومه كتكوته]

ثلاث نقاط اعتقد يحولونج و ماعتقد راح يعادلون لج شي غير مهارات اتصال و تاريخ و حضاره
بالنسبه للتخصصات اعتقد في علم التواصل و اللغات و معاي بكلاسي الحين بنوته تخصصها اخصائية نطق للأطفال
وايد مرتاحه و مستانسه بس على حد علمي يكرفون البنات كرف الشر يعني تعب

 

[.]

التحويل له فتره معينه يعلنون عنها بنهايه كل كورس وتحولين بعمادة القبول والتسجيل..

وله شروط معينه ..

بجاوب ع الاسئله اللي اعرفهم..

الحين السؤال اللي بسألكم اياه أول شي اذا صار ان شاء الله وحولت حق كلية البنات رااح يعادلون لي موااد ولا ماراح يعادلون لي شي ؟؟ انا ماعتقد بعادلون شي لانه كلية البنات دراستها كلها بالانجليزي صح ؟؟

اي ان شاءالله بيعادلون لج ع الاقل تاريخ حضاره واذا عندهم مواد اختياري حر بيحسبون من اللي خذيتيهم بالتربيه..


وسؤالي الثاني رااح يقبلوني بمعدل 3 نقااط مال الجامعة الكورس الثاني ؟؟ ولا راح ياخذون وياه الكورس الصيفي ولااا راح ياخذون معدل الثنوية ؟؟

بيقبلونج ع اخر معدل قبل التحويل ومالهم شغل بمعدل الثانوي..

وموفقه يارب..

قبل لاتحولين استخيري..

 

[.]

قسم علم التواصل و اللغات



يهدف هذا القسم إلى تطوير معرفة الطالبات العلمية في مجال علم اللغات و التواصل, و يتضمن القسم في- الوقت الحالي - تخصص اضطرابات التواصل ( اضطرابات النطق و الكلام ) و يختص برنامج اضطرابات التواصل بدراسة اضطرابات النطق و اللغة و الكلام, حيث تدرس الطالبات أساسيات علم الكلام و اللغة مما سيساعدهن في تحديد و تقييم و معالجة عدد من اضطرابات التواصل, و الاضطرابات الصوتية, و الطلاقة اللغوية, إلى جانب الحبسة الكلامية الناتجة عن الإصابات و الحوادث.

و يهدف برنامج التواصل إلى التركيز على الممارسة و التدريب العملي في هذا المجال, و ذلك لتنمية شخصية الطالبة و صقل موهبتها ليكون لها دورها الواضح على مستوى الأسرة و المجتمع و العمل في المجالات الحكومية و الأهلية.

و قد تم إعداد هذا البرنامج ليتوافق مع شروط مؤسسة الاعتماد الأكاديمي (أشا):

American Speech-Language-Hearing Association (ASHA),

Council on Academic Accrediation in Audiology and Speech-Language Pathology: Rockville, MD


ويمنح القسم الدرجة العلمية في التخصص العلمي الدقيق التالي:

- بكالوريوس علوم في إضطرابات التواصل.

أما عن بعض مجالات فرص العمل لهذا التخصص فهي:

ممارس إضطرابات اللغة والكلام في:

- المدارس.

- العيادات.

- مراكز إعادة التأهيل.

- القطاع الخاص.

- العمل الحر.

 

[غ ـروك وغيروك]

يعطيييكم العافية بناااااااااات وانا ان شاء الله راح استخير

انزين ولازم امتحن قدراااات حق الرياضيات ولا شلوون ؟؟

والانجليزي يكفي التمهيدي اللي خذيته بالتربية ولا لازم آخذ غيره ؟؟؟

 

[.]

لحظه جني اعرف وحده متخرجه من هالتخصص..

اذا شفتها اخليها ترد عليج ان شاءالله..

 

[wardia]

انشالله يارب تتوفقين وتحولين حق هالتخصص !!

والله انه كنت ناويه اتخصصه بس ليش انه حق علمي وانا ادبي وصكروا الكليه صارت حق العلمي بس ..

