بناات شلون ماحملت :( شنو لازم اسوي

[الشيرازية19]

السلام عليكم ..
بنات انا صارلي شهر كامل يجامعني ريلي (بس مو كل يوم) عشان أحمل والصدمه الكبيره ان ياتلي الدوره وماحملت :eh_s(4):وانا توني متزوجه وانا وزوجي مانعرف بهالسوالف واايد وتدرون الرياييل واايد يوسوسووون والله ان قام يقول اخاف انا عقيم اقوله موزين تقول جذي يقول لأ لازم افحص!! مو تو الناس على الفحص؟؟؟ المهم الي ابيه شنو الخطوات الي اسويها عشان احمل يعني مثلا بنت خالتي تقول بعد الجماع تكرمون لا ادش الحمام لازم انا على ظهري وارفع ريولي صج؟؟ وشنو في اشياء اسويها؟

 

[مارغريتا]

شوفي حبيبتي هذا رزق عند الله سبحانه لازم انتي وريلج تؤمنون بهالشي وتوكم المشوار وراكم طويل استانسوا بحياتكم لاحقين خير ان شالله

لا تعورون راسكم بالفحوصات استانسوا توكم معاريس


واذا تبين اعلمج اهم شي بعد ماتخلصين لا تغسلين بالماي لان الماي سبحان الله يقتل الحيوانات المنويه
فقعدي شوي فيه يعني بالكثير ساعه اهي اساسا ربع ساعه ،،

اممم وشنو بعد نامي على ظهرج ورفعي ريولج عشان لا ينزل


وان شالله عن قريب نسمع بخبر حملج

 

[يا عيون سمي]

حبيبتي انتي توج عروس ليش تفكرين بالحمل استانسي بايامج ليش تظلمين نفسج عيشي حياتج


حبيبتي حمدي ربج انتي توج احنا اقل وحده فينا صارلها سنه ما حملت
وبعدين لاتفكرين وايد راح تتعبين واستانسي دامج عروس


يحدث الحمل لما تكونين مرتاحه نفسيا وما تفكرين فيه



تقبلي مروري ​

 

[كويتيه مذهله 87]

واضح انج ماتعرفين بعدج تو الناس لووول

انا مثلج وماحملت الا 7 شهوور يعني ريلي عقيم !!

لأ حبيبتي

هذي كتبه الله وقت ربج ماكتبلج الحمل تحملين لو بس بالشهر يوم واحد صار جماع الله يكتبلج الحمل

والصراحه وايد بنات يغسلون بسرعه ويحملون يعني موشرط كل هالامور بيد الله تعالي
بس انتي سوي الي قالته لج بنت خالتج لا تقومين بسرعه خليج مرتاحه علي ظهرج وبعد ربع ساعه غسلي وخلي الوضعيه الفرنسيه تسهل دخول المني ومايطلع


والله يرزقج هالشهر يارب
,,,

 

[قلبي القرآن]

رد : بناات شلون ماحملت شنو لازم اسوي

لوووووول ياحليلج تذكريني بنفسي وبزوجي
انا قعدت 6شهور ماحملت ورفيجه تزوج عقبنا وزوجته حملت
عاد هو قام يوسوس وقالي الشهر اللي بعده اذا ماحملتي بروح الطبيب انجيك
انا صرت جذي :eh_s(12): والصراحه خفت ان يكون فينا شي
وقمت اوسوس :s141: وانا كنت احس تو الناس
وأتذكر نظفت من الدورة قبل رمضان السنه اللي طافت
واقعد اصلي قيام الليل وعقب الجماع اقعد ساعه بالفراش وارفع رجولي على السرير
واقعد استغفر طول ما أنا قاعده بالفراش بعدين اقوم اتسبح
وعقب ما اتسبح اصلي ركعتين وأنام
والحمدلله حملت برمضان

لا تفكرين ولا توسوسين عادي تو الناس

 

[Great-Chef]

أفضل أيام للجماع بهدف الحمل بأذن الله من اليوم 12 الى 17 من الدورة

يعني اليوم مثلا يتج الدورة عاد تحسبين 1 وباجر 2 واللي بعد 3 جذي لحد ماتوصل لليوم 12 تبدين الجماع يعني هالفترة اكثر فترة يصير فيها الحمل

وربي يرزقج الحمل ويتمم عليج

 

[عــود كمــبودي]