بس الله كريم . كل شي فييه خيره

بس دريبالج لازم تكونين علمي عشان اتحولين

وموفقه حبيتي

 

[غ ـروك وغيروك]

رونه : هلااا اي الله يعافيج قولي لها خل ترد علي والله محتاجه اكلم بنات من هالتخصص

wardia : ان شاء الله يسمع منج وييي حساافة يالله ماعليه ماتدرين يمكن خيره اي لا تحاتين يا قلبي انا علمي والله يوفقج بالتخصص اللي راح تختارينه

 

[SupeR-GirL]

انا بكليه البنات بس توني سنه اولى ما تخصصت شي امتحان القدرات ما اتوقع لازم تنجحين في لان البنات اللي معاي اغلبهم ساقطين في ومولازم ياخذون تمهيدي واذا قالولج لازم قدرات راح يعطونج تمهيدي

وعلى المواد اللي تتعادل اتوقع بس تاريخ حضارة اللي يعادلونه واحسن شي روحي العمادة وساليهم اضمن لج

 

[غ ـروك وغيروك]

SupeR-GirL : اهااا الله يوفقج ان شاء الله ويعطيج العافية على ردج

انزين انا مافهمت عليج يوم قلتي انه اذا مانجحت بالقدرات مو لازم تمهيدي عيل ليش ناخذ قدرات ؟؟

انزين بسألج شلووون الدراسة هنااك يعني انتي الحين أول سنه شلون تحسين ؟

اهيا دراستها كلها انجليزي صح انزين انا مو واااااايد واااااااايد بالانجليزي يعني زييينه بس مو شااطرة شااطرة يعني تتوقعين راح امشي ؟؟

انزين وشلون طريقة امتحاناتكم ؟؟

 

[Never Be Lost With Doda]

واااااااااااي فديت الي بيحولون لكليتي العزيزه

اول شي لازم تيين عندنا الكليه وتسالين الارشاد عن شروط التحويل لهاااا مدام انتي خلصتي تمهيدي انقلش ما راح يعطونج اياه عندا وبيعادلون لج الحضاره واي ماده اختياريه ثانيه ..

وراح يعطونج تمهيدي رياضيااات لانج ساقطه بالقدرات بس لا تحاتين سهل حده ..

والدراسه صج كلها انقلش بس مو صعب لي درجه ما ينفهم لا حلوووو بس يبيله دراسه واهتمام ..

والله يوفقج ان شاء الله وتحولين ان شاء الله ..

واخر شي صج ما راج تندمين على هالخطوه .. وتعالي الارشاد سالي اووووووك..

تحيااااااتي

 

[SupeR-GirL]

SupeR-GirL : اهااا الله يوفقج ان شاء الله ويعطيج العافية على ردج

انزين انا مافهمت عليج يوم قلتي انه اذا مانجحت بالقدرات مو لازم تمهيدي عيل ليش ناخذ قدرات ؟؟

انزين بسألج شلووون الدراسة هنااك يعني انتي الحين أول سنه شلون تحسين ؟

اهيا دراستها كلها انجليزي صح انزين انا مو واااااايد واااااااايد بالانجليزي يعني زييينه بس مو شااطرة شااطرة يعني تتوقعين راح امشي ؟؟

انزين وشلون طريقة امتحاناتكم ؟؟

ليش ناخذ قدرات مادري بس اللي اعرفه مو لازم تنجحين وعل الدراسه انا الكورس الاول عطوني بس تمهيدي انجليزي ماعليه لا وحدات ولا يدخل بالمعدل
والكورس الثاني خذيت انجليزي ثاني عليه 4 وحدات ويدخل بالمعدل مع ماده ثانيه للي اهي تاريخ حضاره بس مارضوا ماده ثانيه يعني صراحه ماقدر افيدج الحين بطريقه الامتحانات
والدراسه بالانجلزي بس سهله تقدرين تمشين فيها طبعا اول الايام راح تتعبين بس لازم من اول شي تجابلين وترجمين وتحفظين الكلمات لانها راح تمر عليج كل مره يعني اذا خاطرج فيها حولي

 

[منورة الكويتية]

هاااااااااااااااي بنااااااااااااااااااات



هلا فيج انا توني متخرجه فريش من اظطرابات التواصل :tek:


المهم هااذي سالفتي الحين بسألكم عن الطريقة شلون لاني ماني عارفه شلون طريقة التحويل ؟؟ وين ارروح وشنو اسوي ؟؟





احسن شيئ روحي الارشاد والتسجيل الشويخ او العديليه تبع كلية البنات
واهما راح يعطونج كل الشروووط


انا الحين صار لي سنة بكلية التربية خلصت الكورس الأول تمهيدي انجليزي واصول تربية والكورس الثاني خلصت 4 مواد اللي اهم ( تربية حياتية - ادارة مدرسية - مهارات اتصال لغوية - تطور فكر تربوي ) ومعدلي الحين يوم خلصت الكورس الثاني نزل صاار 3 نقااط والحين انا مااخذه صيفي مادتين اللي اهم ( تاريخ حضارة اسلامية - تربية بيئية )

الحين السؤال اللي بسألكم اياه أول شي اذا صار ان شاء الله وحولت حق كلية البنات رااح يعادلون لي موااد ولا ماراح يعادلون لي شي ؟؟ انا ماعتقد بعادلون شي لانه كلية البنات دراستها كلها بالانجليزي صح ؟؟


راح يعادلونلج الانجليزي والثقافه الاسلاميه واعتقد التربيه البيئيه لان عندنا قسم بيئه بس باجي موادج مالوت تخصصج ماعتقد يعادلونها لان مالها علاقه ومامرت علي بالكلية

وسؤالي الثاني رااح يقبلوني بمعدل 3 نقااط مال الجامعة الكورس الثاني ؟؟ ولا راح ياخذون وياه الكورس الصيفي ولااا راح ياخذون معدل الثنوية ؟؟

لاا اتوقع ياخذونه عقب الصيفي عشان جذي شدي حييلج والمواد حدها سهله ترفع المعدل


وثالث شي بسأل بنات كلية البنات عن التخصص اللي ناوية اني ادشة اذا انقبلت ان شاء الله انا ناويه اروح علم اتصال او شي جذي اتصال ماني ذاكرة الاسم عدل المهم اهواا عن الاشارة والتواصل مع الصم والبكم
ابي البنات اللي داشين هالتخصص ويعرفوونه او سامعين عنه بليززز يقولون لي عن طريقة دراسته وكل شي عنه


هذا تخصصي حبيبي الي توني متخرجه منه التخصص حلووو والحلو فيه انه انساني بحت تساعدين الناس وتخصصنا مسماه اظطرابات التواصل وتخرجين مسماج اخصائيه سمع ونطق وتقدرين توظفين بالقطاع الصحي او التربوي تقدرين تشتغلين بالمدارس العاديه ومدارس التربيه الخاصه وتقدرين تشتغلين بمركز سالم العلي لعلاج السمع والنطق بمستشفى الصباح او تسويلج عيادة خاصه فيج _03BA: التخصص يبيله دراسه وكرااااف بس حلووو وعلى قد ماتعطين تلقين ان شاء الله


وآخر سؤال بسألكم اياه اهوا لااازم ننجح بالقدرات رياضيات ولا لا ؟؟ لاني سااقطة بقدرات الرياضيات والانجليزي بس الانجليزي خلااص انا خذيت التمهيدي بكلية التربيةالكورس الأول الحين شلون على الرياتضيات لازم آخذه ؟؟

لا مو لازم انا كنت ساقطه فيه اهم شيئ الانجليزي بس عندنا 3 مواد رياضيات الزاميه حق كل التخصصات الي اهيا الجبر والاحصاء والثالثه نسيتها والله

وهااذي اسئلتي لكم بلييييز جاوبوني بسرعة الله يخلييكم لاني لااازم اتحرك من الحين واقرر مو لاازم تروح سنه ثاانية من عمري الله يخلييكم بناات والله محتاجتكم :0bee2e8d89:

وموووووووووفقة يارررب :eh_s(8):

 

[.]

كا ناديتها

وان شاءالله نكون فدناج

 

[عـشـــ كويت ــقـــي]

وصلت لاسف متاخره .. بس اختي منوره ماقصرت قالت كل شي ..
وحياااااااج الله عندنا بالكليه ..
وتعالي قسم التوجيه ولارشاد مال كليتنا .. ونشفي رجيهم بالاسائله ..
وبالنسبه لانجليزي الصراحه اهم راح يعدلونه لج بس ماادري على ايي واحد لانه احنا عندنا اربع كورسات انجليزي اذا كنتي صاقطه بالانجليزي ..
والرياضيات عاادي لا تحاتينهم لا تمهيدي ولا شي ..

بس اهم شي تعالي وسالي التوجيه ولارشاد كليتنا ..