توج عرووووس ولاتفكرين وااايد بهالسالفه بتتعب نفسيتج وتنعكس عليييج عيشي حيااااتج


والله يرزقنااااااااا يااااااااااااااااارب

 

[مناوووي]

حراااااااااااااااااااام تلعبين بنفسيتج

تو الناااااااااااس



ومااالج شغل بزووجج يبي يفحص كيييييييفه انتي لاتسوين شي الا بعد سنه

وان شااااء الله الله بيرزقج بس الصبر اول

 

[قلب مغليك]

رد : بناات شلون ماحملت شنو لازم اسوي

اذا فكرتي ماراح تستانسين طول الوقت تفكرين شلون تحملين ياحياتي استانسي وسافري واسهري واطلعي بكره ان شاءالله ربي يرزقج وبتشتاقين لهالايام

 

[ام فوااز]

رد : بناات شلون ماحملت شنو لازم اسوي

توج بسم الله مالج شغل بكلام ريلج تو الناس علي الفحص وهالشي بيد الله سبحانه واهم شي لازم تكون نفسيتج مرتاحة
وعسي الله يرزقج يارب

 

[جبنة بيضة]

صبري سنة بعدين تو الناس لا تفكرين وايد استانسي

الله يرزقج يارب

 

[وزيره الخارجيه]

تو الناس

الله يرزقج ان شاءالله بالذريه الصالحه

 

[@ بنت النـور @]

رد : بناات شلون ماحملت شنو لازم اسوي

عسى الله يرزقج ,, بس لو تبين رايي >> تو الناس استااااانسي توووج عروووس

 

[الشيرازية19]

حبيبتي انتي توج عروس ليش تفكرين بالحمل استانسي بايامج ليش تظلمين نفسج عيشي حياتج


حبيبتي حمدي ربج انتي توج احنا اقل وحده فينا صارلها سنه ما حملت
وبعدين لاتفكرين وايد راح تتعبين واستانسي دامج عروس


يحدث الحمل لما تكونين مرتاحه نفسيا وما تفكرين فيه



تقبلي مروري ​

ادري تو الناس بس انا و ريلي نموووووووت عاليهااااال انا فيني فقر يهال ماعندي اخوان صغار او خوات خو ماعندي خوات حتى عيال اخو ماعندي وودي بياااهل حتى امي حبيبتي تقول يلا حملي بشوف عيالج ( الله يطول بعمرها وبعمر أمهاتكم) وانا ما افكر بس ريلي وااااايد وسوااااس وااايد مو شويه يعني هالموضوع لازم كل يوم يتبطل !!!

 

[الشيرازية19]

حراااااااااااااااااااام تلعبين بنفسيتج

تو الناااااااااااس



ومااالج شغل بزووجج يبي يفحص كيييييييفه انتي لاتسوين شي الا بعد سنه

وان شااااء الله الله بيرزقج بس الصبر اول

اي انا قايلتله كيفك انا ماني فاحصه تبي تفحص رووح بروحك :j013:

 

[يا عيون سمي]

اي حبيبتي زين تسوين لا تفحصين تووووووووووووووج

 

[نمله ممصوعه]

الله يرزقج بالحمال السليم المعافا .. امين يا رب

لما تجيج الدوره .. احسبي من اول يوم تجي لي يوم 14 .. اهني
خلي الجماع يوم ايه ويوم لا .. يعني كل 48 ساعه

طبعا وضعية الجماع المعتاده اللي انتي منسدحه والزوج فوقج
وبعد الجماع وبعد القذف لا تتحركين ابدااااا خليج مسندحه ورافعه
رجولج على بطنج لمدة تقريبا نص ساعه احسن
ويستحسن انج تنامين ما تقومين الا باجر
وان شاء الله .. الله يكتب لج الحمل

اللهم امين يا رب
ويرزق الكل يا رب

 

[ملكة الأسطوره]

الله يررزقج ويرزقناا بالذريه الصالحهـ عاجلا غير اجلا يارب العالمين ......

 

[ЗтhВňŸ 'ЗМơơDk]

عسى الله يرزقج بالذريه الصالحه ..

ويرزقنا يا رب ..

 

[عذآب إلـ أنآ]

آنا حملت عقب 3 شهور من زواجي بس ماثبت واللهم آجرني في مصيبتي وأخلف لي خيرًآ منهآ
إستهدي بآلله وأدعي ربج وعسا الله يرزقنا الحمل السليم المعافى يآرب