 

[غ ـروك وغيروك]

Never Be Lost With Doda : ياا حيااتي انتي فدييت اللي يتفدوني والله وخلااص ان شاء الله بمر على كليتكم أسال
وعلى قولتج الانجليزي مو صعب يبيله شوي مجاابل ونمشي حالنا ويعطيج العافية

SupeR-GirL : هلاا حبيبتي اهاااا مووفقة ان شاء الله وااااي والله خاطري فيها بس خااايفة واايد مادري لانه مايصير انحول الا مره وحده اخاف ايي عندكم وما امشي الله لا يقوله وبعدين اندبس فيها ماادري واايد خاايفه

منورة الكويتية : وااااااي ونااسه لقيت وحده اسالها عن التخصص وكل شي <<<<< نااويه تزعجج بالاسئلة ماعليه تحمليني
خلااص انا ان شاء الله بيي عندكم الكلية واسأل عن كل شي

انزين الحين اللي فهمته من كلامج انه مو لازم اقدم ع القدرات رياضيات <<< لانه الرياضيات تبخر من مخي يعني ماعتقد راح انجح

وثاني شي انتي قلتي احتمال يعادلون الانجليزي بس انا سمعت انه عندكم تمهيديين انجليزي صج ؟؟

انزين درااستكم انجليزي بحت ؟؟ يعني كتب كلها انجليزي انجليزي يعني احفظ مصطلحاات وحجي وكلاام وايد بالانجليزي ؟؟ لاني مووو ذااك الزود بالانجليزي يعني امشي حالي فيه

ووحده اعرفها قالت لي انه هالتخصص اغلبه عملي يعني يودون مستشفيات ومادري شنوو صج ؟؟

وآخر شي بسأل عنه طريقة الامتحانات شلون يعني اغلب المواد اللي خذيتيها تكون مقالية ولاا موضوعية ولا الاثنين ؟؟

وبس ادري ازعجتج بس والله ماعرف الا انتي اللي اقدر اسالها ويعطييج العافية

رونه : حبيتي والله يعييطج العافية ماتقصرين ماتدرين شكثر ساعدتيني

عـشـــ كويت ــقـــي : هلااا والله منوووووورة الموضوع لااا ماعليه اهم شي انج رديتي ما تقصرين وانا ان شاء الله مثل ما قلت بروح حق التوجيه والارشاد بكليتكم انزين ما فهمت قصدج اربع كورسات انجليزي بس حق التمهيدي يعني ؟؟ غير عن مقررات الانجليزي الثانية المطلوبه ؟؟

 

[عـشـــ كويت ــقـــي]

هلا وغلا سمعي .. سالفة لانجليزي عندنا ..

اذا كنتي ساقطه بالانجليزي مال القدرات تاخذين اثنين تمهيدي واثنين اساسي للكليه ..
يعني 096 اذا كنت ساقطه اساسا هذا تمهيدي بدون قريدات ولا شي بس نجاح او سقوط ..
106 هذا اذا كنتي نجاحه بامتحان القدرات بس اقل من 80 درجه اخذتي بامتحان القدرات ..
وهذا عليه قريدات وعليه كل شي عادي ينحسب كماده اساسيه .. مو بس ناجحه او ساقطه ..

126 &146 هذيل اساس تاخذينهم بالكليه يا عقب ماتخلصين التمهيدي او على طول اذا كنتي ناجحه فوووق 80 ..

كل اللي كتبته فووق هذا لو انتي توج داخله الكليه يعني مستجده ..

لكن عن سالفت التحوويل والله ماادري انتي اهم شنو راح يعدلون لج ايي واحد 096 او 106 او اثنيهم ماادري الصراحه ..

بس الباجي الاثنين هذيل لازم تاخذينهم لو كنتي مخلصه كل كورسات الانجليزي بكليتج .. لانه وحده اعرفه صار معاه جذي ..

واي شي ثاني انا حاضره ..
انتي بس امري

 

[нάγoηά cнεмίsтяγ]

انشـالله تحولين يآرب
آنا مرة سألت تقريباً نفس سؤآلج بخصوص اختبـار القدرات
و في وحدة من بنـات الكليـة يحليلهـا قالتلي إنّ مو لازم نجاح بالريـاضيات ما يشترطون
بس اذا صقطتي تمهيدي نفس الانجليزي .. وبرآيي التمهيدي أفضل من انج ما تاخذينـه
وأهم شي طالبيـنه اهو الانجليزي بس الحمدلله انتي خذيتي تمهـيدي

 

[حلوة الحلوين]

خليج بالتربية احسن لج

 

[нάγoηά cнεмίsтяγ]

غلآ الشيمـاء مو توج تمدحيـن كليـة البنـآت شفيج عليهـا لووول